07:41 am 16/5/2017 ഷാദോൾ: മധ്യപ്രദേശിലെ ഷാദോൾ ജില്ലയിൽ വാഹനാപകടത്തിൽ ഒരു കുടുംബത്തിലെ ഒന്പതു പേർ മരിച്ചു. ഇവർ സഞ്ചരിച്ചിരുന്ന ജീപ്പ് നിർത്തിയിട്ടിരുന്ന ട്രക്കിലിടിച്ചാണ് അപകടം. മരിച്ചവരിൽ മൂന്നു സ്ത്രീകളും രണ്ടു പെണ്‍കുട്ടികളും ഉൾപ്പെടുന്നു. വാരണാസിയിൽനിന്നു ഛത്തീസ്ഗഡിലെ കോണ്‍ഡഗാവിലേക്കു പോയ സംഘമാണ് അപകടത്തിൽപ്പെട്ടത്.
07:40 am 16/5/2017 ശ്രീനഗർ: ജമ്മു കാഷ്മീർ താഴ്വരയിൽ സുരക്ഷാസേനയും വിദ്യാർഥികളും തമ്മിൽ വീണ്ടും സംഘർഷം. ശ്രീനഗറിലെ എസ്പി കോളജിലെ വിദ്യാർഥികളാണ് സൈന്യവുമായി ഏറ്റുമുട്ടിയത്. പോലീസ് തുടക്കത്തിൽ വിദ്യാർഥികളെ തുരത്തിയെങ്കിലും പിന്നീടും സംഘം റോഡിലിറങ്ങാൻ ശ്രമം നടത്തി. ഇതേതുടർന്ന് സൈന്യം വിദ്യാർഥികൾക്കു നേർക്ക് കണ്ണീർ വാതകം പ്രയോഗിച്ചു. വിദ്യാർഥികൾ സൈന്യത്തിനു നേർക്കു കല്ലേറ് നടത്തി. സംഘർഷങ്ങളിൽ നിരവധി വിദ്യാർഥികൾക്കു പരിക്കേറ്റിട്ടുണ്ടെന്ന് ദൃക്സാക്ഷികളെ ഉദ്ധരിച്ച് കാഷ്മീർ ഒബ്സർവർ റിപ്പോർട്ട് ചെയ്തു. മൂന്നു പോലീസ് ഉദ്യോഗസ്ഥർക്കു പരിക്കേറ്റതായി സ്ഥിരീകരണമുണ്ട്.
7:39 am 16/5/2017 ഗുരുദാസ്പുർ: പത്താൻകോട് ഭീകരാക്രമണത്തിൽ കൊല്ലപ്പെട്ട ജവാന്‍റെ സഹോദരനും ഇയാളുടെ ഭാര്യയും നടുറോഡിൽ മർദനത്തിനിരയായി. ഭീകരാക്രമണത്തിൽ വീരമൃത്യുവരിച്ച ഹവിൽ കുൽവന്ത് സിംഗിന്‍റെ സഹോദരൻ ഹർദീപ് സിംഗ്, കുൽവിന്ദർ കൗൾ എന്നിവർക്കാണ് മർദനമേറ്റത്. ട്രാവൽ ഏജന്‍റായ ഗുനാം സിംഗാണ് ഇരുവരെയും നടുറോഡിൽ ആക്രമിച്ചതെന്ന് പോലീസിൽ നൽകിയ പരാതിയിൽ പറയുന്നു. ഫ്രാൻസിലേക്ക് പോകാനായി ഹർദീപ്, ഗുനാം സിംഗിന് എട്ടുലക്ഷം രൂപ നൽകിയിരുന്നു. എന്നാൽ ഗുനാം ഇന്തോനേഷ്യയിലേക്കുള്ള ടിക്കറ്റാണ് ഹർദീപിനു നൽകിയത്. ഇതേതുടർന്നുണ്ടായ തർക്കമാണ് മർദനത്തിൽ കലാശിച്ചത്. ഗുനാം Read more about ഭീകരാക്രമണത്തിൽ കൊല്ലപ്പെട്ട ജവാന്‍റെ സഹോദരനും ഇയാളുടെ ഭാര്യയും നടുറോഡിൽ മർദനത്തിനിരയായി.[…]
07 :36 am 16/5/2017 ബിഹാർ: ഉച്ചഭക്ഷണത്തിൽ ചത്ത പല്ലിയെ കണ്ടെത്തിയതിനെ തുടർന്ന് ദേഹാസ്വാസ്ഥ്യം അനുഭവപ്പെട്ട 27 സ്കൂൾ കുട്ടികൾ ആശുപത്രിയിൽ. ബിഹാറിലെ ജമുയിയിലാണ് സംഭവം. സ്‌കൂളില്‍ ഉച്ചയ്ക്കു വിളമ്പിയ ഭക്ഷണം കഴിച്ച കുട്ടികളിൽ ചിലർക്ക് ഛർദി അനുഭവപ്പെട്ടു. തുടർന്ന് നടത്തിയ പരിശോധനയിൽ പല്ലിയെ കണ്ടെത്തി. പിന്നാലെ കുട്ടികളെ സമീപത്തെ ആശുപത്രിയിലാക്കി. ആരുടെയും നില ഗുരുതരമല്ല.
7:38 am 16/5/2017 തിരുപ്പതി: ഇന്ത്യൻ വംശജനായ വിദ്യാർഥി അമേരിക്കയിൽ വാഹനാപകടത്തിൽ മരിച്ചു. ആന്ധ്രപ്രദേശിലെ വടമലപ്പേട്ട സ്വദേശിയായ അദ്ലുരു സായ്കുമാർ എന്ന 23കാരനാണ് മരിച്ചത്. ഒരു സുഹൃത്തിന്‍റെ ജൻമദിനാഘോഷത്തിൽ പങ്കെടുത്തു മടങ്ങിവരവെ ഞായറാഴ്ചയായിരുന്നു അപകടം. ഇല്ലിനോയിസിൽ എംഎസിനു പഠിക്കുകയായിരുന്നു അദ്ലുരു. ആന്ധ്രാപ്രദേശ് സർക്കാരിന്‍റെ സഹായത്തോടെ മൃതദേഹം നാട്ടിലെത്തിക്കാൻ ശ്രമങ്ങൾ തുടരുകയാണ്.
07:36 am 16/5/2017 ഫിലാഡല്‍ഫിയ: ക്യൂന്‍ മേരി മിനിസ്ട്രിയുടെ നേതൃത്വത്തില്‍ യു.എസിലെ അഞ്ച് നഗരങ്ങളേയും, കാനഡയിലെ രണ്ട് നഗരങ്ങളേയും കേന്ദ്രീകരിച്ച് “ഫയര്‍ കോണ്‍ഫറന്‍സ് 2017′ ധ്യാനം നടത്തപ്പെടുന്നു. കുടുംബനവീകരണത്തെ ലക്ഷ്യം വെച്ചുകൊണ്ടാണ് ഫയര്‍ കോണ്‍ഫറന്‍സ് ക്രമീകരിച്ചിരിക്കുന്നത്. ലോക്രപ്രശസ്ത അനുഗ്രഹീത വചന പ്രഘോഷകനായ റവ.ഫാ. ദാനിയേല്‍ പൂവണ്ണത്തില്‍, മരിയന്‍ ടിവി ചെയര്‍മാന്‍ ബ്രദര്‍ പി.ഡി. ഡൊമിനിക്, യുവജനങ്ങള്‍ക്കുവേണ്ടി മരിയന്‍ യൂത്ത് മിനിസ്ട്രിയിലെ ജോണിക്കുട്ടി അങ്ങാടിയത്ത്, കെവിന്‍ ജോസഫ് എന്നിവരും, ഗാനശുശ്രൂഷകള്‍ക്ക് പോള്‍സണ്‍ പാലത്തിങ്കലും നേതൃത്വം നല്‍കും. ജൂണ്‍ 16,17,18 Read more about യു.എസിന് ആത്മീയ ഉണര്‍വേകാന്‍ ഫയര്‍ കോണ്‍ഫറന്‍സ് 2017[…]
7:33 am 16/5/2017 – നിബു വെള്ളവന്താനം ന്യൂയോര്‍ക്ക്: എല്‍മോണ്ട് മീച്ചം അവെന്യൂവിലുള്ള ഫസ്റ്റ് ചര്‍ച്ച ഓഫ് ഗോഡ് സഭാംഗണത്തില്‍ മെയ് അഞ്ചിന് രാവിലെ 10 മണി മുതല്‍ രാത്രി 10 മണിവരെ ക്രമീകരിക്കപ്പെട്ട ന്യൂയോര്‍ക്ക് പി വൈ എഫ് എയുടെ പന്ത്രണ്ടു മണിക്കൂര്‍ തുടര്‍മാന പ്രാര്‍ത്ഥനയ്ക്ക് അനുഗ്രഹസമാപ്തി. തുടര്‍മാനമായ പ്രാത്ഥനയും, വിവിധ സഭകളിലെ ഗായക സംഘങ്ങള്‍ നേതൃത്വം നല്‍കിയ ആരാധനാഗാനങ്ങളും യുവജനങ്ങള്‍ക്കു മാത്രമല്ല കടന്നുവന്ന ഏവര്‍ക്കും ആത്മീയ ചൈതന്യം പ്രാപിക്കുവാന്‍ കാരണമായി എന്നത് ഈ മീറ്റിംഗിന്റെ Read more about ന്യൂയോര്‍ക്ക് പി.വൈ.എഫ്.എ: പന്ത്രണ്ടു മണിക്കൂര്‍ തുടര്‍മാന പ്രാര്‍ത്ഥനയ്ക്ക് അനുഗ്രഹസമാപ്തി[…]
07:26 am 16/5/2017 കുറിയന്നൂര്‍ (മാങ്ങാനം): ഇന്റര്‍ ഒപ്റ്റിക്‌സ് ഉടമയും അമ്പാട്ട് നാലാംവേലില്‍ കുടുംബാംഗവുമായ കുറിയന്നൂര്‍ ഉതിക്കമണ്ണില്‍ ഒ.എസ് ചാണ്ടി (കുഞ്ഞുമോന്‍ -75) നിര്യാതനായി. സംസ്കാരം വ്യാഴാഴ്ച കുഠിയന്നൂര്‍ സെന്റ് തോമസ് മാര്‍ത്തോമാ പള്ളിയില്‍. ഭാര്യ: കീഴ്‌വായ്പൂര്‍ പാറേക്കാട്ട് റേച്ചല്‍. മക്കള്‍: ഷീന, ഡോ. ഷെറി (യു.എസ്), ഷെമ്മി (ബംഗളൂരു). മരുമക്കള്‍: ഡെന്നി, ഡോ. ആന്‍ (ഇരുവരും യു.എസ്), വീനീത (ബംഗളൂരൂ).
07:22 am 16/5/2017 – അപ്പച്ചന്‍ കണ്ണന്‍ചിറ സ്റ്റീവനേജ്: പോര്‍ച്ചുഗലിലെ ഫാത്തിമയില്‍ പരിശുദ്ധ അമ്മ ‘കുട്ടിയിടയര്‍ക്ക്’ പ്രത്യക്ഷപ്പെട്ടു ദിവ്യ സന്ദേശം നല്‍കിയതിന്റെ നൂറാം വാര്‍ഷികം ആഗോള കത്തോലിക്കാ സഭയോടൊപ്പം സ്റ്റീവനേജ് കേരള കത്തോലിക്കാ സമൂഹവും ഭക്ത്യാദരപൂര്‍വ്വം ആഘോഷിക്കുന്നു. ഫാത്തിമായില്‍ പരിശുദ്ധ അമ്മ നല്‍കിയ ദിവ്യ സന്ദേശം പൂര്‍ണ്ണമായി അനുവര്‍ത്തിച്ച വിശ്വാസി സമൂഹം പൈശാചിക ശക്തിയുടെ മേല്‍ പ്രാര്‍ത്ഥനകള്‍ കൊണ്ട് കൈവരിച്ച വിജയത്തിന്റെ ആഹ്‌ളാദവും, പരിശുദ്ധ ജപമാലയുടെയും ദൈവീക കരുതലിന്റെയും ശക്തിയും, വിശ്വാസവും പ്രഘോഷിക്കുവാനും ഒപ്പം മാതൃ വണക്കത്തിനായും Read more about സ്റ്റീവനേജില്‍ ഫാത്തിമ സെന്റനറി ആഘോഷവും മലയാളം കുര്‍ബ്ബാനയും ശനിയാഴ്ച[…]
07:20 am 16/5/2017 മസ്‌കറ്റ്: മേയ് 22 മുതല്‍ മസ്‌കറ്റ് തിരുവനന്തപുരം റൂട്ടില്‍ എയര്‍ ഇന്ത്യ എക്‌സ്പ്രസ്സ് ദിവസേന സര്‍വീസ് നടത്തും. ഐ.എക്‌സ് 554 വിമാനം മസ്‌കറ്റില്‍ നിന്നും രാവിലെ 10.55 നു പുറപ്പെട്ട് 4.15 ന് തിരുവനന്തപുരത്തെത്തും. തിരുവനന്തപുരത്തു നിന്നുള്ള വിമാനം ഐ.എക്‌സ് 549 രാവിലെ 7.40 നു പുറപ്പെട്ട് 9.55 ന് മസ്‌കറ്റിലെത്തിച്ചേരും.നിലവില്‍ എയര്‍ ഇന്ത്യ എക്‌സ്പ്രസ്സ് കൊച്ചിയിലേക്കും,കോഴിക്കോട്ടേക്കും ദിവസേന സര്‍വീസ് നടത്തുന്നുണ്ട്. റിപ്പോര്‍ട്ട്: സേവ്യര്‍ കാവാലം