01:10pm 15/3/2016 ചെന്നൈ: സാഹിത്യകാരി കമലാ സുറയ്യയുടെ ജീവതം സിനിമയാകുന്നു. തെന്നിന്ത്യന്‍ നടി വിദ്യാബാലന്‍ കമലാ സുറയ്യയായി വേഷമിടുന്നത് . കമല്‍ സംവിധാനം ചെയ്യുന്ന സിനിമയുടെ പ്രമേയം കമലാ സുറയ്യയുടെ സംഭവബഹുലമായ വ്യക്തിത്വവും സാഹിത്യ ജീവിതവുമാണ്. അവരുടെ ജീവിതത്തിലും എഴുത്തിലും സംഭവിച്ചിട്ടുള്ള യാഥാര്‍ഥ്യങ്ങളും സാങ്കല്‍പികതയും കൂട്ടിച്ചേര്‍ത്തതാണ് സിനിമയെന്ന് കമല്‍ പറഞ്ഞു. രണ്ടുവര്‍ഷം മുമ്പ് ഇതുമായി ബന്ധപ്പെട്ട് വിദ്യയുമായി സംസാരിച്ചിരുന്നെന്നും റോള്‍ സന്തോഷത്തോടെ അവര്‍ സ്വീകരിച്ചതായും കമല്‍ പറഞ്ഞു. വിദ്യക്കൊപ്പം പൃഥ്വിരാജും സിനിമയില്‍ പ്രധാനവേഷം ചെയ്യും. പൃഥ്വിരാജിന്റെ വേഷം Read more about കമലാ സുറയ്യയുടെ ജീവിതം സിനിമയാകുന്നു[…]

12:04pm 14/3/2016 മലയാള സിനിമയെ നടുക്കിയ മരണമാണ് മണിയുടേത് -മമ്മൂട്ടി ചാലക്കുടി: മലയാള സിനിമയെ നടുക്കിയ മരണമാണ് കലാഭവന്‍ മണിയുടേതെന്ന് നടന്‍ മമ്മൂട്ടി. കലാഭവന്‍ മണിക്ക് ആദരാഞ്ജലിയര്‍പ്പിക്കാന്‍ ചാലക്കുടി കാര്‍മല്‍ ഹൈസ്‌കൂള്‍ സ്റ്റേഡിയത്തില്‍ സംഘടിപ്പിച്ച ചിരസ്മരണയില്‍ സംസാരിക്കുകയായിരുന്നു മമ്മൂട്ടി. ജയന്റെ മരണമാണ് മലയാള സിനിമയെ നടുക്കിയ മറ്റൊരു മരണം. എന്നാല്‍ കലാഭവന്‍ മണിയുടെ മരണം നടുക്കം മാത്രമല്ല എല്ലാവരിലും ആര്‍ത്തനാദം കൂടി സൃഷ്ടിച്ചതായി മമ്മൂട്ടി പറഞ്ഞു. മണിയുടെ മരണം ജീവിതത്തിലെ വലിയ സങ്കടങ്ങളിലൊന്നാണെന്ന് മോഹന്‍ലാല്‍ പറഞ്ഞു. നല്ല Read more about ജീവിതത്തിലെ വലിയ സങ്കടങ്ങളിലൊന്നാണെന്ന് മോഹന്‍ലാല്‍[…]

6:05pm 12/3/2016 ‘വെള്ളിമൂങ്ങക്ക്’ ശേഷം ജിക്കു ജേക്കബ് ഒരുക്കുന്ന ചിത്രത്തില്‍ മോഹന്‍ലാലിനൊപ്പം ബിജു മേനോനും പ്രധാന കഥാപാത്രത്തെ അവതരിപ്പിക്കുന്നു. മോഹന്‍ലാല്‍ പഞ്ചായത്ത് സെക്രട്ടറിയുടെ വേഷത്തിലെത്തുന്ന ചിത്രത്തില്‍ ബിജു മേനോനും ഒരു സര്‍ക്കാര്‍ ഉദ്യോഗസ്ഥന്റെ വേഷത്തിലാണ് എത്തുന്നത്. മീനയാണ് ചിത്രത്തില്‍ നായിക. അജു വര്‍ഗീസ്, സുരാജ് വെഞ്ഞാറമൂട്, നെടുമുടി വേണു, കലാഭവന്‍ ഷാജോണ്‍, സുധീര്‍ കരമന എന്നിവരും ചിത്രത്തിലുണ്ട്. എം സിന്ദുരാജാണ് ചിത്രത്തിന്റെ തിരക്കഥ ഒരുക്കുന്നത്. ബാംഗ്ലൂര്‍ ഡെയ്‌സ് നിര്‍മിച്ച സോഫിയ പോളാണ് ചിത്രം നിര്‍മിക്കുന്നത്. ബിജിബാലാണ് സംഗീത Read more about മോഹന്‍ലാലിനൊപ്പം ബിജു മേനോനും[…]

1:16pm 12/3/2016 ന്യൂഡല്‍ഹി: പുകയില ഉല്‍പന്നങ്ങളുടെ പരസ്യത്തില്‍ പ്രത്യക്ഷപ്പെട്ടതിന് ബോളിവുഡ് നടന്‍ അജയ് ദേവ്ഗണിന് ഡല്‍ഹി സര്‍ക്കാര്‍ ആരോഗ്യവകുപ്പ് നോട്ടീസ് അയച്ചു. പൊതുജനാരോഗ്യത്തിന് മേലുള്ള കടന്നാക്രമണത്തിന് പുകയില കമ്പനികളെപോലെ അവരുടെ ഉല്‍പന്നത്തിന്റെ പരസ്യത്തില്‍ പ്രത്യക്ഷപ്പെടുക വഴി നടനും ഉത്തരവാദി ആണെന്ന് നോട്ടീസില്‍ പറയുന്നു. അതിനാല്‍, പുകയില ഉല്‍പന്നങ്ങള്‍ക്ക് പ്രചാരം നല്‍കുകയും ആളുകളെ വഴിതെറ്റിക്കുകയും ചെയ്യുന്ന ഇത്തരം പരസ്യങ്ങളില്‍ അഭിനയിക്കാതിരിക്കാന്‍ വേണ്ടിയാണ് നോട്ടീസ് അയക്കുന്നതെന്നും പറഞ്ഞിട്ടുണ്ട്. ആരോഗ്യവകുപ്പിലെ അഡീഷനല്‍ ഡയറക്ടര്‍ എസ്.കെ. അറോറയാണ് നോട്ടീസ് അയച്ചത്. കാന്‍സറിന് കാരണമാകുന്ന Read more about പാന്‍മസാല പരസ്യം: നടന്‍ അജയ് ദേവ്ഗണിന് ഡല്‍ഹി സര്‍ക്കാറിന്റെ നോട്ടീസ്[…]

10:48am 10/3/2016 പ്രേമത്തിന് ശേഷം വീണ്ടും നിവിനും അല്‍ഫോന്‍സും ഒന്നിക്കുന്ന തമിഴ് ചിത്രം ‘അവിയലി’ന്റെ ട്രൈലര്‍ പുറത്തിറങ്ങി. അഞ്ച് സംവിധായകരുടെ അഞ്ച് ഹ്രസ്വചിത്രങ്ങള്‍ ചേര്‍ന്ന സിനിമയാണ് അവിയല്‍. അല്‍ഫോന്‍സ് പുത്രന്‍, സമീര്‍ സുല്‍ത്താന്‍, മൊഹിത് മെഹ്റാ, ലോഗേഷ് കനകരാജ്, ഗുരു സ്മരണ്‍ എന്നിവരാണ് സംവിധായകര്‍. അല്‍ഫോന്‍സിന്റെ ഹ്രസ്വചിത്രം ‘എലി’യാണ് ചിത്രത്തില്‍ ഉള്‍പെടുത്തിയിരിക്കുന്നത്.

10:21am 10/3/2016 സിനിമ ഏപ്രില്‍ 14ന് തിയേറ്ററുകളില്‍ എത്തും. അഭ്യൂഹങ്ങള്‍ക്ക് അറുതിവരുത്തി നിര്‍മ്മാതാവ് കലൈപുലി തനുവാണ് പ്രഖ്യാപനം നടത്തിയത്. മാര്‍ച്ച് 20ന് ചിത്രത്തിന്റെ ഓഡിയോ റിലീസിങും നടക്കും. ശങ്കറിന്റെ അസോസിയേറ്റും രാജാറാണിയുടെ സംവിധായകനുമായ ആറ്റ്ലിയാണ് തെറി ഒരുക്കുന്നത്. സംഗീത സംവിധായകന്‍ ജിവി പ്രകാശിന്റെ 50-ാം ചിത്രവുമാണ് തെറി. ചിത്രത്തില്‍ വിജയ്ക്ക് ഇരട്ടവേഷമാണ്. സാമന്തയും എമി ജാക്സനുമാണ് നായികമാര്‍.

10:18am 10/3/2016 ഇന്ത്യന്‍ ക്രിക്കറ്റ് ടീം ക്യാപ്റ്റന്‍ ധോണിയെക്കുറിച്ചുള്ള ചിത്രത്തിന്റെ ഫസ്റ്റ് ലുക്ക് പോസ്റ്റര്‍ ഇറങ്ങി. എം.എസ് ധോണി ദ അണ്‍ടോള്‍ഡ് സ്റ്റോറി എന്നാണ് ചിത്രത്തിന്റെ പേര്. സുശാന്ത് സിംഗ് രാജ്പുത്താണ് ചിത്രത്തില്‍ നായകനാവുക. ഫോക്സ് സ്റ്റാര്‍ ഇന്ത്യയും എന്‍സ്പെയര്‍ഡ് എന്റര്‍ടെയ്ന്‍മെന്റുമായി ചേര്‍ന്ന് ബോളിവുഡ് സംവിധായകന്‍ നീരജ് പാണ്ഡേയാണ് ചിത്രം നിര്‍മ്മിക്കുന്നത്. ചിത്രം സംവിധാനം ചെയ്യുന്നത് അരുണ്‍ പാണ്ഡേയാണ്. ചിത്രം ഈ വര്‍ഷം സെപ്റ്റംബറില്‍ തിയറ്ററില്‍ എത്തും

03:22pm 8/3/2016 പൃഥ്വിരാജും ചെമ്പന്‍ വിനോദും കേന്ദ്രകഥാപാത്രമായി എത്തുന്ന ഡാര്‍വിന്റെ പരിണാമത്തിന്റെ ആദ്യ ടീസര്‍ എത്തി. ജിജോ ആന്റണി സംവിധാനം ചെയ്യുന്ന ചിത്രത്തില്‍ ചാന്ദ്നി ശ്രീധരനാണ് നായിക. അഭിനന്ദ് രാമാനുജമാണ് ക്യാമറ. മനോജ് നായരും ജിജോ ആന്റണിയും ചേര്‍ന്നാണ് രചന. ശംഭു ശര്‍മ്മ സംഗീതവും വിജയ്ശങ്കര്‍ എഡിറ്റിങ്ങും നിര്‍വഹിക്കുന്നു. മാര്‍ച്ച് 18ന് ചിത്രം പ്രദര്‍ശനത്തിനെത്തും.

9:33am 8/3/2016 തിരുവനന്തപുരം: ചലച്ചിത്ര സംവിധായകന്‍ സജി പരവൂര്‍ (48) അന്തരിച്ചു. മസ്തിഷ്‌ക രക്തസ്രാവത്തെ തുടര്‍ന്ന് രണ്ട് ദിവസമായി ചികിത്സയിലായിരുന്നു. പുലര്‍ച്ചെ ഒന്നരയോടെ തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. രാവിലെ 10 മണിക്ക് പരവൂര്‍ ടൗണ്‍ ഹാളില്‍ ഭൗതിക ശരീരം പൊതുദര്‍ശനത്തിനു വെക്കും. തുടര്‍ന്ന് 4.30ന് കൊല്ലം മുളങ്കാടകം ശ്മശാനത്തില്‍ സംസ്‌കാരം നടക്കും. 2010ല്‍ സുരേഷ് ഗോപിയും മോഹന്‍ ലാലും മുഖ്യവേഷത്തിലെത്തിയ ‘ജനകന്‍’ എന്ന സിനിമയുടെ സംവിധായകനാണ്. ലെനിന്‍ രാജേന്ദ്രന്‍ അടക്കം നിരവധി പ്രമുഖരുടെ ചിത്രങ്ങളില്‍ സഹസംവിധായകനായിരുന്നു. Read more about മലയാള ചലച്ചിത്ര സംവിധായകന്‍ സജി പരവൂര്‍ അന്തരിച്ചു[…]

06-03-2016 7.40 pm കൊച്ചി: നടന്‍ കലാഭവന്‍ മണി (45) അന്തരിച്ചു. കരള്‍ സംബന്ധമായ അസുഖത്തെ തുടര്‍ന്ന് കൊച്ചിയിലെ സ്വകാര്യ ആശുപത്രിയില്‍ പ്രവേശിപ്പിച്ച മണിയുടെ നില ഗുരുതരമായതിനെ തുടര്‍ന്ന് വെന്റിലേറ്ററിലേക്കു മാറ്റിയിരുന്നു. പിന്നീട് വൈകിട്ട് 7.15ഓടെ മണിയുടെ മരണം സ്ഥിരീകരിക്കുകയായിരുന്നു. രണ്ടു ദിവസം മുമ്പാണ് ഇദ്ദേഹത്തെ ആശുപത്രിയില്‍ പ്രവേശിപ്പിച്ചത്.