11:09 am 31/1/2017
ഡൽഹി: മംഗോൽപൂരിയിലെ പാർക്കിൽ യുവതിയെ കല്ലുകൊണ്ട് ഇടിച്ചു കൊന്ന നിലയിൽ. 30 കാരിയായ വീട്ടമ്മ ആരതിയാണ് കൊല്ലെപ്പട്ടത്. തിങ്കളാഴ്ച രാത്രി 8.30ഒാടെ പാർക്കിലെ സി ബ്ലോക്കിലാണ് യുവതിയുടെ മൃതദേഹം കണ്ടെത്തിയതെന്ന് പൊലീസ് പറഞ്ഞു.
ആരതിയുടെ ഭർത്താവാണെന്ന് പരിചയപ്പെടുത്തി ഒരാൾ പൊലീസിനെ ഫോണിൽ വിളിച്ച് കൊലപാതക വിവരം അറിയിക്കുകയായിരുന്നു. തുടർന്ന് നടത്തിയ അന്വേഷണത്തിലാണ് മൃതേദഹം കണ്ടെത്തിയത്. ഒരു മാസം മുമ്പാണ് ആരതി വിവാഹിതയായത്.
ചോരപുരണ്ട വലിയ കല്ല് മൃതദേഹത്തിനു സമീപത്തു നിന്ന് കണ്ടെടുത്തു. മൃതദേഹം പോസ്റ്റ് മോർട്ടത്തിനായി ആശുപത്രിയിലേക്ക് മാറ്റി. സംഭവത്തിനു ശേഷം ആരതിയുടെ ഭർത്താവ് ഒളിവിലാണ്. കേസ് രജിസ്റ്റർ ചെയ്ത് അന്വേഷണം തുടങ്ങിയിട്ടുണ്ടെന്ന് പൊലീസ് അറിയിച്ചു.