11:50am 12/07/2016
ന്യൂഡല്ഹി: ഹിസ്ബുല് മുജാഹിദീന് കമാന്ഡറുടെ വധത്തെ തുടര്ന്ന് സംഘര്ഷം നിലനില്ക്കുന്ന കശ്മീരിലെ സ്ഥിതിഗതികള് വിലയിരുത്താന് പ്രധാനമന്ത്രി നരേന്ദ്രമോദി ഉന്നതതലയോഗം വിളിച്ചു. ഉന്നത ഉദ്യോഗസ്ഥരും മന്ത്രിമാരും യോഗത്തില് പങ്കെടുക്കുമെന്നാണ് സൂചന.
കശ്മീര് താഴ്വരയില് സംഘര്ഷങ്ങള്ക്ക് അയവായിട്ടില്ല. കഴിഞ്ഞ ദിവസം കേന്ദ്ര ആഭ്യന്തര മന്ത്രാലയത്തില് രണ്ടു തവണ ഉന്നതതല യോഗം ചേര്ന്നിരുന്നു. ആഭ്യന്തര മന്ത്രി രാജ്നാഥ് സിങ്ങിന് പുറമെ ധനമന്ത്രി അരുണ് ജെയ്റ്റ്ലി, ദേശീയ സുരക്ഷാ ഉപദേഷ്ടാവ് അജിത് ഡോവല്, മന്ത്രാലയത്തിലെ മുതിര്ന്ന ഉദ്യോഗസ്ഥര് എന്നിവര് യോഗത്തില് പങ്കെടുത്തു. പ്രധാനമന്ത്രി ആഫ്രിക്കന് പര്യടനത്തിലായതിനാല് വിഷയത്തില് നേരിട്ട് യോഗം വിളിച്ചിരുന്നില്ല.