03 : 49 pm 16/5/2017 പാറ്റ്ന: ബിഹാറിൽ ഉണ്ടായ വാഹനാപകടത്തിൽ അഞ്ചു പേർ മരിച്ചു. സംഭവത്തിൽ പത്തു പേർക്ക് പരിക്കേറ്റു. എസ്യുവി ട്രക്കിലിടിച്ചാണ് അപകടമുണ്ടായത്. സംഭവത്തിൽ പരിക്കേറ്റവരെ സമീപത്തെ ആശുപത്രികളിൽ പ്രവേശിപ്പിച്ചു. ഇവരിൽ മൂന്നു പേരുടെ നില അതീവ ഗുരുതരമാണ്. ബിഹാറിലെ മഹിസോണയിലാണ് സംഭവം. പുലർച്ചെ 3.30ഓടെയാണ് അപകമുണ്ടായതെന്നും ഡ്രൈവർ ഉറങ്ങി പോയതാകാം അപകട കാരണമെന്നും പോലീസ് വൃത്തങ്ങൾ അറിയിച്ചു.
03:46 pm 16/5/2017 ദമാസ്കസ്: സിറിയയിലെ അഭയാർഥി ക്യാമ്പിലുണ്ടായ ബോംബ് സ്ഫോടനത്തിൽ ആറു പേർ കൊല്ലപ്പെട്ടു. റുക്ബാൻ ക്യാമ്പിനു സമീപമാണ് സ്ഫോടനമുണ്ടായത്. തുടരെ ഉണ്ടായ രണ്ട് സ്ഫോടനങ്ങളിലാണ് ആറു പേർ കൊല്ലപ്പെട്ടുകയും നിരവധിപ്പേർക്ക് പരിക്കേൽക്കുകയും ചെയ്തത്. ആദ്യ സ്ഫോടനം ഇവിടുത്തെ ഭക്ഷണശാലയ്ക്കു സമീപവും രണ്ടാമത്തേത് മാർക്കറ്റിനു സമീപവുമാണ് ഉണ്ടായത്. സ്ഫോടനത്തിന്റെ ഉത്തരവാദിത്തം ഐഎസ് ഏറ്റെടുത്തു.
7:51 am 16/5/2017 തിരുവനന്തപുരം: പൊലീസ് മേധാവി സ്ഥാനത്തേക്ക് ടി.പി. സെൻകുമാർ വരുന്നത് തടയാൻ കേന്ദ്രസർക്കാർ മൂന്നുകോടിയോളം രൂപ ചെലവഴിച്ചതായി വിവരാവകാശരേഖ. അഭിഭാഷകർക്ക് ഫയലുകളെത്തിക്കാൻ ഉന്നത ഉദ്യോഗസ്ഥർ 150 തവണയോളം ഡൽഹിയിലേക്ക് വിമാനയാത്ര നടത്തി. മുതിർന്ന അഭിഭാഷകൻ ഹരീഷ് സാൽവേക്ക് 80ലക്ഷം ഫീസ് നൽകി. സാൽവേക്കൊപ്പം കേസ് പഠിക്കുന്ന 30 അഭിഭാഷകർക്ക് പ്രത്യേകം ഫീസ് നൽകി. വിവരാവകാശനിയമപ്രകാരം പാച്ചിറ നവാസാണ് ഈ കണക്കുകൾ ശേഖരിച്ചത്. സർക്കാറിനു വേണ്ടി ഹാജരായ പി.പി. റാവു, സിദ്ധാർഥ് ലൂത്ര, ജയദീപ് Read more about സെൻകുമാർ വരുന്നത് തടയാൻ കേന്ദ്രസർക്കാർ മൂന്നുകോടിയോളം രൂപ ചെലവഴിച്ചു.[…]
07:49 am 16/5/2017 ചെന്നൈ: തൻെറ പേരില് ഇനി ഒരു രാഷ്ട്രീയ പാര്ട്ടിയെയും വോട്ടു നേടാന് അനുവദിക്കില്ലെന്ന് സ്റ്റൈൽ മന്നൻ രജനികാന്ത്. ദൈവമാണ് ഇതുവരെ എന്നെ നയിച്ചത്. ഇതുവരെ നടനായി ജീവിച്ച തനിക്കു ഇനി ദൈവം വിധിച്ചത് എന്താണെന്ന് അറിയില്ല. രാഷ്ട്രീയത്തിലെത്തണമോ വേണ്ടയോ എന്നത് ദൈവ തീരുമാനമാണ്. 12 വര്ഷത്തിനുശേഷം ഇതാദ്യമായി നടന്ന ആരാധക സംഗമത്തിലാണ് രാഷ്ട്രീയ പ്രവേശന സാധ്യത രജനികാന്ത് വ്യക്തമാക്കിയത്. ദീര്ഘകാലമായി രാഷ്ട്രീയ പ്രവേശനം എന്ന സമ്മർദം അനുയായികളിൽനിന്ന് ഉയരുന്നതിനാല് ആരാധകരെ കാണാതെ ഒഴിഞ്ഞു Read more about രാഷ്ട്രീയത്തിലെത്തണമോ വേണ്ടയോ എന്നത് ദൈവ തീരുമാനമാണ്: രജനികാന്ത്.[…]
07:46 am 16/5/2017 ന്യൂഡൽഹി: രാജ്യത്ത് ഇന്ധനവില കുറച്ചു. പെട്രോളിന് ലിറ്ററിന് 2.16 പൈസയും ഡീസലിന് 2.10 പൈസയുമാണ് കുറച്ചത്. പുതുക്കിയ വില തിങ്കളാഴ്ച അർധരാത്രി മുതൽ നിലവിൽവന്നു. അന്താരാഷ്ട്ര വിപണിയിൽ ക്രൂഡോയിലിെൻറ വില കുറഞ്ഞതാണ് വില കുറയാൻ കാരണം. വിപണിയിലെ മാറ്റങ്ങള് തുടര്ന്നും ഇന്ധനവിലയില് പ്രതിഫലിക്കുമെന്നും ഇന്ത്യന് ഓയില് കോര്പറേഷന് അറിയിച്ചു. ഏപ്രില് 16-ന് പെട്രോളിന് 1.39 രൂപയും ഡീസലിന് 1.04 രൂപയും വര്ധിപ്പിച്ചിരുന്നു.
07:44 am 16/5/2017 വാഷിംഗ്ടൺ: ന്യൂജേഴ്സിയിലെ റ്റാറ്റർബോറോ വിമാനത്താവളത്തിനു സമീപമാണ് സംഭവം. വിമാനം നിലത്തിറക്കാൻ ശ്രമിക്കുന്നതിനിടെയാണ് അപകടമുണ്ടായതെന്നാണ് വിവരം. സ്വകാര്യ വ്യക്തിയുടെ ചെറുയാത്രവിമാനമാണ് അപകടത്തിൽപ്പെട്ടത്. എന്നാൽ വിമാനം ആരുടേതാണെന്ന വിവരം പുറത്തുവിട്ടിട്ടില്ല. വിമാനം നിലത്തിറക്കാൻ ശ്രമിക്കുന്നതിനിടെ സമീപത്തെ കെട്ടിടങ്ങളിൽ ഇടിച്ച് തകർന്നു വീഴുകയായിരുന്നു. വിമാനത്തിനുള്ളിൽ ഉണ്ടായിരുന്ന രണ്ട് ജീവനക്കാർ മരിച്ചെന്നാണ് വിവരം. എന്നാൽ ഇത് സ്ഥിരീകരിച്ചിട്ടില്ല. കൂടുതൽ വിവരങ്ങൾ ലഭ്യമല്ല.
07:44 am 16/5/2017 കോഴിക്കോട്: കോഴിക്കോട് പിവിഎസ് ആശുപത്രിക്ക് സമീപത്തു നിന്നുമാണ് നോട്ടുകൾ പിടികൂടിയത്. വടക്കാഞ്ചേരി സ്വദേശി സിറാജുദീൻ എന്നയാളിൻ നിന്നാണ് 500, 1000 രൂപ നോട്ടുകൾ പിടികൂടിയത്. കോടികളുടെ ഇടപാടാണ് ഇയാൾ ഉദ്ദേശിച്ചിരുന്നതെന്ന് ചോദ്യം ചെയ്യലിൽ വ്യക്തമായതായി പോലീസ് അറിയിച്ചു.
07:41 am 16/5/2017 ഷാദോൾ: മധ്യപ്രദേശിലെ ഷാദോൾ ജില്ലയിൽ വാഹനാപകടത്തിൽ ഒരു കുടുംബത്തിലെ ഒന്പതു പേർ മരിച്ചു. ഇവർ സഞ്ചരിച്ചിരുന്ന ജീപ്പ് നിർത്തിയിട്ടിരുന്ന ട്രക്കിലിടിച്ചാണ് അപകടം. മരിച്ചവരിൽ മൂന്നു സ്ത്രീകളും രണ്ടു പെണ്കുട്ടികളും ഉൾപ്പെടുന്നു. വാരണാസിയിൽനിന്നു ഛത്തീസ്ഗഡിലെ കോണ്ഡഗാവിലേക്കു പോയ സംഘമാണ് അപകടത്തിൽപ്പെട്ടത്.
07:40 am 16/5/2017 ശ്രീനഗർ: ജമ്മു കാഷ്മീർ താഴ്വരയിൽ സുരക്ഷാസേനയും വിദ്യാർഥികളും തമ്മിൽ വീണ്ടും സംഘർഷം. ശ്രീനഗറിലെ എസ്പി കോളജിലെ വിദ്യാർഥികളാണ് സൈന്യവുമായി ഏറ്റുമുട്ടിയത്. പോലീസ് തുടക്കത്തിൽ വിദ്യാർഥികളെ തുരത്തിയെങ്കിലും പിന്നീടും സംഘം റോഡിലിറങ്ങാൻ ശ്രമം നടത്തി. ഇതേതുടർന്ന് സൈന്യം വിദ്യാർഥികൾക്കു നേർക്ക് കണ്ണീർ വാതകം പ്രയോഗിച്ചു. വിദ്യാർഥികൾ സൈന്യത്തിനു നേർക്കു കല്ലേറ് നടത്തി. സംഘർഷങ്ങളിൽ നിരവധി വിദ്യാർഥികൾക്കു പരിക്കേറ്റിട്ടുണ്ടെന്ന് ദൃക്സാക്ഷികളെ ഉദ്ധരിച്ച് കാഷ്മീർ ഒബ്സർവർ റിപ്പോർട്ട് ചെയ്തു. മൂന്നു പോലീസ് ഉദ്യോഗസ്ഥർക്കു പരിക്കേറ്റതായി സ്ഥിരീകരണമുണ്ട്.
7:39 am 16/5/2017 ഗുരുദാസ്പുർ: പത്താൻകോട് ഭീകരാക്രമണത്തിൽ കൊല്ലപ്പെട്ട ജവാന്റെ സഹോദരനും ഇയാളുടെ ഭാര്യയും നടുറോഡിൽ മർദനത്തിനിരയായി. ഭീകരാക്രമണത്തിൽ വീരമൃത്യുവരിച്ച ഹവിൽ കുൽവന്ത് സിംഗിന്റെ സഹോദരൻ ഹർദീപ് സിംഗ്, കുൽവിന്ദർ കൗൾ എന്നിവർക്കാണ് മർദനമേറ്റത്. ട്രാവൽ ഏജന്റായ ഗുനാം സിംഗാണ് ഇരുവരെയും നടുറോഡിൽ ആക്രമിച്ചതെന്ന് പോലീസിൽ നൽകിയ പരാതിയിൽ പറയുന്നു. ഫ്രാൻസിലേക്ക് പോകാനായി ഹർദീപ്, ഗുനാം സിംഗിന് എട്ടുലക്ഷം രൂപ നൽകിയിരുന്നു. എന്നാൽ ഗുനാം ഇന്തോനേഷ്യയിലേക്കുള്ള ടിക്കറ്റാണ് ഹർദീപിനു നൽകിയത്. ഇതേതുടർന്നുണ്ടായ തർക്കമാണ് മർദനത്തിൽ കലാശിച്ചത്. ഗുനാം Read more about ഭീകരാക്രമണത്തിൽ കൊല്ലപ്പെട്ട ജവാന്റെ സഹോദരനും ഇയാളുടെ ഭാര്യയും നടുറോഡിൽ മർദനത്തിനിരയായി.[…]