റഷ്യൻ താരം മരുന്നടിച്ചു; ലണ്ടൻ ഒളിമ്പിക്​സിൽ യോഗേശ്വറി​ന്​ വെള്ളി മെഡൽ

03:11PM 30/08/2016
yogeswar_0
ന്യൂഡൽഹി: 2012 ലണ്ടൻ ഒളിമ്പിക്​സിൽ പുരുഷൻമാരുടെ 60 കിലോഗ്രാം ഫ്രീസ്​റ്റൈൽ ഗുസ്​തിയിൽ ഇന്ത്യയുടെ യോഗേശ്വർ ദത്തിന്​ വെള്ളി. നേരത്തെ ഇൗയിനത്തിൽ വെങ്കല മെഡലായിരുന്നു യോഗേശ്വറി​െൻറ നേട്ടം.

ലോക ഉത്തേജക വിരുദ്ദ ഏജൻസി നടത്തിയ പരിശോധനയിൽ ലണ്ടനിൽ വെള്ളി നേടിയ റഷ്യയുടെ ബെസിക്​ കുഡുഖോവ്​ ഉത്തേജക മരുന്ന്​ ഉപയോഗിച്ചതായി കണ്ടെത്തിയതിനെ തുടർന്നാണ്​ യോഗേശ്വറി​െൻറ വെങ്കല മെഡൽ വെള്ളി മെഡലായത്​. അന്താരാഷ്​ട്ര ഒളിമ്പിക്​ കമ്മിറ്റി ഇക്കാര്യം ഒൗദ്യോഗികമായി സ്​ഥിരീകരിച്ചു. ഇതോടെ സുശീൽ കുമാറിന്​ ശേഷം ഒളിമ്പിക്​ ഗുസ്​തിയിൽ വെള്ളിമെഡൽ നേടുന്ന താരമായി മാറി യോഗേശ്വർ ദത്ത്​.

നാലുതവണ ലോക ചാമ്പ്യനും രണ്ട്​ തവണ ഒളിമ്പിക്സ്​​ മെഡൽ ജേതാവുമായ ബെസിക്​ 2013ൽ റഷ്യയിലുണ്ടായ കാറപകടത്തിൽ കൊല്ലപ്പെട്ടിരുന്നു. ലണ്ടൻ ഒളിമ്പിക്​സ് ​സമയത്ത്​ കണ്ടെത്തിയ സാമ്പിളാണ്​ റിയോ ഒളിമ്പിക്​സിന്​ മുന്നോടിയായി രാജ്യാന്തര ഒളിമ്പിക്​ കമ്മിറ്റി വീണ്ടും പരിശോധിച്ചത്​. കുഡുഗോവ്​ ഉൾപ്പെ​ടെ അഞ്ച്​ താരങ്ങളെ മരുന്ന്​ ഉപയോഗിച്ചതായി കണ്ടെത്തിയിട്ടുണ്ട്​. ഏറെ പ്രതീക്ഷയോടെ റിയോയിൽ മൽസരത്തിനിറങ്ങിയ യോഗേശ്വർ ദത്ത്​ ആദ്യ റൗണ്ടിൽ തന്നെ പുറത്തായിരുന്നു.