07:24 am 17/6/2017
ജറുസലേം: പലസ്തീൻ അക്രമികളുടെ കഠാരയാക്രമണത്തിൽ ഇസ്രയേൽ വനിതാ പോലീസ് ഉദ്യോഗസ്ഥ കൊല്ലപ്പെട്ടു. മധ്യ ഇസ്രയേൽ സ്വദേശി ഹദാസ് മാൽകയാണ് (23) കൊല്ലപ്പെട്ടത്. വെള്ളിയാഴ്ച വൈകുന്നേരം ഡമാസ്ക്കസ് ഗേറ്റിനു സമീപം സുൽത്താൻ സുലൈമാൻ സ്ട്രീറ്റിലായിരുന്നു സംഭവം. മൂന്നു പേരാണ് ആക്രമണം നടത്തിയത്.
രണ്ടു പേർ പോലീസിനു നേരെ വെടിവച്ചപ്പോൾ മൂന്നാമൻ കത്തി ഉപയോഗിച്ച് വെട്ടുകയായിരുന്നു. ആക്രമണത്തിൽ ഗുരുതര പരിക്കേറ്റ ഹദാസിനെ ജറുസലേമിലെ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. അക്രമികളെ പോലീസ് വെടിവച്ചു വീഴ്ത്തി. സംഭവത്തിൽ നാലു പേർക്ക് പരിക്കേൽക്കുകയും ചെയ്തു. 15 മാസം മുന്പാണ് ഹദാസ് പോലീസ് സേനയിൽ ചേർന്നത്.