10:11 am 22/8/2016 ന്യൂഡല്‍ഹി: കാഷ്മീരില്‍ ഒന്നരമാസമായി സംഘര്‍ഷം തുടരുന്ന പശ്ചാത്തലത്തില്‍ സംസ്ഥാനത്തെ പ്രതിപക്ഷ പാര്‍ട്ടികളുടെ പ്രതിനിധികള്‍ ഇന്നു പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. മുന്‍ മുഖ്യമന്ത്രി ഒമര്‍ അബ്ദുള്ള നേതൃത്വം നല്കുന്ന സംഘം കാഷ്മീരിലെ സ്ഥിതിഗതികള്‍ മോദിയെ ധരിപ്പിക്കും. കോണ്‍ഗ്രസ് സംസ്ഥാന പ്രസിഡന്റ് ജി.എ. മിര്‍, സിപിഎം നേതാവ് മുഹമ്മദ് യൂസഫ് തരിഗാമി, നാഷണല്‍ കോണ്‍ഫറന്‍സിന്റെ മുതിര്‍ന്ന നേതാക്കള്‍, സ്വതന്ത്ര എംഎല്‍എമാര്‍ തുടങ്ങിയവരും പ്രതിപക്ഷ സംഘത്തിലുണ്ട്. ബുര്‍ഹന്‍ വാനിയുടെ വധത്തിനു ശേഷമുള്ള കാര്യങ്ങള്‍ നിയന്ത്രണാതീതമായത് Read more about പ്രധാനമന്ത്രിയെ ഇന്നു കാഷ്മീരിലെ പ്രതിപക്ഷം കാണും.[…]

10:05 am 22/8/2016 ലാഹോര്‍: പാക്കിസ്ഥാനിലെ പഞ്ചാബ് പ്രവിശ്യയില്‍ 175 തീവ്രവാദികള്‍ പിടിയില്‍. സുരക്ഷാസേന കഴിഞ്ഞ രണ്ടു ദിവസമായി നടത്തിയ റെയ്ഡിലാണ് ഇത്ര അധികം തീവ്രവാദികള്‍ പിടിയിലായത്. പിടിയിലായവര്‍ പല ഭീകരഗ്രൂപ്പുകളില്‍പ്പെട്ടവരാണെന്ന് കൗണ്ടര്‍ ടെററിസം ഡിപ്പാര്‍ട്ട്‌മെന്റ് (സിടിഡി) അറിയിച്ചു. ഈ മാസം ആദ്യം ബലൂചിസ്ഥാനില്‍ ഭീകരാക്രമണത്തില്‍ 74 പേര്‍ കൊല്ലപ്പെട്ടതിനെ തുടര്‍ന്നാണ് സുരക്ഷാസേന റെയ്ഡ് ശക്തമാക്കിയത്.

09:56 am 22/08/2016 ന്യൂഡല്‍ഹി: അക് പാര്‍ട്ടി ഭരണകൂടത്തെ അട്ടിമറിക്കാന്‍ ശ്രമിച്ച ഫത്ഹുല്ല ഗുലന്‍ ഭീകരസംഘം (എഫ്.ഇ.ടി.ഒ) ഇന്ത്യയിലേക്കും നുഴഞ്ഞുകയറിയതായി തുര്‍ക്കി. സംഘം ലോകത്തിന്‍െറ മറ്റു ഭാഗങ്ങളിലെന്നപോലെ ഇന്ത്യയിലും രഹസ്യസ്വഭാവത്തിലുള്ള ക്രിമിനല്‍ നെറ്റ്വര്‍ക് സ്ഥാപിച്ചിരുന്നതായി തുര്‍ക്കി വിദേശകാര്യ മന്ത്രി മെവ്ലുത് കാവുസോഗ്ലു ആണ് വ്യക്തമാക്കിയത്. വിദേശകാര്യ മന്ത്രി സുഷമ സ്വരാജുമായി നടത്തിയ കൂടിക്കാഴ്ചക്കുശേഷം പി.ടി.ഐക്ക് നല്‍കിയ അഭിമുഖത്തിലാണ് അദ്ദേഹം ഈ ആരോപണങ്ങള്‍ ഉന്നയിച്ചത്. ഏതെങ്കിലും രാജ്യത്ത് എഫ്.ഇ.ടി.ഒയുടെ സാന്നിധ്യമുണ്ടെന്ന് വ്യക്തമായാല്‍ നടപടി സ്വീകരിക്കണമെന്ന് ആവശ്യപ്പെടാറുണ്ടെന്നും കൂട്ടിച്ചേര്‍ത്തു.

09:55 am 22/8/2016 ശ്രീനഗര്‍: ജമ്മുകാഷ്മീരില്‍ പ്രതിഷേധക്കാരും സൈന്യവും തമ്മിലുണ്ടായ ഏറ്റുമുട്ടലില്‍ ഒരാള്‍ കൊല്ലപ്പെട്ടു. ഞായറാഴ്ച ഫതേ കാദലിലായിരുന്നു ഏറ്റുമുട്ടലുണ്ടായത്. സൈന്യത്തിന്റെ പെല്ലറ്റ് ആക്രമണത്തില്‍ ഇര്‍ഫാന്‍ അഹമ്മദ് എന്നയാളാണ് കൊല്ലപ്പെട്ടത്. ഇതോടെ ബുര്‍ഹാന്‍ വാനിയുടെ വധത്തിനു ശേഷം ഉണ്ടായ സംഘര്‍ഷത്തില്‍ മരിച്ചവരുടെ എണ്ണം 65 ആയി. സംഘര്‍ഷങ്ങളെ തുടര്‍ന്ന് തുടര്‍ച്ചയായ 44-ാം ദിവസവും കാഷ്മീരിന്റെ പലഭാഗങ്ങളിലും കര്‍ഫ്യൂ തുടരുകയാണ്. വെടിവയ്പ്പില്‍ നിരവധി പേര്‍ക്ക് പരിക്കേറ്റിട്ടുണ്ട്. താഴ്‌വരയിലെ സംഘര്‍ഷ മേഖലകളില്‍ സൈന്യം കനത്ത ജാഗ്രത പുലര്‍ത്തുന്നുണ്ട്. സൈന്യത്തിന് നേരെ Read more about കാഷ്മീര്‍ സംഘര്‍ഷം: മരണ സംഖ്യ 65 ആയി[…]