07:59 am 12/5/2017
കൊളംബോ: ഇന്ത്യൻ പ്രധാനമന്ത്രി നരേന്ദ്ര മോദി ശ്രീലങ്കയിലെത്തിയതിനു പിന്നാലെ കൊളംബോ തീരത്ത് നങ്കൂരമിടാൻ അനുമതി തേടിയ ചൈനീസ് അന്തർവാഹിനിക്ക് ശ്രീലങ്ക അനുമതി നിഷേധിച്ചു. ശ്രീലങ്കൻ അധികൃതർ തന്നെയാണ് വിവരം വെളിപ്പെടുത്തിയത്. ശ്രീലങ്കൻ തീരത്ത് നങ്കൂരമിടാനുള്ള ചൈനയുടെ നീക്കങ്ങളെ എപ്പോഴും പിന്തുണയ്ക്കാനാകില്ലെന്ന് ശ്രീലങ്ക വ്യക്തമാക്കി. ഇക്കാര്യത്തിൽ ഇന്ത്യയുടെ താൽപര്യങ്ങൾ കൂടി കണക്കിലെടുക്കേണ്ടതുണ്ടെന്നും അവർ ചൂണ്ടിക്കാട്ടി.
രാജ്യാന്തര ബുദ്ധസമ്മേളനത്തിൽ പങ്കെടുക്കുന്നതിനാണ് മോദിയുടെ രണ്ടുദിന ലങ്കൻ സന്ദർശനം. മേയ് 12 മുതൽ 14 വരെയാണ് സമ്മേളനം. സന്ദർശനത്തിനിടെ ലങ്കൻ നേതാക്കളുമായി മോദി അനൗപചാരിക സംഭാഷണം നടത്തുമെന്നാണ് സൂചന.