02:11 pm 27/1/2017 ചെന്നൈ: ജല്ലിക്കട്ട് പ്രക്ഷോഭത്തിനെതിരായ പൊലീസ് നടപടിയെ ന്യായീകരിച്ച്‌ തമിഴ്നാട് മുഖ്യമന്ത്രി ഒ.പനീര്‍ശെല്‍വം രംഗത്തെത്തി. ജല്ലിക്കട്ട് പ്രക്ഷോഭത്തില്‍ സാമൂഹ്യവിരുദ്ധശക്തികള്‍ നുഴഞ്ഞുകയറിയിരുന്നുവെന്ന് തമിഴ്നാട് മുഖ്യമന്ത്രി ഒ പനീര്‍ശെല്‍വം നിയമസഭയില്‍ പറഞ്ഞു. ഒസാമ ബിന്‍ലാദന്റെ ചിത്രമുള്ള പ്ലക്കാര്‍ഡുകളുമായി സമരത്തിന് ചിലരെത്തി. വിദ്യാര്‍ഥികളുമായി പൊലീസ് ചര്‍ച്ച നടത്തിയിട്ടും സമരം അവസാനിപ്പിയ്ക്കാതിരുന്നതിനെത്തുടര്‍ന്നാണ് നടപടിയെടുത്തതെന്നും ഒ പനീര്‍ശെല്‍വം വ്യക്തമാക്കി. പനീര്‍ശെല്‍വത്തിന്റെ പ്രസ്താവന വിദ്യാര്‍ഥികളെ അപമാനിയ്ക്കുന്നതാണെന്നും ഇത് പിന്‍വലിയ്ക്കണമെന്നും ആവശ്യപ്പെട്ട് പ്രതിഷേധവുമായി ഡിഎംകെ നിയമസഭയില്‍ നിന്നിറങ്ങിപ്പോയി.

01:20 pm 27/1/2017 അമേരിക്കയിലെ മുഖ്യധാരാ മാധ്യമങ്ങളോട് വായടച്ചട് മിണ്ടാതിരിക്കണമെന്ന് പ്രസിഡന്‍റ് ഡൊണാള്‍ഡ് ട്രംപിന്‍റെ പ്രധാന ഉപദേഷ്ടാവ് സ്റ്റീഫന്‍ ബാനണിന്‍റെ ഭീഷണി. മാധ്യമങ്ങളെ പ്രതിപക്ഷപാര്‍ട്ടികളെന്നു വിശേഷിപ്പിച്ച ബാനണ്‍ അവര്‍ ഭരണകൂടത്തെ അപമാനിക്കുകയാണെന്നും പറഞ്ഞു. മാധ്യമങ്ങള്‍ രാജ്യത്തെ മനസ്സിലാക്കുന്നില്ല. ഡൊണാള്‍ഡ് ട്രംപ് എന്തുകൊണ്ടാണ് അമേരിക്കന്‍ പ്രസിഡന്‍റായതെന്നും അവര്‍ മനസ്സിലാക്കുന്നില്ല. ന്യൂയോര്‍ക്ക് ടൈംസിനു നല്‍കിയ അഭിമുഖത്തില്‍ ബാനണ്‍ പറഞ്ഞു. ട്രംപിന്‍റെ വിജയത്തില്‍ നിര്‍ണായക പങ്ക് വഹിച്ച ബാനണ്‍ കഴിഞ്ഞ നവംബറിലും മാധ്യമങ്ങള്‍ക്കെതിരെ രംഗത്തെത്തിയിരുന്നു.

11:37 AM 27/1/2017 കശ്മീർ: കശ്മീരിലുണ്ടായ മഞ്ഞിടിച്ചിലിൽ മരിച്ച സൈനികരുടെ എണ്ണം 14 ആയി. നാലു പേരുടെ മൃതദേഹം കൂടി ഇന്ന് കണ്ടെടുത്തു. ജമ്മു കശ്​മീരിലെ ഗുർസെ​യിലെ സൈനിക ക്യാമ്പിലാണ് കഴിഞ്ഞദിവസം മഞ്ഞിടിച്ചിലുണ്ടായത്. ​ മോശം കാലാവസ്​ഥയും കനത്ത മഞ്ഞുവീഴ്​ചയും മൂലം രക്ഷാ പ്രവർത്തനം ദുഷ്​കരമാക്കിയിരുന്നു. കഴിഞ്ഞദിവസം നടത്തിയ തെരച്ചിലിൽ 10 പേരുടെ മൃതദേഹം കണ്ടെത്തിയിരുന്നു. സൈനിക ക്യാമ്പിലേക്ക്​ പോവുകയായിരുന്ന വാഹനം മഞ്ഞിടിച്ചിലിൽ കാണാതായിട്ടുണ്ട്​. കഴിഞ്ഞദിവസം സൊണമാർഗിലുണ്ടായ മഞ്ഞിടിച്ചിലിൽ ഒരു മേജറും നാല്​ സാധാരണക്കാരും മരിച്ചിട്ടുണ്ട്​. രക്ഷാപ്രവർത്തകർ Read more about കശ്മീർ മഞ്ഞിടിച്ചിലിനെ തുടര്‍ന്ന്‌ മരണം 14 ആയി[…]