08:30 am 4/5/2017
വാഷിംഗ്ടണ്: അഫ്ഗാനിസ്ഥാനിൽ കൊല്ലപ്പെടുന്നതിനു തൊട്ടുമുന്പ് വനിതാ ഫോട്ടോഗ്രാഫർ പകർത്തിയ ചിത്രം അമേരിക്കൻ സൈന്യം പുറത്തുവിട്ടു. അഫ്ഗാനിസ്ഥാനിൽ പരിശീലനത്തിനിടെ മോർട്ടാർ ട്യൂബ് പൊട്ടിത്തെറിച്ച് കൊല്ലപ്പെട്ട ഹിൽഡ ക്ലെയ്റ്റണ് എന്ന ഫോട്ടോഗ്രാഫർ പകർത്തിയ ചിത്രമാണ് ആർമി മിലിട്ടറി റിവ്യൂ ജേർണലിലൂടെ പുറത്തുവിട്ടത്.
2013 ജൂലൈയിൽ നടന്ന പൊട്ടിത്തെറിയിലാണ് ഈ 22കാരി കൊല്ലപ്പെട്ടത്. സൈന്യം പുറത്തുവിട്ടിരിക്കുന്ന ഫോട്ടോ എടുത്ത് നിമിഷങ്ങൾക്കുള്ളിൽ ഹിൽഡ മരിച്ചു. ലാഗ്മാൻ പ്രവിശ്യയിലുണ്ടായ സ്ഫോടനത്തിൽ അന്ന് ഹിൽഡയും നാല് അഫ്ഗാൻ സൈനികരുമടക്കം അഞ്ചുപേരാണ് കൊല്ലപ്പെട്ടത്.
ഹിൽഡയോടുള്ള ആദരവിന്റെ ഭാഗമായി അവരുടെ കുടുംബത്തിന്റെ അനുമതിയോടെയാണ് ചിത്രം പുറത്തുവിട്ടത്. ആർമി കോംബാറ്റ് ഡോക്യുമെന്േറഷൻ വിദഗ്ധ ആദ്യമായാണ് അഫ്ഗാനിൽ കൊല്ലപ്പെടുന്നതെന്നും സംഭവത്തെ ഉദ്ധരിച്ച് അമേരിക്കൻ സേന പറയുന്നു.