02.27 AM 07-09-2016 തിരുവനന്തപുരം: പാറശ്ശാല പൊലീസ് സ്റ്റേഷനില്‍ കസ്റ്റഡിയിലിരിക്കെ വിഷം ഉള്ളില്‍ ചെന്ന് മരിച്ച യുവാവിന്റെ കുടുംബത്തിന് 10 ലക്ഷം രൂപ നഷ്ടപരിഹാരം നല്‍കാന്‍ സര്‍ക്കാര്‍ ഉത്തരവ്.കസ്റ്റഡി മരണത്തെ കുറിച്ച് പ്രത്യേക സംഘം രൂപികരിച്ച് അന്വേഷണം നടത്തും.സംസ്ഥാന പൊലീസ് കംപ്ലെയിന്റ് അതോറിറ്റിയുടെ റിപ്പോര്‍ട്ടിന്റെ അടിസ്ഥാനത്തിലാണ് തീരുമാനം. 2014 മെയ് 19ന് തിരുവനന്തപുരം പാറശാല പൊലീസ് കസ്റ്റഡിയില്‍ എടുത്ത ശ്രീജിവിന് ക്രൂരമായ പീഡനം ഏറ്റിട്ടുണ്ടെന്നും ശരീരം മുഴുവന്‍ ക്ഷതം ഏറ്റതായും പൊലീസ് കംപ്ലയിന്റ്‌സ് അതോറിറ്റി നടത്തിയ പരിശോധനയില്‍ Read more about ലോക്കപ്പ് മരണം: യുവാവിന്റെ കുടുംബത്തിന് 10 ലക്ഷം നഷ്ടപരിഹാരം[…]

02.20 AM 07-09-2016 തിരുവനന്തപുരം: 2015ലെ ജെ സി ഡാനിയേല്‍ പുരസ്‌കാരം തിരക്കഥാകൃത്തും സംവിധായകനുമായ കെ ജി ജോര്‍ജിന്. ചലച്ചിത്ര മേഖലയ്ക്ക് നല്‍കിയ സമഗ്ര സംഭാവനയ്ക്കാണ് പരസ്‌കാരം. മലയാള സിനിമയില്‍ പുത്തന്‍ ആഖ്യാനശൈലി പരിചയപ്പെടുത്തിയവരുടെ നിരയില്‍ പ്രമുഖനാണ് കെ ജി ജോര്‍ജ്. ഐ വി ശശി ചെയര്‍മാനായ ജൂറിയാണ് അവാര്‍ഡ് നിര്‍ണയിച്ചത്. ഒക്ടോബര്‍ 15 ന് നടക്കുന്ന സംസ്ഥാന ചലച്ചിത്ര അവാര്‍ഡ് നിശയില്‍ പുരസ്‌കാരം സമ്മാനിക്കും.

02.16 Am 07-09-2016 തിരുവനന്തപുരം: ഹെല്‍മെറ്റ് ഇല്ലെങ്കില്‍ പെട്രോള്‍ നല്‍കില്ലെന്ന തീരുമാനത്തില്‍ നിന്ന് ഗതാഗത വകുപ്പ് പൂര്‍ണ്ണമായും പിന്‍വാങ്ങി. ഗതാഗത കമ്മീഷണര്‍ നേരത്തെ ഇറക്കിയ ഉത്തരവ് നിയമപരമായി നിലനില്‍ക്കില്ലെന്നും ഇനി ഈ ഉത്തരവ് നടപ്പാക്കാനില്ലെന്നും ഗതാഗത മന്ത്രി എ കെ ശശീന്ദ്രന്‍ തിരുവനന്തപുരത്ത് പറഞ്ഞു. ഹെല്‍മെറ്റിനായുള്ള ബോധവല്‍ക്കരണം തുടരുമെന്നും മന്ത്രി പറഞ്ഞു.

02.15 AM 07-09-2016 ഇടുക്കി: തൊടുപുഴയിലെ പ്രമുഖ കോളേജിന്റെ ശുചിമുറിയില്‍ വെച്ച് മാനസികവൈകല്യമുള്ള പെണ്‍കുട്ടിയെ പീഡിപ്പിച്ച ഓട്ടോറിക്ഷ ഡ്രൈവര്‍ അറസ്റ്റിലായി. ഉണ്ടപ്ലാവ് സ്വദേശി കൊമ്പനാപറമ്പില്‍ നിഷാദാണ് പിടിയിലായത്. മാതാപിതാക്കള്‍ ഉപേക്ഷിച്ച, മാനസികവൈകല്യമുള്ള പെണ്‍കുട്ടിയെ പീഡിപ്പിച്ച കേസിലാണ് അറസ്റ്റ്. പത്താംക്ലാസ് തുല്യതാ പരീക്ഷക്കുള്ള ക്ലാസില്‍ പങ്കെടുത്തശേഷം മടങ്ങുകയായിരുന്ന പെണ്‍കുട്ടിയാണ് പീഡനത്തിനിരയായത്. കഴിഞ്ഞ ഞായറാഴ്ചയാണ് കേസിനാസ്പദമായ സംഭവം. തൊടുപുഴയില്‍ പത്താംക്ലാസ് തുല്യതാ പരീക്ഷക്കുള്ള ക്ലാസില്‍ പങ്കെടുത്ത ശേഷം മടങ്ങുകയായിരുന്ന പെണ്‍കുട്ടി ബസ് സ്റ്റാന്റിലേക്ക് പോകാന്‍ നിഷാദിന്റെ ഓട്ടോറിക്ഷയില്‍ കയറി. പ്രൈവറ്റ് Read more about മാനസികവൈകല്യമുള്ള പെണ്‍കുട്ടിയെ പീഡിപ്പിച്ച ഓട്ടോറിക്ഷ ഡ്രൈവര്‍ അറസ്റ്റില്‍[…]

02.13 AM 07-09-2016 തിരുവനന്തപുരം: ബിജെപിയുടെ സംസ്ഥാന കമ്മിറ്റി ഓഫീസിനു നേരെ ആക്രമണം. തിരുവനന്തപുരം കുന്നുകുഴിയിലെ ബി ജെ പി സംസ്ഥാന കമ്മിറ്റി ഓഫീസിനു നേരെയാണ് ആക്രമണം നടന്നത്. കെട്ടിടത്തിനു നേരെ നാടന്‍ ബോംബെറിഞ്ഞതായി ജീവനക്കാര്‍ പറയുന്നു. ജനാലയിലെ ചില്ലുകള്‍ തകര്‍ന്നിട്ടുണ്ട്. പൊലീസ് സംഭവസ്ഥലത്ത് പരിശോധന നടത്തുന്നു.

01.54 AM 07-09-2016 തിരുവനന്തപുരം: മെഡിക്കല്‍ പ്രവേശനത്തിന് ഓണ്‍ലൈന്‍ അപേക്ഷ സമര്‍പ്പിക്കാനുള്ള സമയപരിധി നീട്ടി. പുതുക്കിയ തീയ്യതി അനുസരിച്ച് വിദ്യാര്‍ത്ഥികള്‍ക്ക് സെപ്റ്റംബര്‍ ഒന്‍പത് വരെ ഓണ്‍ലൈന്‍ അപേക്ഷ സമര്‍പ്പിക്കാം. പല മെഡിക്കല്‍ കോളേജുകളുടെയും വെബ്‌സൈറ്റുകള്‍ പ്രവര്‍ത്തിക്കുന്നില്ലെന്ന വിദ്യാര്‍ത്ഥികളുടെയും രക്ഷിതാക്കളുടേയും ഉള്‍പ്പെടെയുള്ള പരാതികള്‍ പരിഗണിച്ചാണ് ജയിംസ് കമ്മിറ്റി അപേക്ഷ തീയ്യതി നീട്ടിയത്. മാനേജ്‌മെന്റുകള്‍ ഇക്കാര്യത്തില്‍ വീഴ്ച വരുത്തിയെന്ന് ജെയിംസ് കമ്മിറ്റി വിലയിരുത്തി. അപേക്ഷകരില്‍ യോഗ്യതയുള്ളവരുടെ ലിസ്റ്റ് സെപ്റ്റംബര്‍ പതിമൂന്നിന് പ്രസിദ്ധീകരിക്കും. സെപ്റ്റംബര്‍ 20 ന് ആദ്യഘട്ട കൗണ്‍സിലിംഗ് നടത്തണം.