08:32am 27/4/2016
– ജിനേഷ് തമ്പി
ന്യൂജേഴ്‌സി:ലോകമലയാളി കൗണ്‍സില്‍ ന്യൂജേഴ്‌സി പ്രോവിന്‍സ് 2016- 2018 ലേക്ക് പുതിയ ഭരണസമിതിയെ തെരഞ്ഞെടുത്തു.
കഴിഞ്ഞദിവസം ന്യൂജേഴ്‌സിയിലെ എഡിസണ്‍ ഹോട്ടലില്‍ സംഘടിപ്പിച്ച ജനറല്‍ ബോഡി യോഗത്തിനും അതിനെ തുടര്‍ന്ന് നടന്ന തെരഞ്ഞെടുപ്പിനും ശേഷം ആണ് പുതിയ നേതൃനിരയെ ഐകകണ്‌ഠ്യേന തെരഞ്ഞെടുത്തത്.
സോമന്‍ ജോണ്‍ തോമസ്, ഡോ. ജോര്‍ജ് ജേക്കബ് എന്നിവര്‍ തിരഞ്ഞെടുപ്പ് നടപടിക്രമങ്ങള്‍ കൃത്യണ്ടതയോടെ നിറവേറ്റുന്നതിനു നേതൃത്വം നല്കി
തങ്കമണി അരവിന്ദനെ പ്രസിഡന്റായും, തോമസ് മൊട്ടക്കല്‍
ചെയര്‍മാന്‍, ഡോ ഗോപിനാഥന്‍ നായര്‍, ഡോ. എലിസബത്ത് മാമന്‍ പ്രസാദ് എന്നിവരെ വൈസ് ചെയര്‍മാനായും തെരഞ്ഞെടുത്തു.
നേതൃനിരയില്‍ നിയോഗിക്കപെട്ട മറ്റ് ഭാരവാഹികള്‍ സുധീര്‍ !നമ്പ്യാര്‍ (വൈസ് പ്രസിഡന്റ്), ഡോ.സോഫി വില്‍സണ്‍ (വൈസ് പ്രസിഡന്റ്), പിന്റോ ചാക്കോ (സെക്രട്ടറി), ജിനേഷ് തമ്പി (ജോയിന്റ് സെക്രട്ടറി), ശോഭ ജേക്കബ് (ട്രഷറര്‍), വിദ്യ കിഷോര്‍ (വുമണ്‍ ഫോറം പ്രസിഡന്റ്), ഷൈനി രാജു (വുമണ്‍ ഫോറം സെക്രട്ടറി),ജോജി തോമസ് (യൂത്ത് ഫോറം പ്രസിഡന്റ്), ആനി ലിബു (പബ്ലിക് റിലേഷന്‍ ഓഫീസര്‍), ഡോ രുഗ്മിണി പദ്മകുമാര്‍ (എക്‌സിക്യൂട്ടീവ് മെമ്പര്‍ ചാരിറ്റി പ്രസിഡന്റ്) എന്നിവരാണ്
അഡൈ്വസറി ബോര്‍ഡ് അംഗങ്ങളായി മലയാളി സമൂഹത്തിലെ നിറ സാന്നിധ്യമായ ഡോ. ജോര്‍ജ് ജേക്കബ്, അലക്‌സ് വിളനിലം കോശി, ആന്‍ഡു പാപ്പച്ചന്‍,സോമന്‍ ജോണ്‍ തോമസ് , ഷീല ശ്രീകുമാര്‍ ,തോമസ് .വി.ജേക്കബ് , ജോണ്‍ സക്കറിയ എന്നിവര്‍ സ്ഥാനം ഏറ്റു. എക്‌സിക്യൂട്ടീവ് ചെയര്‍ അംഗങ്ങള്‍ അനില്‍ പുത്തന്‍ചിറ, അജിത് കുമാര്‍ ഹരിഹരന്‍,ജിനു അലക്‌സ് എന്നിവരാണ്.
പുതിയ ഭരണ സമിതി അംഗങ്ങള്‍ എല്ലാവരും സത്യ പ്രതിഞ്ഞ ചെയ്തു ഉത്തരവാദിത്വങ്ങള്‍ ഏറ്റെടുത്തു.
പരിപാടികള്‍ക്ക് തുടക്കം കുറിച്ച് കൊണ്ട് പ്രോഗ്രാം കണ്‍വീനര്‍ ഡോ രുഗ്മിണി പദ്മകുമാര്‍ ആണ് സ്വാഗത പ്രസംഗം നടത്തിയത് . പ്രസിഡന്റ് തങ്കമണി അരവിന്ദന്‍ പുതിയ ഭാരവാഹികളെ എല്ലാവരെയും അനുമോദിച്ചു സംസാരിച്ചു. സെക്രട്ടറി പിന്റോ ചാക്കോ വാര്‍ഷിക റിപ്പോര്‍ട്ട് തദവസരത്തില്‍ സദസിനു മുന്‍പാകെ സമര്‍പ്പിച്ചു. ചെയര്‍മാന്‍ തോമസ് മൊട്ടക്കല്‍, വൈസ് ചെയര്‍മാന്‍ ഡോ .ഗോപിനാഥന്‍ നായര്‍, ലോകമലയാളി കൗണ്‍സില്‍ സ്ഥാപകനേതാവ് ആന്‍ഡു പാപ്പച്ചന്‍ എന്നിവരും ചടങ്ങില്‍ സംസാരിച്ചു.
പരിപാടികളുടെ ഭാഗമായി മുന്‍ വര്‍ഷത്തിലെ എല്ലാ ഭാരവാഹികളെയും ആദരിക്കുകയുണ്ടായി. ന്യൂജേഴ്‌സി , ന്യൂ യോര്‍ക്ക് ആസ്ഥാനമാക്കിയുള്ള എല്ലാ പ്രമുഖ സംഘടന നേതാക്കളും ചടങ്ങില്‍ സജീവ സാന്നിധ്യം അറിയിച്ചു. വിഷു ആഘോഷങ്ങളുടെ നിറവില്‍ എല്ലാവരും കേരള തനിമയുള്ള വസ്ത്രം ധരിച്ചു വന്നത് കണ്ണുകള്‍ക്ക് ഇമ്പമേറിയ കാഴ്ചയായി. കേരള ശൈലിയില്‍ ഇല ഇട്ട് പരിപാടിയില്‍ പങ്കെടുത്ത എല്ലാവര്‍ക്കും വിഭവ സമൃദ്ധമായ സദ്യയും സംഘാടകര്‍ അണി നിരത്തിയിരുന്നു. അമേരിക്കന്‍ കോണ്‍ഗ്രസിലേക്ക് മത്സരിക്കുന്ന മലയാളി സ്ഥാനാര്‍ഥി പീറ്റര്‍ ജേക്കബ് ചടങ്ങില്‍ പങ്കെടുത്ത് മാറ്റ് കൂട്ടി
ഫിലിപ്പ് മാരറ്റ് വോട്ട് ഓഫ് താങ്ക്‌സ് നല്കി പരിപാടിയുടെ വന്‍വിജയത്തിന് പിന്നില്‍ പ്രവര്‍ത്തിച്ച എല്ലാവര്‍ക്കും തന്റെയും സംഘടനയുടെയും പേരില്‍ നന്ദി അറിയിച്ചു