ഉത്തർപ്രദേശ് നിയമസഭാ തെരഞ്ഞെടുപ്പിന്റെ നാലാം ഘട്ട വോട്ടെടുപ്പ് തുടങ്ങി
10:00 am 23/2/2017 ന്യൂഡൽഹി: ഉത്തർപ്രദേശ് നിയമസഭാ തെരഞ്ഞെടുപ്പിന്റെ നാലാം ഘട്ട വോട്ടെടുപ്പ് തുടങ്ങി. ബുന്ദേൽഖണ്ഡ് മേഖല ഉൾപ്പെടെ 12 ജില്ലകളിലെ 53 സീറ്റുകളിലേക്കാണ് ഇന്നു തെരഞ്ഞെടുപ്പു നടക്കുക. കോൺഗ്രസ് അധ്യക്ഷ സോണിയഗാന്ധിയുടെ ലോക്സഭാ മണ്ഡലമായ റായ്ബറേലിയിലെ അഞ്ചു നിയമസഭാ മണ്ഡലങ്ങൾ ഇന്നു തെരഞ്ഞെടുപ്പു നടക്കുന്നവയിൽ ഉൾപ്പെടുന്നു. നാലാം ഘട്ടമാണ് കോൺഗ്രസിന് ഏറ്റവും നിർണായകം. 20 സീറ്റുകളിലാണ് കോൺഗ്രസ് മത്സരിക്കുന്നത്.
