02.38 Am 29/10/2016\ ശ്രീനഗർ: ജമ്മു കാഷ്മീരിൽ ഭീകരരുമായുണ്ടായ ഏറ്റുമുട്ടലിൽ കൊല്ലപ്പെട്ട സൈനികന്റെ മൃതദേഹം വികൃതമാക്കി. സൈനിക വക്‌താവാണ് ഇക്കാര്യം അറിയിച്ചത്. വെള്ളിയാഴ്ച വൈകിട്ടായിരുന്നു സംഭവം. കുപ്വാരയിലെ മച്ചിലിലുണ്ടായ ഏറ്റുമുട്ടലിനിടെയാണ് സൈനികനെ ഭീകരർ പിടികൂടിയത്. പിന്നീട് ഇദ്ദേഹത്തെ കൊലപ്പെടുത്തിയശേഷം മൃതദേഹം വികൃതമാക്കി നിയന്ത്രണരേഖയിൽ ഉപേക്ഷിച്ചു. തുടർന്ന് ഭീകരർ പാക്കിസ്‌ഥാനിലേക്കു കടന്നു. സൈന്യവുമായുണ്ടായ ഏറ്റുമുട്ടലിൽ ഒരു ഭീകരനും കൊല്ലപ്പെട്ടതായി സൈനിക വക്‌താവ് അറിയിച്ചു. നിയന്ത്രരേഖ മറികടന്ന് പാക് സൈന്യം നടത്തുന്ന ഷെല്ലാക്രമണത്തിൽ രണ്ടു സിവിലിയൻമാരും കൊല്ലപ്പെട്ടിട്ടുണ്ട്. നേരത്തെ, പാക്കിസ്‌ഥാൻ Read more about ഏറ്റുമുട്ടലിൽ കൊല്ലപ്പെട്ട സൈനികന്റെ മൃതദേഹം ഭീകരർ വികൃതമാക്കി[…]

02.36 am 29/10/2016 അലഹബാദ്: അലഹബാദ് ഹൈക്കോടതി പരിസരത്ത് ബോംബ് സ്‌ഥാപിക്കുന്നതിനിടെ ഒരാൾ അറസ്റ്റിൽ. വെള്ളിയാഴ്ചയാണ് സന്തോഷ്കുമാർ അഗ്രഹാരി എന്നയാളെ പിടികൂടിയത്. ടിഫിൻ ബോംബ് സ്‌ഥാപിക്കാൻ ശ്രമിക്കവെയാണ് ഇയാൾ പിടിയിലായത്. സ്ഫോടക വസ്തുക്കൾ, പെല്ലറ്റുകൾ എന്നിവ ഉപയോഗിച്ചാണ് ഇയാൾ ബോംബ് നിർമിച്ചത്. 14 വർഷമായി താൻ ചെയ്യുന്ന ജോലിയിൽ സ്‌ഥിരനിയമനം നൽകാത്തതിനെ തുടർന്നാണ് താൻ ബോംബ് വയ്ക്കാൻ നീക്കം നടത്തിയതെന്ന് ഇയാൾ പോലീസിനോടു സമ്മതിച്ചു. എന്നിരുന്നാലും കോടതി പരിസരത്ത് പോലീസ് സുരക്ഷ വർധിപ്പിച്ചിട്ടുണ്ട്.

02.35 am 29/10/2016 ന്യൂഡൽഹി: ഗുജറാത്തിൽ പടക്കക്കടയിലുണ്ടായ പൊട്ടിത്തെറിയിൽ എട്ടു പേർ മരിച്ചു. വഡോദരയിലെ രുസ്തംപുരയിൽ വെള്ളിയാഴ്ച വൈകിട്ടാണ് അപകടമുണ്ടായത്. പൊട്ടിത്തെറിയിൽ നിരവധി ആളുകൾക്കു പരിക്കേറ്റിട്ടുണ്ട്. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. ഫയർഫോഴ്സ് സംഘം ഉടൻ സ്‌ഥലത്തെത്തി തീയണച്ചു. ദീപാവലി പ്രമാണിച്ച് വൻ പടക്കശേഖരമാണ് കടകളിൽ സൂക്ഷിച്ചിരുന്നത്. ഇത് അപകടത്തിന്റെ വ്യാപ്തി വർധിപ്പിച്ചു.

02.31 AM 29/10/2016 ചെന്നൈ: പ്രണയാഭ്യർഥന നിരസിച്ച യുവതിയെ മുഖത്ത് കത്തിക്കു കുത്തി പരിക്കേൽപ്പിച്ചു. തമിഴ്നാട്ടിലെ കോയമ്പേടിലാണു സംഭവം. ഇവിടുത്തെ ബസ് ടെർമിനലിൽ വച്ചാണ് യുവതി ആക്രമിക്കപ്പെട്ടത്. യുവതിയുടെ നിലവിളി കേട്ട് ഓടിയെത്തിയ പോലീസ് ഉദ്യോഗസ്‌ഥർ പ്രദേശവാസികളുടെ സഹായത്തോടെ അക്രമിയെ പിടികൂടി. മൂന്നു വർഷം മുമ്പ് ഇരുവരും ഒരുമിച്ചു ജോലി ചെയ്തിരുന്നതായും അന്നുതൊട്ട് താൻ നടത്തിയ പ്രണയാഭ്യർഥനകൾ നിരസിച്ചതാണ് അക്രമത്തിനു കാരണമെന്നും പ്രതി പോലീസിനോടു വെളിപ്പെടുത്തി. 32കാരനായ അക്രമിയെ കോടതിയിൽ ഹാജരാക്കി ജുഡീഷൽ കസ്റ്റഡിയിൽവിട്ടു.