07:58 pm 31/3/2017
ന്യൂഡൽഹി: ഇന്ത്യ ഓപ്പണ് സൂപ്പര് സീരിസ് ബാഡ്മിന്റണില് ഇന്ത്യൻ പെൺപോരിൽ സിന്ധുവിന് ജയം. ബാഡ്മിന്റൺ പ്രേമികളുടെ സ്വപ്ന മത്സരത്തിൽ സൈന നെഹ്വാളിനെ പരാജയപ്പെടുത്തി സിന്ധു സെമിയിലേക്ക് മാർച്ച് ചെയ്തു. നേരിട്ടുള്ള സെറ്റുകൾക്കായിരുന്നു റിയോയിലെ വെള്ളിമെഡൽ ജേതാവിന്റെ ജയം.
ആദ്യസെറ്റ് സിന്ധു അനായാസം സ്വന്തമാക്കിയെങ്കിലും രണ്ടാം സെറ്റിൽ പൊരിഞ്ഞപോരാണ് നടന്നത്. ഒരു ഘട്ടത്തിൽ സൈന 18-15 എന്ന നിലയിൽ ലീഡ് ചെയ്തിരുന്നു. എന്നാൽ പിന്നിൽനിന്ന് പൊരുതിക്കയറിയ സിന്ധു ജയം സ്വന്തമാക്കുകയായിരുന്നു. സ്കോർ: 21-16, 22-20.
ഇതോടെ ഇരുവരും തമ്മിലുള്ള ബലാബലം സമാസമമായി. ഇന്നത്തെ മത്സരമടക്കം ഇരുവരും രണ്ടുതവണയാണ് നേർക്കുനേർവന്നത്. ആദ്യ തവണ സൈനയ്ക്കൊപ്പമായിരുന്നു ജയം. ആ കടം ഇന്ന് സിന്ധു വീട്ടുകയും ചെയ്തു.