02.48 PM 08/01/2017 തിരുവനന്തപുരം: മുതിർന്ന സിപിഎം നേതാവ് വി.എസ്. അച്യുതാനന്ദനെതിരേ കേന്ദ്ര കമ്മിറ്റിയിൽ നടപടിയുണ്ടാകില്ലെന്ന് സൂചന. കേന്ദ്രകമ്മിറ്റിയുടേത് തൃപ്തികരവും ന്യായവുമായ തീരുമാനങ്ങളാണെന്ന് കേന്ദ്രകമ്മിറ്റി യോഗത്തിനു ശേഷം പുറത്തിറങ്ങിയപ്പോൾ വി.എസ് മാധ്യമങ്ങളോട് പറഞ്ഞു. തീരുമാനം ഔദ്യോഗികമായി പിന്നീട് മാധ്യമങ്ങളെ അറിയിക്കുമെന്നും അദ്ദേഹം വ്യക്‌തമാക്കി. വിഎസുമായി ബന്ധപ്പെട്ട പിബി കമ്മീഷൻ റിപ്പോർട്ട് ഇന്നുചേർന്ന കേന്ദ്രകമ്മിറ്റിയിൽ ചർച്ച ചെയ്തിരുന്നു. ഇതിന് പിന്നാലെയാണ് കമ്മിറ്റിയിൽ നിന്നും പുറത്തിറങ്ങിയ വി.എസിന്റെ പ്രതികരണം ഉണ്ടായത്. രാവിലെ വി.എസും സിപിഎം ജനറൽ സെക്രട്ടറി സീതാറാം യെച്ചൂരിയും Read more about കേന്ദ്രകമ്മിറ്റിയുടേത് തൃപ്തികരവും ന്യായവുമായ തീരുമാനങ്ങൾ: വി.എസ്[…]

02.39 PM 08/01/2017 തിരുവനന്തപുരം: കേരളം കണ്ട ഏറ്റവും ദുർബലനായ മുഖ്യമന്ത്രിയാണ് പിണറായി വിജയനെന്ന് പ്രതിപക്ഷ നേതാവ് രമേശ് ചെന്നിത്തല. സംസ്‌ഥാനം ഭരണ പ്രതിസന്ധിയിലേക്കു പോകുകയാണ്. ഉദ്യോഗസ്‌ഥരുടെ മേൽ സർക്കാരിന് നിയന്ത്രണമില്ലാതായിരിക്കുകയാണെന്നും അദ്ദേഹം പറഞ്ഞു. മന്ത്രി എം.എം. മണി രാജിവയ്ക്കണമെന്നും ചെന്നിത്തല ആവശ്യപ്പെട്ടു. രാജ്യത്ത് ആദ്യമായാണ് കൊലക്കേസിൽ പ്രതിയായ ഒരാൾ മന്ത്രിസ്‌ഥാനത്തിരിക്കുന്നത്. ആലപ്പുഴയിൽ ഭൂട്ടാൻ യുവതിക്കുനേരെ ലൈംഗികാതിക്രമം നടത്തിയ കേസിലെ പ്രതിയെ ഉടൻ പിടികൂടണമെന്നും ചെന്നിത്തല വാർത്താ സമ്മേളനത്തിൽ പറഞ്ഞു.

02.31 Pm 08/01/2017 തിരുവനന്തപുരം: സിപിഎം സംസ്‌ഥാന സെക്രട്ടേറിയറ്റിൽ ഉൾപ്പെടുത്തണമെന്ന ആവശ്യമുന്നയിച്ച് മുതിർന്ന നേതാവ് വി.എസ്. അച്യുതാനന്ദൻ സിപിഎം ജനറൽ സെക്രട്ടറി സീതാറാം യെച്ചൂരിയുമായി കൂടിക്കാഴ്ച നടത്തി. കൂടിക്കാഴ്ചയ്ക്കു ശേഷം കേന്ദ്ര കമ്മിറ്റി യോഗത്തിൽ വി.എസ് പങ്കെടുത്തു. അതേസമയം, വി.എസിനെ സംസ്‌ഥാന സെക്രട്ടേറിയറ്റിൽ ഉൾപ്പെടുത്തുന്നതിന് സംസ്‌ഥാന ഘടകത്തിന് കടുത്ത എതിർപ്പാണ് ഉള്ളത്. വിഎസിനെതിരായ റിപ്പോർട്ടിൽ നടപടിയുണ്ടാകാനാണ് സാധ്യത. രണ്ടു ദിവസമായി നടക്കുന്ന കേന്ദ്രകമ്മിറ്റിയുടെ അജൻഡയിൽ പിബി കമ്മീഷൻ റിപ്പോർട്ടും ഉൾപ്പെടുത്തിയെങ്കിലും കഴിഞ്ഞ ദിവസവും ചർച്ചയ്ക്കെടുത്തിരുന്നില്ല. ഞായറാഴ്ച ഉച്ചയോടെ Read more about വി.എസ് യെച്ചൂരിയുമായി കൂടിക്കാഴ്ച നടത്തി[…]

02.30 PM 08/01/2017 പാലക്കാട്: അട്ടപ്പാടിയിൽ വീണ്ടും ശിശുമരണം. ഷോളയൂരിൽ അഞ്ചു മാസം പ്രായമുള്ള കുഞ്ഞാണ് മരണത്തിനു കീഴടങ്ങിയത്. കടമ്പാറ ഈരിൽ വീരമ്മ–ശെൽവൻ ദമ്പതികളുടെ ആൺകുഞ്ഞാണ് മരിച്ചത്. മുലപ്പാൽ മൂർധാവിൽ കയറിയതാണ് മരണകാരണമെന്ന് സംശയിക്കുന്നതായി ആരോഗ്യവകുപ്പ് അധികൃതർ അറിയിച്ചു. വീരമ്മ–ശെൽവൻ ദമ്പതികളുടെ മൂന്നു കുഞ്ഞുങ്ങളും മുമ്പ് മരണപ്പെടുകയായിരുന്നു. ആദ്യത്തെ കുഞ്ഞിനെ ഗർഭാവസ്‌ഥയിൽ തന്നെ നഷ്‌ടപ്പെട്ടിരുന്നു. രണ്ടു കുഞ്ഞുങ്ങൾക്കും മരണ കാരണം വിളർച്ചയാണെന്ന് കണ്ടെത്തിയിരുന്നു.