12.19 AM 27/01/2017 തിരുവനന്തപുരം: ലോ അക്കാദമിയിൽ നടക്കുന്ന നീതി നിഷേധത്തിനെതിരെ സംസ്ഥാന സർക്കാരും പോലീസും ഉണർന്ന് പ്രവർത്തിക്കണമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. കോളേജ് മാനേജ്മെന്‍റ് തെറ്റ് തിരുത്താൻ തയാറാകണമെന്നു പറഞ്ഞ കാനം ഒരു വിദ്യാഭ്യാസ സ്ഥാപനത്തിലെ വിദ്യാർഥികളെല്ലാം ഒറ്റക്കെട്ടായി പ്രവർത്തിക്കുന്നത് ഇതാദ്യമാണെന്നും കൂട്ടിച്ചേർത്തു. അക്കാദമിയിൽ സമരം നടത്തുന്ന വിദ്യാർഥികളെ സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു കാനം രാജേന്ദ്രൻ. സിപിഐ ദേശീയ എക്സിക്യൂട്ടീവ് അംഗം ബിനോയ് വിശ്വവും കാനത്തിനൊപ്പമുണ്ടായിരുന്നു.

12.23 AM 27/01/2017 തിരുവനന്തപുരം: ദേശീയത ഇന്നു നേരിടുന്ന വെല്ലുവിളികൾ ചെറുതല്ലെന്ന് മുഖ്യമന്ത്രി പിണറായി വിജയൻ.ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം വ്യക്തമാക്കിയത്. അവർ എന്നും നമ്മളെന്നും വേർതിരിച്ച് ആളുകളെ തമ്മിൽതല്ലിക്കുന്നതിനുള്ള ശ്രമങ്ങൾ നടക്കുന്നുണ്ടെന്നും അതിനെ ചെറുത്തു തോൽപിക്കണമെന്നും മുഖ്യമന്ത്രി വ്യക്തമാക്കുന്നുണ്ട്. ജനാധിപത്യത്തിന്‍റെ പരമാധികാര സഭയായ പാർലമെന്‍റിനെ വിശ്വാസത്തിലെടുക്കാതെയും സംസ്ഥാന നിയമസഭകളുടെ വികാരങ്ങൾ ഉൾക്കൊള്ളാതെയും ജനാധിപത്യ വ്യവസ്ഥയെ മുന്നോട്ടു നയിക്കാനാവില്ലെന്നും ജനാധിപത്യമെന്നത് ഭൂരിപക്ഷത്തിന്റെ മാത്രം അഭിപ്രായം ഉച്ചത്തിൽ പറയലല്ല, ന്യൂനപക്ഷത്തിന്‍റെ താല്പര്യങ്ങളെക്കൂടി കണക്കിലെടുക്കുകയാണെന്നും പിണറായി കുറിച്ചു. അതിനുള്ള അവസരങ്ങൾ Read more about ദേശീയത വെല്ലുവിളി നേരിടുന്നുവെന്ന് മുഖ്യമന്ത്രി[…]