04:04pm 12/7/2106 കൊല്ലം: ഭീകര സംഘടനായ ഇസ്‌ലാമിക് സ്റ്റേറ്റ് കൊല്ലുന്നത് ഇസ്‌ലാമിനെയെന്ന് പിഡിപി ചെയര്‍മാന്‍ അബ്ദുള്‍ നാസര്‍ മഅദനി. ഇസ്‌ലാമിക മൂല്യങ്ങളോട് യോജിക്കാന്‍ കഴിയുന്ന കാര്യങ്ങളല്ല ഐഎസ് ചെയ്യുന്നത്. ഐഎസ് പൂര്‍ണമായും ഇസ്‌ലാം വിരുദ്ധമാണ്. എല്ലാ മുസ്‌ലിംകളും ഐഎസ് വിട്ടുപോരണമെന്നും മദനി കൊല്ലത്ത് പറഞ്ഞു. മദനി ഇന്നു രാത്രി ബംഗളൂരുവിലേക്ക് മടങ്ങും. ജാമ്യവ്യവസ്ഥയില്‍ ഇളവുലഭിച്ചതിനെത്തുടര്‍ന്ന് മഅദനി നാട്ടിലെത്തിയത്.

12:35pm 12/07/2016 തിരുവനന്തപുരം: ബാർകോഴ കേസിൽ മുൻ ധനമന്ത്രി കെ.എം മാണിക്കെതിരെ പുനരന്വേഷണം വേണ്ടെന്ന് വിജിലൻസ് ലീഗൽ അഡ്വൈസർ. മാണിയെ കുറ്റവിമുക്തനാക്കിയ റിപ്പോർട്ടിൽ ഉറച്ചു നിൽക്കുന്നുവെന്നും പ്രോസിക്യൂട്ടർ വ്യക്തമാക്കി. മാണിക്ക് ക്ലീന്‍ചിറ്റ് നല്‍കി വിജിലന്‍സ് എസ്.പി ആര്‍. സുകേശന്‍ സമര്‍പ്പിച്ച തുടരന്വേഷണ റിപ്പോര്‍ട്ട് തിരുവനന്തപുരം വിജിലൻസ് കോടതി പരിഗണിക്കവെയാണ് പ്രോസിക്യൂട്ടർ നിലപാട് വ്യക്തമാക്കിയത്. കേസിൽ പുതിയ തെളിവുകൾ ഉണ്ടെങ്കിൽ തുടരന്വേഷണം നടത്താവുന്നതാണ്. എന്നാൽ, ഇപ്പോൾ അത്തരം തെളിവുകളില്ല. ഹരജിക്കാർ പുതിയ തെളിവുകൾ സമർപ്പിച്ചാൽ അന്വേഷണം നടത്താവുന്നതാണെന്നും പ്രോസിക്യൂട്ടർ Read more about ബാർകോഴ കേസിൽ മാണിക്കെതിരെ പുനരന്വേഷണം വേണ്ടെന്ന് വിജിലൻസ് പ്രോസിക്യൂട്ടർ[…]

12:07pm 12/7/2016 തിരുവനന്തപുരം: കാസര്‍ഗോഡ് നിന്ന് ദുരൂഹ സാഹചര്യത്തില്‍ കാണാതായ യുവതി വീട്ടുകാര്‍ക്ക് സന്ദേശമയച്ചു. പടന്ന സ്വദേശി ഡോ. ഇജാസിന്റെ ഭാര്യ നീലേശ്വരം സ്വദേശിനി റഫീനയുടെ ശബ്ദ സന്ദേശമാണ് പിതാവിനു ലഭിച്ചത്. തീവ്രവാദികളല്ലെന്നും ജോലി തേടി വന്നതാണെന്നുമാണ് സന്ദേശം. ആശങ്കപ്പെടേണ്ട, തങ്ങള്‍ സുരക്ഷിതരാണ്. ഉടന്‍ ജോലിയില്‍ പ്രവേശിക്കുമെന്നും താമസസൗകര്യം അന്വേഷിക്കുകയാണെന്നും ശബ്ദ സന്ദേശത്തില്‍ റഫീന പറഞ്ഞു. എന്നാല്‍ ഇപ്പോള്‍ എവിടെയാണുള്ളതെന്ന് റഫീന വ്യക്തമാക്കിയിട്ടില്ല. സന്ദേശം ലഭിച്ചതിനെത്തുടര്‍ന്ന് പോലീസ് അന്വേഷണം ആരംഭിച്ചു.

12:00pm 12/7/2016 കൊച്ചി: എച്ച്എംടി യാര്‍ഡ്, മുട്ടം യാര്‍ഡ് എന്നിവടങ്ങളിലെ ജോലികളാണ് തടസപ്പെട്ടിരിക്കുന്നത്. എല്‍ ആന്റ് റ്റീ കമ്പനിയിലെ ജീവനക്കാര്‍ ജോലിക്ക് എത്താത്തതാണ് കാരണം. ഇവര്‍ക്ക് കമ്പനി വേതനം നല്‍കുന്നില്ലെന്ന് തൊഴിലാളികള്‍ പറഞ്ഞു. വേതനം ലഭിക്കാതെ ഇനി ജോലിക്കില്ലെന്നും തൊഴിലാളികള്‍ അറിയിച്ചു. എന്നാല്‍ തൊഴിലാളികളുടെ വേതനം ഉടന്‍ നല്‍കുമെന്നും ജോലി തടസപ്പെടില്ലെന്നുമാണ് എല്‍ ആന്റ് റ്റിയുടെ നിലപാട്.