09:06 am 12/9/2016
– മാത്യു തട്ടാമറ്റം
ചിക്കാഗോ : സോഷ്യല് ക്ലബ്ബിന്റെ നാലാമത് വടംവലി മത്സരത്തില് കുവൈറ്റ് കെ.കെ.ബി. ടീം തുടര്ച്ചയായ രണ്ടു സെറ്റുകളും കരസ്ഥമാക്കി കഴിഞ്ഞ വര്ഷത്തെ റണ്ണേഴ്സ് അപ്പായ കോട്ടയം കിംഗിസിനെ പരാജയപ്പെടുത്തി ഒന്നാം സ്ഥാനം നേടി.
കാത്തിരുന്ന വന്ജനാവലിയുടെ നെഞ്ചിടിപ്പ് കൂട്ടി, ആവേശത്തിന്റെ മുള്മുനയില് നിര്ത്തിയ ഫൈനല് മത്സരത്തില് റഫറിയുടെ വിസില് മുഴങ്ങിയതോടെ വടം തോളിലേറ്റി നേര്ക്കുനേര് നിലയുറപ്പിച്ച കുവൈറ്റ് കെ.കെ.ബി. ടീം ഉം ചിക്കാഗോ കോട്ടയം കിംഗ്സ് ഉം ആര്ക്കു വഴങ്ങണമെന്ന് അറിയാതെ മിനിട്ടുകളാണ് നിലയുറപ്പിച്ചത്. ഒരു താളത്തിന്റെ, ഒരു ശ്വാസത്തിന്റെ പിഴവില് വിജയം വരിക്കാന് ഇരു ടീമുകളും കാതോര്ത്തു. ഇതുവരെ അമേരിക്കന് മലയാളി കണ്ടിട്ടില്ലാത്ത ആവേശത്തോടെയാണ് ചിക്കാഗോ സോഷ്യല് ക്ലബ്ബിന്റെ നാലാമത് വടംവലി മത്സരം ഇക്കുറി ചിക്കാഗോ സെന്റ് മേരീസ് ക്നാനായ പള്ളി മൈതാനം സാക്ഷ്യം വഹിച്ചത്.
സ്റ്റീഫന് കിഴക്കേക്കുറ്റ് സ്പോണ്സറും ബിനോയി നെല്ലികുഴിയില് ക്യാപ്റ്റനും തങ്കച്ചന് കുരുവിള കോച്ചുമായുള്ള കുവൈറ്റ് കെ.കെ.ബി. ക്ക് ഒന്നാം സ്ഥാനവും ഡിബിന് വിലങ്ങുകല്ലേല് ക്യാപ്റ്റനും ജെയിസ് ചെറുകര കോച്ചുമായുള്ള കോട്ടയം കിംഗ്സിന് രണ്ടാം സ്ഥാനവും, ഷൈബു കിഴക്കേക്കുറ്റ് ക്യാപ്റ്റനും സൈമണ് ചക്കാലപ്പടവില് കോച്ചുമായുള്ള ഉഴവൂര് സെന്റ് സ്റ്റീഫന്സ് മൂന്നാം സ്ഥാനവും ഫിലിപ്പ് .കെ.സൈമണ് കല്ലറാനിയില് ക്യാപ്റ്റനുമായുള്ള കുവൈറ്റ് കെ.കെ.ബി. ടീം നാലാം സ്ഥാനവും കരസ്ഥമാക്കി. മികച്ച കോച്ചായി തിരഞ്ഞെടുത്തത് കുവൈറ്റ് കെ.കെ.ബി. യുടെ തങ്കച്ചന് കുരുവിളയാണ്. മികച്ച കോച്ചിന് ഫിലിപ്പ് പെരികലം സ്പോണ്സര് ചെയ്ത ക്യാഷ് അവാര്ഡും കുര്യന് പെരികലം മെമ്മോറിയല് ട്രോഫിയും നല്കി.
ചിക്കാഗോ ട്രോളി പുള്ളേഴ്സ്, ഹൂസ്റ്റണ് കില്ലേഴ്സ്, കാനഡ കോട്ടയം ബ്രദേഴ്സ്, ടാമ്പാ ടസ്ക്കേഴ്സ്, ചിക്കാഗോ റഫ് ഡാഡീസ്, അറ്റ്ലാന്റാ ബുള്സ്, ചിക്കാഗോ കോട്ടയം കിംഗ്സ് സെവന്സ്, അരീക്കര അച്ചായന്സ് എന്നീ ടീമുകളും ആവേശം മുറ്റിനിന്ന മത്സരങ്ങളില് മാറ്റുരച്ചു.
വനിതകളുടെ വടംവലി മത്സരത്തില് മാത്യു തട്ടാമറ്റം മാനേജരും ഡോണി വെണ്ണലശ്ശേരി കോച്ചും റ്റോസ്മി കൈതക്കത്തൊട്ടി ക്യാപ്റ്റനുമായുള്ള ചിക്കാഗോ സെന്റ് ജൂഡ് ടീം ഒന്നാം സ്ഥാനം കരസ്ഥമാക്കി. രണ്ടാം സ്ഥാനം ചിക്കാഗോ ലൂര്ദ്ദ് മാതാ ടീമിനാണ്. ജസ്മോന് പുറമടം മാനേജരും ജോണിക്കുട്ടി പിള്ളവീട്ടില് കോച്ചും ഷൈനി പട്ടരുമഠം ക്യാപ്റ്റനുമായിരുന്നു. ചിക്കാഗോ റഫ് മമ്മീസ് ടീമും പങ്കെടുത്തു.
പുരുഷന്മാരുടെ മത്സരത്തില് ഒന്നാം സ്ഥാനം കരസ്ഥമാക്കിയ ടീമിന് ജോയി നെടിയകാലായില് സ്പോണ്സര് ചെയ്ത 3001 ഡോളറും മാണി നെടിയകാലായില് എവര്റോളിംഗ് ട്രോഫിയും സമ്മാനിച്ചു. ഫിലിപ്പ് മുണ്ടപ്ലാക്കല് സ്പോണ്സര് ചെയ്ത 2001 ഡോളറും എവര്റോളിംഗ് ട്രോഫിയുമാണ് രണ്ടാം സമ്മാനമായി നല്കിയത്. മൂന്നാം സമ്മാനം കുളങ്ങര ഫാമിലി സ്പോണ്സര് ചെയ്ത 1001 ഡോളറും രാജു കുളങ്ങര മെമ്മോറിയല് എവര്റോളിംഗ് ട്രോഫിയും നല്കി. നാലാം സ്ഥാനം ലഭിച്ച ടീമിന് ബൈജു കുന്നേല് സ്പോണ്സര് ചെയ്ത 501 ഡോളറും ബിജു കുന്നേല് മെമ്മോറിയല് എവര്റോളിംഗ് ട്രോഫിയും നല്കി.
വടംവലി മത്സരം ക്നാനായ റീജിയണ് വികാരി ജനറാള് ഫാ. തോമസ് മുളവനാല് ഉദ്ഘാടനം ചെയ്തു. സോഷ്യല് ക്ലബ്ബ് പ്രസിഡന്റ് സാജു കണ്ണമ്പള്ളി ജനറല് കണ്വീനര് സിറിയക് കൂവക്കാട്ടില്, എക്സിക്യൂട്ടീവ് അംഗങ്ങായ സിബി കദളിമറ്റം, ജോയി നെല്ലാമറ്റം, സണ്ണി ഇണ്ടിക്കുഴി, പ്രദീപ് തോമസ് മാത്യു തട്ടാമറ്റം (പി.ആര്.ഒ.) എന്നിവര് വടംവലി മത്സരത്തിന് നേതൃത്വം നല്കി. ജോസ് ഇടിയാലി, നിണല് മുണ്ടപ്ലാക്കല് എന്നിവര് മത്സരങ്ങള് നിയന്ത്രിച്ചു. തോമസ് പുത്തേത്താണ് സെക്യൂരിറ്റി ടീമിന് നേതൃത്വംനല്കിയത്. അഭിലാഷ് നെല്ലാമറ്റം (രജിസ്ട്രേഷന്), ബിനു കൈതക്കത്തൊട്ടി (റൂള്സ് & റഗുലേഷന്), ജില്സ് വയലുപടിയാനിക്കല് (ഫസ്റ്റ് എയ്ഡ്), സൈമണ് ചക്കാലപടവില് (അക്കോമഡേഷന്), ജോസ് മണക്കാട്ട് (റിസപ്ഷന് & പ്രോഗ്രാം), ബിജു കരികുളം (ഫൈനാന്സ്), പീറ്റര് കുളങ്ങര (ഗതാഗതം), ബെന്നി മച്ചാനിക്കല് (ഭക്ഷണം), അലക്സ് പടിഞ്ഞാറേല് (ഹോസ്പിറ്റാലിറ്റി), ജോമോന് തൊടുകയില് (റാഫിള്), ഷാജി നിരപ്പില് (അവാര്ഡ്), അബി കീപ്പാറ (യൂണിഫോം), സജി മുല്ലപ്പള്ളി (ഘോഷയാത്ര), റ്റിറ്റോ കണ്ടാരപ്പിള്ളി (ഫെസിലിറ്റി), അനില് മറ്റത്തിക്കുന്നേല് (ഫോട്ടോ & വീഡിയോ), ടോമി എടത്തില് (ഔട്ട് ഡോര് എന്റര്ടെയ്ന്മെന്റ്). സജി പൂതൃക്കലിന്റെ നാടന് സ്റ്റൈലിലുള്ള കമന്ററി എല്ലാവരുടെയും പ്രശംസ പിടിച്ചുപറ്റി. ഈ പരിപാടി ഘശ്ല സംപ്രേഷണം ചെയ്ത KVTV, Asianet, Joychenputhukulam.com, സംഗമം, കേരള എക്സ്പ്രസ്സ്, ഫോട്ടോ എടുത്ത ഡൊമിനിക് ചൊള്ളന്തേല് എന്നിവരോട് സോഷ്യല് ക്ലബ്ബിന്റെ കടപ്പാട് അറിയിക്കുന്നു.
തുടര്ന്നു നടന്ന ഓണാഘോഷം മലയാളത്തനിമ കൊണ്ടും തനിമയാര്ന്ന പരിപാടികൊണ്ടും പ്രത്യേകതയാര്ന്ന ഓണമായി മാറി. പ്രശസ്ത സിനിമാതാരം ദിവ്യാ ഉണ്ണിയുടെ വെല്കം ഡാന്സ് ഈ വര്ഷത്തെ ഓണത്തിന്റെ ഏറ്റവും പ്രത്യേകതയായിരുന്നു. പതിവുപോലെ സാബു എലവുങ്കലിന്റെ നേതൃത്വത്തിലുള്ള ചെണ്ടമേളത്തോടെ മഹാബലിക്കു വരവേല്പ് നല്കി. രാജു മാനുങ്കല് ആണ് മാവേലിയായി വേഷമിട്ടത്. രാജു തട്ടാമറ്റം വാമനനായി വേഷമിട്ടു. ജോസ് മണക്കാട്ടാണ് ങ/ര യായി പ്രവര്ത്തിച്ചത്.
അതിനു ശേഷം നടന്ന പൊതുസമ്മേളനത്തില് സോഷ്യല് ക്ലബ്ബ് പ്രസിഡന്റ് സാജു കണ്ണമ്പള്ളി അദ്ധ്യക്ഷനായിരുന്നു. മുഖ്യാതിഥി ജോസഫ് കെ. ജയിംസ് (Director of IL Emergency Management Agency), ഫാ. തോമസ് മുളവനാല്, സാജു കണ്ണമ്പള്ളി, സിറിയക് കൂവക്കാട്ടില്, സിബി കദളിമറ്റം, ജോയി നെല്ലാമറ്റം, സണ്ണി ഇണ്ടിക്കുഴി, പ്രദീപ് തോമസ് എന്നിവര് ചേര്ന്ന് നിലവിളക്ക് തെളിയിച്ചു. ജനറല് കണ്വീനര് സിറിക് കൂവക്കാട്ടില് സ്വാഗതം ആശംസിച്ചു. അതിനുശേഷം നടന്ന കലാപരിപാടികള് ഓണാഘോഷത്തിന് കൊഴുപ്പേകി. ഈ ഓണാഘോഷ പരിപാടിക്ക് വിപുലമായ കമ്മിറ്റിയുണ്ടായിരുന്നു. അവരുടെയും ക്ലബ്ബ് കുടുംബാംഗങ്ങളുടെയും ഒത്തൊരുമിച്ചുള്ള പ്രവര്ത്തനവും, നല്ലവരായ ചിക്കാഗോ മലയാളികളുടെ സഹകരണവും, എല്ലാ സ്പോണ്സര്മാരുടെയും സാമ്പത്തികസഹായവും അതിനുപരി എല്ലാ വടംവലി ടീമുകളുടെയും അച്ചടക്കത്തോടെയുള്ള സഹകരണവുമാണ് ഈ പരിപാടിയുടെ വിജയത്തിനു പിന്നിലെന്ന് ട്രഷറര് സണ്ണി ഇണ്ടിക്കുഴി തന്റെ നന്ദി പ്രസംഗത്തിലൂടെ പറഞ്ഞു. വിഭവസമൃദ്ധമായ ഓണസദ്യയോടു കൂടി പ്രോഗ്രാം സമാപിച്ചു.
– See more at: http://www.joychenputhukulam.com/newsMore.php?