02.36PM 02/05/2017
ബിജെപി എംപി കെ.സി. പട്ടേലിനെ ഹണിട്രാപ്പിൽ കൂടുക്കിയ സ്ത്രീയെ പോലീസ് കസ്റ്റഡിയിൽ എടുത്തു. ഗാസിയാബാദിൽനിന്നാണ് പോലീസ് സ്ത്രീയെ കസ്റ്റഡിയിൽ എടുത്തത്. ഹണിട്രാപ്പിൽ കൂടുക്കി പണം തട്ടാൻ ശ്രമിച്ചുവെന്ന് പട്ടേൽ നൽകിയ പരാതിയുടെ അടിസ്ഥാനത്തിലാണ് നടപടി. ഗുജറാത്തിലെ വൽസാഡിൽനിന്നുള്ള എംപിയാണ് പട്ടേൽ.
കഴിഞ്ഞ ആഴ്ച സഹായം അഭ്യർഥിച്ച് സ്ത്രീ തന്നെ വീട്ടിലേക്ക് വിളിപ്പിക്കുകായിരുന്നുവെന്നും വീട്ടിലെത്തിയ തനിക്ക് മയക്കുമരുന്നു കലക്കിയ ശീതളപാനീയം നൽകി നഗ്നചിത്രങ്ങൾ പകർത്തുകയായിരുന്നുവെന്നും ചൂണ്ടിക്കാടിയാണ് പട്ടേൽ പോലീസിൽ പരാതി നൽകിയത്. യുവതിയും സംഘവും ദൃശ്യങ്ങൾ പുറത്തുവിടാതിരിക്കാൻ തന്നോട് അഞ്ച് കോടി രൂപ ആവശ്യപ്പെട്ടുവെന്നും പട്ടേൽ പോലീസിൽ നൽകിയ പരാതിയിൽ പറയുന്നു.
ഇതിനിടെ തന്റെ വീട്ടിലെത്തിയ പട്ടേൽ തന്നെ ബലാത്സംഗം ചെയ്തുവെന്ന പരാതിയുമായി സ്ത്രീ രംഗത്തെത്തി. ഇതേത്തുടർന്ന് ബിജെപി എംപിക്കെതിരെ ബലാത്സംഗ കേസിൽ അന്വേഷണം നടത്താൻ കോടതി പോലീസിന് നിർദേശം നൽകിയിരുന്നു.