08:37 am 01/6/2017
ബംഗളൂരു: പ്രമുഖ കന്നഡ ചലച്ചിത്ര നിർമാതാവും അന്തരിച്ച നടൻ ഡോ. രാജ്കുമാറിന്റെ ഭാര്യയുമായ പർവതമ്മ രാജ്കുമാർ അന്തരിച്ചു. ബംഗളൂരു എം.എസ്. രാമയ്യ മെഡിക്കൽ കോളജ് ആശുപത്രിയിൽ പുലർച്ചെ 4.40നായിരുന്നു അന്ത്യം. കഴിഞ്ഞമാസം 15നാണ് 78കാരിയായ പർവതമ്മയെ ശ്വാസകോശ, വൃക്ക രോഗങ്ങൾ മൂലം ആശുപത്രിയിൽ പ്രവേശിപ്പിച്ചത്.
നേരത്തെ സ്തനാർബുദബാധിതയായിരുന്ന പർവതമ്മ സുഖം പ്രാപിച്ചിരുന്നു. മരണസമയത്ത് മക്കളെല്ലാം അടുത്തുണ്ടായിരുന്നു. പർവതമ്മയുടെ ആഗ്രഹപ്രകാരം രണ്ടു കണ്ണുകളും നാരായണ നേത്രാലയയ്ക്ക് ദാനം ചെയ്തു.