7:33 am 18/5/2017 കൊച്ചി: സുരക്ഷാ നടപടികൾ പാലിക്കാത്ത മാളുകൾക്കെതിരെ നടപടിക്കൊരുങ്ങി എറണാകുളം ജില്ലാഭരണകൂടം. സുരക്ഷാ മുൻകരുതലുകൾ സ്വീകരിച്ചിട്ടില്ലാത്ത മാളുകൾക്കെതിരെ നടപടിയെടുക്കാൻ എറണാകുളം ജില്ലാ കളക്ടർ കെ. മുഹമ്മദ്. വൈ. സഫറുള്ള, മേയർ സൗമിനി ജെയ്നോട് ആവശ്യപ്പെട്ടു. ചൊവ്വാഴ്ച ഇടപ്പള്ളിയിലെ ഒബ്റോൺമാളിലുണ്ടായ വൻ തീപിടിത്തത്തെത്തുടർന്നാണ് നടപടി. സംഭവത്തിൽ മാളിന്റെ നാലാംനില പൂർണമായും കത്തി നശിച്ചിരുന്നു.
07:29 am 18/5/2017 കൽപറ്റ/ നിലമ്പൂർ: നിലമ്പൂർ-ബത്തേരി-നഞ്ചൻകോട് റെയിൽവേ പാതയോടുള്ള ഇടതുസർക്കാറിെൻറ അവഗണനയിൽ പ്രതിഷേധിച്ച് യു.ഡി.എഫും എൻ.ഡി.എയും ആഹ്വാനം ചെയ്ത വയനാട് ജില്ല ഹർത്താൽ വ്യാഴാഴ്ച രാവിലെ ആറുമണി മുതൽ വൈകീട്ട് ആറുമണിവരെ നടക്കും. നിലമ്പൂർ നിയോജക മണ്ഡലത്തിൽ യു.ഡി.എഫും ബി.ജെ.പിയും ഹർത്താലിന് ആഹ്വാനം ചെയ്തിട്ടുണ്ട്. പത്രം, പാൽ, ആശുപത്രി, വിവാഹം തുടങ്ങിയവയെ ഹർത്താലിൽനിന്ന് ഒഴിവാക്കിയിട്ടുണ്ട്.
07:28 am 18/5/2017 സനാ: തെക്കുപടിഞ്ഞാറൻ യമനിൽ സൗദി സഖ്യസേന നടത്തിയ വ്യോമാക്രമണത്തിൽ സ്ത്രീകളും കുട്ടികളുമടക്കം 18 പേർ കൊല്ലപ്പെട്ടു. നിരവധി പേർക്ക് പരിക്കേറ്റു. തൈസ് പ്രവിശ്യയിലെ മൗസയിലാണ് ആക്രമണം നടത്തിയത്. ആളുകളുമായി പോവുകയായിരുന്ന ട്രക്കിനെ ലക്ഷ്യമാക്കി അബദ്ധത്തിൽ ബോംബിടുകയായിരുന്നു. അൽ ബഹ്റിലുള്ള മാർക്കറ്റിൽ പോയി മടങ്ങി വരുകയായിരുന്നവരാണ് കൊല്ലപ്പെട്ടത്. ഹൗതി വിമതരും പ്രസിഡന്റ് അബ്ദുറബ് മൻസൂർ ഹാദി അനുകൂല സേനയും തമ്മിൽ കടുത്ത പോരാട്ടം നടക്കുന്ന മേഖലയാണ് മൗസ.
7:25 am 18/5/2017 പാറ്റ്ന: ബേനാമി ഇടപാടുകേസിൽ ലാലു പ്രസാദ് യാദവിന്റെ വസതിയിൽ ആദായനികുതി വകുപ്പ് റെയ്ഡ് നടത്തിയതുമായി ബന്ധപ്പെട്ട് ബിജെപി ഓഫീസിനു പുറത്ത് ബിജെപി- ആർജെഡി പ്രവർത്തകർ ഏറ്റുമുട്ടി. ആറു പേർക്കു പരിക്കേറ്റു. ലാലു പ്രസാദ് യാദവിനു നേരേയുള്ള ബിജെപി നേതാവ് സുശീൽ കുമാർ മോദിയുടെ നിരന്തര ആക്രമണങ്ങളിൽ പ്രതിഷേധിച്ച് ആർജെഡി യൂത്ത് വിംഗ് പ്രവർത്തകരാണ് വിവസ്ത്രരായി ബിജെപി സംസ്ഥാന ഓഫീസിലേക്ക് മാർച്ച് നടത്തിയത്. മുദ്രാവാക്യം വിളിച്ചെത്തിയ പ്രവർത്തകർ ബീർ ചന്ദ് പട്ടേൽ മാർഗ് റോഡിലെ Read more about ബിജെപി- ആർജെഡി പ്രവർത്തകർ ഏറ്റുമുട്ടി.[…]
7:25 am 18/5/2017 – ശ്രീകുമാര് ഉണ്ണിത്താന് ഫൊക്കാന കേരളാ കണ്വന്ഷന്റെ ഒരുക്കങ്ങള് പൂര്ത്തിയായാതായി ഫൊക്കാനാ പ്രസിഡന്റ് തമ്പി ചാക്കോ അറിയിച്ചു .കൂടാതെ ഫൊക്കാന കേരളാ കണ്വന്ഷന് വന് വിജയമാക്കണമെന്നു ഫൊക്കാന പ്രസിഡന്റ് തമ്പി ചാക്കോ അറിയിച്ചു.മെയ് ഇരുപത്തി ഏഴിന് ആലപ്പുഴ ലേക്ക് പാലസ് റിസോര്ട്ടില് നടക്കുന്ന കണ്വന്ഷന്റെ അണിയറ പ്രവര്ത്തനങ്ങള് എല്ലാം സുഗമമായി നടക്കുന്നു .കേരളാ മുഖ്യമന്ത്രി ശ്രീ പിണറായി വിജയനെ കണ്ടു കൊണ്ട് തുടങ്ങിയ പ്രവര്ത്തനങ്ങള് എല്ലാം വിജയപ്രദം ആയിരുന്നു.മുഖ്യമന്ത്രി ഫൊക്കാനയ്ക്കു നല്കിയ കേരളാ Read more about ഫൊക്കാന കേരളാ കണ്വന്ഷന്റെ ഒരുക്കങ്ങള് പൂര്ത്തിയായി ; ഏവര്ക്കും സ്വാഗതം: തമ്പി ചാക്കോ[…]
07:23 am 18/5/2017 തിരുവനന്തപുരം: നോട്ട് നിരോധന കാലയളവിൽ ബാങ്കുകൾക്കും എടിഎമ്മുകൾക്കും മുന്നിൽ ക്യൂ നിന്നു മരിച്ചവരുടെ കുടുംബങ്ങൾക്കു രണ്ടു ലക്ഷം രൂപ വീതം സഹായം നൽകാൻ മന്ത്രിസഭാ യോഗം തീരുമാനിച്ചു. റദ്ദാക്കിയ നോട്ട് മാറ്റിയെടുക്കാൻ ബാങ്കിനു മുന്നിലും പുതിയ നോട്ടിന് വേണ്ടി എടിഎമ്മിനു മുന്നിലും ക്യൂ നിൽക്കുന്നതിനിടെ മരിച്ച നാല് പേരുടെ കുടുംബങ്ങൾക്കു സഹായം ലഭിക്കും. സി ചന്ദ്രശേഖരൻ (കൊല്ലം), കാർത്തികേയൻ (ആലപ്പുഴ), പി.പി. പരീത് (തിരൂർ), കെ.കെ. ഉണ്ണി (കണ്ണൂർ) എന്നിവരാണ് മരിച്ചത്.
7:23 am 18/5/2017 ലൈഫ്വേ ചര്ച്ച് ഓഫ് ഗോഡ് ആരാധനാ മന്ദിരത്തിന്റെ സമര്പ്പണ പ്രാര്ത്ഥനാ ശുശ്രൂഷ ജൂണ് 10-ന് – രാജന് ആര്യപ്പള്ളില് ഡാളസ്: ലൈഫ്വേ ചര്ച്ച് ഓഫ് ഗോഡ് ആരാധനാ മന്ദിരത്തിന്റെ സമര്പ്പണ പ്രാര്ത്ഥനാ ശുശ്രൂഷയും കണ്വന്ഷനും ജൂണ് 9 മുതല് 11 വരെ 9401 സൈയ്ന് റോഡ്, ഡാളസ്, ടെക്സാസ് 75227 വെച്ച് നടക്കും. നിലവിലുള്ള ന്യൂഗാര്ലന്റ്ചര്ച്ച് ഓഫ്ഗോഡ് പുതിയ ആരാധന സ്ഥലത്തേക്ക് മാറിയതുകൊണ്ട് ന്യൂ ഗാര്ലന്റ്ചര്ച്ച് ഓഫ് ഗോഡ് എന്ന ചര്ച്ചിന്റെ പേര് Read more about Default title[…]
07:22 am 18/5/2017 രാജീവ് രവി ഒരുക്കിയ കമ്മട്ടിപ്പാടത്തിന് അന്താരാഷ്ട്ര പുരസ്കാരം. ന്യൂയോര്ക്ക് ഇന്ത്യന് ഫിലിം ഫെസ്റ്റിവലില് മികച്ച തിരക്കഥയ്ക്കുള്ള പുരസ്കാരമാണ് കമ്മട്ടിപ്പാടം നേടിയത്. പി.ബാലചന്ദ്രനാണ് കമ്മട്ടിപ്പാടത്തിന്റെ തിരക്കഥയൊരുക്കിയത്. മികച്ച നടനുള്ള പുരസ്കാരം കലാധരന് നേടി. സതീഷ് ബാബുസേനനും സന്തോഷ് ബാബുസേനനും ചേര്ന്ന് സംവിധാനം ചെയ്ത ഒറ്റയാള്പാത എന്ന ചിത്രത്തിലെ പ്രകടനത്തിനായിരുന്നു കലാധരന് പുരസ്കാരം ലഭിച്ചത്. സുഭാഷിഷ് ഭൂട്ടിയാനി സംവിധാനം ചെയ്ത മുക്തിഭവന്/ ഹോട്ടല് സാല്വേഷന് എന്ന ഹിന്ദി ചിത്രത്തിനാണ് മികച്ച സിനിമയ്ക്കുള്ള പുരസ്കാരം. ‘എ ഡെത്ത് Read more about ന്യൂയോര്ക്ക് ഇന്ത്യന് ഫിലിം ഫെസ്റ്റിവലില് മികച്ച തിരക്കഥയ്ക്കുള്ള പുരസ്കാരം കമ്മട്ടിപ്പാടത്തിന്[…]
09:08 pm 17/5/2017 ജലാലാബാദ്: അഫ്ഗാനിസ്ഥാനിൽ നാഷണൽ ടെലിവിഷൻ സ്റ്റേഷനിലുണ്ടായ ചാവേർ ബോംബ് ആക്രമണത്തിൽ ആറു പേർ കൊല്ലപ്പെട്ടു. ജലാബാദ് നഗരത്തിൽ ബുധനാഴ്ചയായിരുന്നു ആക്രമണം. ടെലിവിഷൻ സ്റ്റേഷനിലേക്ക് ഇരച്ചെത്തിയ ഭീകരർ ബോംബ് ഗേറ്റിൽ സ്ഫോടനം നടത്തിയശേഷം തുരുതുരെ നിറയൊഴിക്കുകയായിരുന്നു. കൊല്ലപ്പെട്ടവരിൽ നാലു സിവിലിയൻമാരും രണ്ടു പോലീസ് ഉദ്യോഗസ്ഥരും ഉൾപ്പെടുന്നു. നാലു മണിക്കൂർ നീണ്ട ഏറ്റുമുട്ടലിനിടെ 17 പേർക്കു പരിക്കേറ്റതായാണ് റിപ്പോർട്ട്. ഏറ്റുമുട്ടൽ നടക്കുന്ന സമയം മാധ്യമപ്രവർത്തകർ ടിവി സ്റ്റേഷനുള്ളിൽ കുടുങ്ങിക്കിടക്കുകയായിരുന്നു. ആക്രമണത്തിന്റെ ഉത്തരവാദിത്തം ഒരു സംഘടനയും ഏറ്റെടുത്തിട്ടില്ലെങ്കിലും Read more about അഫ്ഗാനിസ്ഥാനിൽ നാഷണൽ ടെലിവിഷൻ സ്റ്റേഷനിലുണ്ടായ ചാവേർ ബോംബ് ആക്രമണം.[…]
09:05 pm17/5/2017 ബംഗാസോ: സെൻട്രൽ ആഫ്രിക്കൻ റിപ്പബ്ളിക്ക്(സാർ) അതിർത്തി പ്രദേശമായ ബംഗാസോയിൽ റെഡ്ക്രോസ് 115 പേരുടെ മൃതദേഹങ്ങൾ കണ്ടെത്തി. സൈനിക ആക്രമണം നടന്നു ദിവസങ്ങൾക്കുശേഷം നടത്തിയ പരിശോധനയിലാണ് മൃതദേഹങ്ങൾ കണ്ടെത്തിയത്. നേരത്തെ അറിയിച്ചിരുന്നതിലും നാലിരട്ടിയാണ് മരണസംഖ്യയെന്നു റെഡ്ക്രോസ് അറിയിച്ചു. 26 പേർ മരിച്ചെന്നാണ് മുന്പ് യുഎൻ പ്രതിനിധി ഒൗദ്യോഗികമായി അറിയിച്ചിരുന്നത്. മൃതദേഹങ്ങളിൽ ഭൂരിഭാഗത്തിലും കത്തിക്കുത്തിന്റെയോ വെടിയുണ്ടയുടേയോ പരിക്കുകളുണ്ട്. കണ്ടെടുത്ത മൃതദേഹങ്ങളിൽ 35 എണ്ണം മറവു ചെയ്ത നിലയിലായിരുന്നു. ബംഗാസോയിൽ സംഘർഷാവസ്ഥ തുടരുന്നതിനാൽ പ്രദേശത്തുനിന്ന് ആളുകളുടെ പലായനം തുടരുകയാണ്.