05.56 AM 01-09-2016 ക്വാലാലംപുര്‍: സ്വാതന്ത്ര്യദിനത്തില്‍ മലേഷ്യയില്‍ ക്ഷേത്രം ആക്രമിക്കാന്‍ പദ്ധതിയിട്ട ഐ.എസ് ഭീകരര്‍ അറസ്റ്റില്‍. ബാതു കാവസിലെ പ്രസിദ്ധ ക്ഷേത്രം അടക്കമുള്ള സ്ഥലങ്ങള്‍ ആക്രമിക്കാന്‍ പദ്ധതിയിട്ട തീവ്രവാദികളാണ് തീവ്രവാദ വിരുദ്ധ സേന പിടികൂടിയത്. സ്വാതന്ത്ര്യദിനത്തില്‍ രാജ്യത്തെ വിവിധ വിനോദകേന്ദ്രങ്ങളും പൊലീസ് സ്റ്റേഷനും ആക്രമിക്കാനായിരുന്നു ആക്രമികളുടെ പദ്ധതി. സേലഗോര്‍, പഹാങ് എന്നിവിടങ്ങളില്‍നിന്നാണ് ഇവരെ അറസ്റ്റ് ചെയ്തത്. ഗ്രനേഡും തോക്കുകളുമുള്‍പ്പെടെയാണ് ഇവര്‍ പിടിയിലായത്. ലക്ഷ്യം നേടിയ ശേഷം സിറിയയിലേക്ക് കടക്കാനായിരുന്നു ഭീകരരുടെ പദ്ധതിയെന്ന് പൊലീസ് വൃത്തങ്ങള്‍ പറഞ്ഞു. ഈ Read more about മലേഷ്യയില്‍ ക്ഷേത്രം ആക്രമിക്കാന്‍ പദ്ധതിയിട്ട ഐ.എസ് ഭീകരര്‍ അറസ്റ്റില്‍[…]

05.53 AM 01-09-2016 ഫ്രാന്‍സിലെ കൊക്കോ കോളയുടെ പ്ലാന്റില്‍നിന്നും വന്‍തോതില്‍ മയക്കുമരുന്ന് കണ്ടെടുത്തു. ഏകദേശം 50 ദശലക്ഷം യൂറോ വിലവരുന്ന കൊക്കെയ്‌നാണ് പിടിച്ചെടുത്തത്. ദക്ഷിണാഫ്രിക്കയില്‍നിന്നും കൊണ്ടുവന്ന മയക്കുമരുന്നാണ് പിടികൂടിയത്. ഓറഞ്ച് ജൂസ് സത്തിന്റെ കൂടെ ബാഗില്‍ ഒളിപ്പിച്ചാണ് കൊക്കെയ്ന്‍ കൊണ്ടുവന്നത്. തെക്കുകിഴക്കന്‍ ഫ്രാന്‍സിലെ ഗ്രാമമായ സിഗ്നസിലെ പ്ലാന്റിലായിരുന്നു സംഭവം. 370 കിലോയോളം കൊക്കെയ്‌നാണ് പിടികൂടിയിരിക്കുന്നത്. ഫ്രാന്‍സിലെ ഏറ്റവും വലിയ മയക്കുമരുന്ന് വേട്ടയാണിത്. സംഭവത്തില്‍ അന്വേഷണം നടന്നുവരികയാണ്.

05.40 AM 01-09-2016 ബ്രെക്‌സിറ്റ് നടപ്പാക്കാനു ള്ള തീരുമാനത്തില്‍ മാറ്റമില്ലെന്നും രണ്ടാമതൊരു ഹിതപരിശോധനയില്ലെന്നും ബ്രിട്ടീഷ് പ്രധാനമന്ത്രി തെരേസാ മേ. ചെക്കേഴ്‌സിലെ കാബിനറ്റ് യോഗത്തിനുമുമ്പാണ് മേ നിലപാടു വ്യക്തമാക്കിയത്. യൂറോപ്യന്‍ യൂണിയനില്‍ നിലനില്‍ക്കാനുള്ള യാതൊരു ഗൂഢപദ്ധതിയുമില്ല. ബ്രെക്‌സിറ്റ്(ഇയുവില്‍നിന്നുള്ള വിടുതല്‍) വിജയകരമായി നടപ്പാക്കുകയാണു ലക്ഷ്യം.

05.33 AM 01-09-2016 അസാധാരണമായ കുലുക്കമനുഭവപ്പെട്ടതിനെത്തുടര്‍ന്നു ഹൂസ്റ്റണില്‍നിന്നു ലണ്ടനിലേക്കു വന്ന യുണൈറ്റഡ് എയര്‍ലൈന്‍സിന്റെ യാത്രാവിമാനം അടിയന്തരമായി അയര്‍ലണ്ടില്‍ ഇറക്കി. മൂന്നു കുട്ടികള്‍ ഉള്‍പ്പെടെ പത്തു യാത്രക്കാര്‍ക്കും രണ്ടു ജീവനക്കാര്‍ക്കും പരിക്കേറ്റു. മുറിവും ചതവും ഏറ്റ യാത്രികരെ ലിമറിക്കിലെ യൂണിവേഴ്‌സിറ്റി ഹോസ്പിറ്റലില്‍ പ്രവേശിപ്പിച്ചു. 207യാത്രികരും 13 ജീവനക്കാരുമാണു വിമാനത്തിലുണ്ടായിരുന്നത്.