09:34 am 14/3/2017 കാബൂൾ: അഫ്ഗാനിസ്ഥാൻ സുരക്ഷാസേന 32 താലിബാൻ തടവുകാരെ മോചിപ്പിച്ചു. അഫ്ഗാനിസ്ഥാനിലെ ഹെൽമാഡ് പ്രവിശ്യയിൽ പ്രത്യേക സേനവിഭാഗം നടത്തിയ ആക്രമണത്തിലാണ് തടവുകാരെ മോചിപ്പിക്കുവാൻ സാധിച്ചതെന്നു സൈനിക വക്താവ് പറഞ്ഞു. കഴിഞ്ഞ മേയിൽ അഫ്ഗാൻ സേന 60 താലിബാൻ തടവുകാരെ മോചിപ്പിച്ചിരുന്നു. ഭീകരരുടെ ശക്തി കേന്ദ്രമായ ഹെൽമാഡിൽനിന്നുമാണ് സൈന്യം തടവുകാരെ മോചിപ്പിച്ചത്.

09:25am 14/3/2017 ബാമാകോ: ആഫ്രിക്കൻ രാജ്യമായ മാലിയിലുണ്ടായ ഭീകരാക്രമണത്തിൽ രണ്ടു സൈനികരുൾപ്പെടെ നാലു പേർ മരിച്ചു. നൈജർ അതിർത്തിക്കു സമീപമുള്ള അൻസോഗോ നഗരത്തിൽ തിങ്കളാഴ്ച സൈനികരും ഭീകരരും തമ്മിലുണ്ടായ ഏറ്റുമുട്ടലിലാണ് സൈനികർ കൊല്ലപ്പെട്ടത്. പ്രദേശത്തെ വ്യാപാരികളെ സംരക്ഷിക്കുന്നതിനായി സൈന്യത്തിനെ വിന്യസിച്ചിരുന്നു. ഇവർക്കു നേരെയാണ് ഭീകരാക്രമണമുണ്ടായത്. ഭീകരർ രണ്ട് സൈനിക വാഹനങ്ങൾ തട്ടിയെടുത്തതായും സൈനിക വക്താവ് അറിയിച്ചു.

09:24 am 14/3/2017 വാഷിംഗ്ടൺ: അമേരിക്കൻ പ്രസിഡന്‍റ് ഡോണൾഡ് ട്രംപ് തന്‍റെ ഒരു വർഷത്തെ ശമ്പളം സഹായ ധനമായി നൽകുന്നു. 400,000 ഡോളറാണ് അദ്ദേഹത്തിന്‍റെ ഒരു വർഷത്തെ ശമ്പളം. വൈറ്റ് ഹൗസ് വക്താവ് സീൻ സ്പെൻസറാണ് ഇക്കാര്യം വ്യക്തമാക്കിയത്. ശമ്പളം ഓരോ മാസവും സഹായധനമായി നൽകാനായിരുന്നു നേരത്തെ തീരുമാനിച്ചിരുന്നതെന്നാണ് വിവരം. മാസശമ്പളം ഇത്തരത്തിൽ സഹായ ധനമായി നൽകുന്ന മൂന്നാമത്തെ അമേരിക്കൻ പ്രസിഡന്‍റാണ് ട്രംപ്. ജോൺ.എഫ്.കെന്നഡിയും ഹെർബർട്ട് ഹൂവറുമാണ് ഇതിനു മുൻപ് ശമ്പളം മറ്റ് ക്ഷേമ പ്രവർത്തനങ്ങൾക്കായി നൽകിയത്. Read more about ഡോണൾഡ് ട്രംപ് തന്‍റെ ഒരു വർഷത്തെ ശമ്പളം സഹായ ധനമായി നൽകുന്നു.[…]