07:44pm 4/6/2016 കൊച്ചി: പത്താമത് മണപ്പുറം മിന്നലെ ഫിലിം ടിവി പുരസ്‌കാരങ്ങള്‍ പ്രഖ്യാപിച്ചു. സിനിമ, ടെലിവിഷന്‍ മേഖലയില്‍ മികച്ച പ്രകടനം കാഴ്ച വെച്ച പ്രതിഭകള്‍ക്കാണ് പുരസ്‌കാരം. ശില്‍പവും പ്രശസ്തി പത്രവും അടങ്ങുന്നതാണ് അവാര്‍ഡ്. കൊച്ചി ക്രൗണ്‍ പ്ലാസയില്‍ ഏഴിന് വൈകിട്ട് 6.30നാണ് പുരസ്‌കാര വിതരണം. മികച്ച സിനിമാ സംവിധായകന്‍ മാര്‍ട്ടിന്‍ പ്രക്കാട്ട്(ചാര്‍ലി), മികച്ച നടന്‍ ജയസൂര്യ(സു സു സുധി വാത്മീകം, ലുക്കാചുപ്പി), മികച്ച നടി ജ്യുവല്‍ മേരി (പത്തേമാരി) എന്നിവരെ തെരഞ്ഞെടുത്തു. ടെലിവിഷന്‍ വിഭാഗം: മികച്ച നടന്‍ Read more about പത്താമത് മണപ്പുറം മിന്നലെ ഫിലിം ടിവി പുരസ്‌കാരങ്ങള്‍ പ്രഖ്യാപിച്ചു.[…]

07:40pm 4/6/2016 കൊച്ചി: അതിരപ്പിള്ളി പദ്ധതിയില്‍ ആശങ്കകളും പ്രതീക്ഷകളും പങ്കുവെച്ച് സംവാദം. പരിസ്ഥിതി ദിനാചരണത്തിന്റെ ഭാഗമായി സ്വദേശി ശാസ്ത്ര പ്രസ്ഥാനം സംഘടിപ്പിച്ച ‘അതിരപ്പിള്ളി ജലവൈദ്യുത പദ്ധതി വികസനമോ വിനാശമോ’ എന്ന സംവാദത്തിലാണ് പദ്ധതിയെ അനുകൂലിച്ചും എതിര്‍ത്തും അഭിപ്രായങ്ങള്‍ ഉയര്‍ന്നത്. നിലവിലുള്ള വൈദ്യുത പദ്ധതികള്‍ കാര്യക്ഷമമായി പ്രവര്‍ത്തിപ്പിക്കുകയാണ് ആദ്യം ചെയ്യേണ്ടതെന്ന് പീച്ചി വനഗവേഷണ കേന്ദ്രത്തിലെ ഡോ.ടി.വി.സജീവ് പറഞ്ഞു. എല്ലാ പദ്ധതികളും അഴിമതിയുടെ കൂത്തരങ്ങാണ്. ഭരണകൂടത്തിന്റെ വാക്കുകള്‍ വിശ്വസിക്കുക പ്രയാസമാണെന്നും അദ്ദേഹം അഭിപ്രായപ്പെട്ടു. ഏറ്റവും പരിസ്ഥിതി സൗഹാര്‍ദമായ പദ്ധതിയാണ് അതിരപ്പിള്ളിയില്‍ Read more about അതിരപ്പിള്ളി പദ്ധതിയില്‍ ആശങ്കകളും പ്രതീക്ഷകളും പങ്കുവെച്ച് സംവാദം.[…]

07:20 PM 04/06/2016 കൊച്ചി: ബി.ജെ.പിയുമായുള്ള ബന്ധം എന്നും നിലനില്‍കണമെന്നില്ളെന്ന് എസ്.എന്‍.ഡി.പി ജനറല്‍ സെക്രട്ടറി വെള്ളാപ്പള്ളി നടേശന്‍. ഇത് രാഷ്ട്രീയമാണ്, രാഷ്ട്രീയത്തില്‍ മാറ്റം സംഭവിക്കുമ്പോള്‍ ബി.ഡി.ജെ.എസിനും അതിനനുസരിച്ച് മാറേണ്ടി വരുമെന്നും അദ്ദേഹം വ്യക്തമാക്കി നിയമസഭ തെരഞ്ഞെടുപ്പില്‍ എല്‍.ഡി.എഫിന് തിളക്കമാര്‍ന്ന വിജയം ലഭിച്ചതിന് പിന്നില്‍ ബി.ഡി.ജെ.എസ് ആണെന്ന് വെള്ളാപ്പള്ളി അവകാശപ്പെട്ടു. ബി.ഡി.ജെ.എസ് സ്ഥാനാര്‍ഥികള്‍ മല്‍സരത്തിന് ഉണ്ടായിരുന്നത് കൊണ്ടാണ് യു.ഡി.എഫ് വോട്ടുകള്‍ എല്‍.ഡി.എഫിന് കിട്ടിയതും ഭൂരിപക്ഷം ഉയര്‍ത്താന്‍ കഴിഞ്ഞതെന്നും മാതൃഭൂമി ന്യൂസിന് നല്‍കിയ അഭിമുഖത്തില്‍ വെള്ളാപ്പള്ളി വ്യക്തമാക്കി.

07:07 PM 04/06/2016 തിരുവനന്തപുരം: ശബരിമല സ്ത്രീപ്രവേശം സംബന്ധിച്ച് അഭിപ്രായ വോട്ടെടുപ്പ് നടത്താര്‍ സര്‍ക്കാര്‍ സന്നദ്ധമാണെന്ന് ദേവസ്വം മന്ത്രി കടകംപള്ളി സുരേന്ദ്രന്‍. കോടതി ഉത്തരവിനേക്കാള്‍ പ്രാധാന്യം നല്‍കുന്നത് അഭിപ്രായ സമന്വയത്തിനാണ്. സര്‍വകക്ഷിയോഗം വിളിച്ച് പ്രശ്നം ചര്‍ച്ച ചെയ്യാന്‍ തയ്യാറാണ്. സ്ത്രീ പ്രവേശം സംബന്ധിച്ച് സര്‍ക്കാര്‍ ഒരു തീരുമാനവും ജനങ്ങളുടെ മേല്‍ അടിച്ചല്‍േപ്പിക്കില്ലെന്നും മന്ത്രി വ്യക്തമാക്കി. നിലവില്‍ സുപ്രീം കോടതിയുടെ പരിഗണനയിലാണ് വിഷയം.