08:40 pm 31/5/2017 ഉഴവുര്‍ ഫുട്‌ബോള്‍ ക്ലബ് സംഘടിപ്പിച്ചിരിക്കുന്ന അഖില കേരളാ അണ്ടര്‍ 19 ഫുട്‌ബോള്‍ ടൂര്‍ണ്ണമെന്റിന് ഉഴവൂര്‍ ഒ.എല്‍.എല്‍. ഹയര്‍ സെക്കന്ററി മൈതാനിയിലെ ഫ്‌ളെഡ്‌ലിറ്റ് സ്‌റ്റേഡിയത്തില്‍ ആവേശകരമായ തുടക്കം. 20 ടീമുകള്‍ പങ്കെടുക്കുന്ന സെവന്‍സ് ഫുട്‌ബോള്‍ ടൂര്‍ണ്ണമെന്റിന്റെ ഉദ്ഘാടനം അമേരിക്കന്‍ പ്രവാസി ബിസിനസുകാരനും, ഉഴവൂര്‍ സെന്റ് സ്റ്റീഫന്‍സ് കോളേജ് അലുമ്‌നി അസോസിയേഷനായ അത്മാസിന്റെ പ്രസിഡന്റുമായ ഫ്രാന്‍സീസ് കിഴക്കേക്കൂറ്റ് നിര്‍വ്വഹിച്ചു. ഉഴവൂര്‍ സെന്റ് സ്റ്റീഫന്‍സ് ഫൊറോന പള്ളി അസി. വികാരി റവ.ഫാ. ജിബിന്‍ പാറടിയില്‍ അധ്യക്ഷത വഹിച്ചു. Read more about ഉഴവൂര്‍ ജൂനിയര്‍ ഫുട്‌ബോള്‍ ടൂര്‍ണ്ണമെന്റിന് ആവേശകരമായ തുടക്കം.[…]

05:48 pm 31/5/2017 തിരുവനന്തപുരം: ഐ.എ.എസ് പോരിനൊടുവിൽ കൃഷിവകുപ്പിലെ പ്രിന്‍സിപ്പല്‍ സെക്രട്ടറി സ്ഥാനം നഷ്ടപ്പെട്ട രാജു നാരായണ സ്വാമിയെ ഔദ്യോഗിക ഭാഷാവകുപ്പ് പ്രിന്‍സിപ്പല്‍ സെക്രട്ടറിയായി നിയമിച്ചു. കൃഷി വകുപ്പ് ഡയറക്ടറായിരുന്ന ബിജു പ്രഭാകറും കൃഷി വകുപ്പ് പ്രിന്‍സിപ്പല്‍ സെക്രട്ടറിയായിരുന്ന രാജു നാരായണസ്വാമിയും തമ്മിലുണ്ടായ പരസ്യമായ തർക്കത്തിനൊടുവിൽ രണ്ടുപേരേയും കൃഷിവകുപ്പിൽ നിന്ന് മാറ്റുകയായിരുന്നു. എന്നാല്‍ പുതിയ തസ്തിക നല്‍കിയിരുന്നില്ല. ദിവസങ്ങൾക്ക് ശേഷമാണ് സ്വാമിക്ക് ഇപ്പോൾ ഭാഷാവകുപ്പിലെ സെക്രട്ടറി സ്ഥാനം ലഭിച്ചിരിക്കുന്നത്.

05:45 pm 31/5/2017 പെരുന്പാവൂർ: ദേശീയ പാതയോരത്തെ മദ്യശാല പെരുന്പാവൂരിലേക്കു മാറ്റി സ്ഥാപിച്ചതിൽ പ്രതിഷേധിച്ച് ജനകീയ സമര സമിതി വ്യാഴാഴ്ച ഹർത്താലിന് ആഹ്വാനം ചെയ്തു. രാവിലെ ആറു മുതൽ വൈകിട്ട് ആറുവരെയാണ് ഹർത്താൽ.

05:40 pm 31/5/2017 തിരുവനന്തപുരം: മദ്യശാല തുറക്കാൻ പഞ്ചായത്തിന്‍റെ അനുമതി വേണമെന്ന നിയമം എടുത്തുകളയാൻ മന്ത്രിസഭാ യോഗത്തിന്‍റെ തീരുമാനം. ഇതുസംബന്ധിച്ച് പഞ്ചായത്ത് രാജ് നിയമത്തിൽ ഭേദഗതി വരുത്താനും തീരുമാനമായി. യുഡിഎഫ് സർക്കാരിന്‍റെ കാലത്തായിരുന്നു മദ്യശാല തുടങ്ങാൻ ഗ്രാമപഞ്ചായത്തിന്‍റെ അനുമതി നിർബന്ധമാക്കിക്കൊണ്ടുള്ള നിയമഭേദഗതി സർക്കാർ കൊണ്ടുവന്നത്. മദ്യശാലകൾ മാറ്റി സ്ഥാപിക്കാൻ കഴിയാത്തതിനാൽ ബിവറേജസ് കോർപ്പറേഷൻ വലിയ നഷ്ടത്തിലേക്കും കൂപ്പ് കുത്തിയിരുന്നു. ഈയൊരു സാഹചര്യം പരിഗണിച്ചാണ് പഞ്ചായത്തുകൾക്കുള്ള അധികാരം എടുത്തുകളായാൻ മന്ത്രിസഭാ യോഗം തീരുമാനിച്ചത്.