6.58 PM 20/12/2016 ജയലളിതയ്ക്ക് പിൻഗാമിയായി ശശികല തമിഴ്നാട് മുഖ്യമന്ത്രി സ്‌ഥാനത്തേക്കും എത്തുമെന്ന് റിപ്പോർട്ടുകൾ. ശശികലയ്ക്കായി മുഖ്യമന്ത്രി സ്‌ഥാനം രാജിവയ്ക്കാൻ ഒ.പനീർശെൽവം തയാറാണെന്നും അമ്മയുടെ പിൻഗാമിയാകാൻ ചിന്നമ്മയ്ക്ക് യോഗ്യതയുണ്ടെന്നുമാണ് പാർട്ടിയിലെ ഒരു വിഭാഗത്തിന്റെ നിലപാട്. പാർട്ടി ജനറൽ സെക്രട്ടറി സ്‌ഥാനത്തിന് പുറമേ തമിഴ്നാട് മുഖ്യമന്ത്രി സ്‌ഥാനവും നേടാൻ ശശികല പാർട്ടിയിലെ തന്റെ അനുകൂലികളുടെ സഹായം അഭ്യർഥിച്ചു കഴിഞ്ഞുവെന്നും വാർത്തകളുണ്ട്. ശശികല മുഖ്യമന്ത്രിയാകണമെന്ന് ആവശ്യപ്പെട്ട് റവന്യൂമന്ത്രി ആർ.ബി.ഉദയകുമാർ കഴിഞ്ഞ ദിവസം രംഗത്തുവന്നത് ഇതിന്റെ സൂചനകളാണെന്നാണ് രാഷ്ട്രീയ നിരീക്ഷകരുടെ വിലയിരുത്തൽ. Read more about ശശികല തമിഴ്നാട് മുഖ്യമന്ത്രി സ്ഥാനത്തേക്ക്‌ എത്തുമെന്ന് റിപ്പോർട്ടുകൾ[…]

11:45 AM 20/12/2016 മുംബൈ: വഴക്കിനെ തുടർന്ന്​ സ്​ത്രീ അയൽക്കാരിയുടെ അഞ്ചുവയസുള്ള കുഞ്ഞിനെ ഫളാറ്റിന്റെ15 ാം നിലയിൽ നിന്നും താഴേക്ക്​ വലിച്ചെറിഞ്ഞു. കുഞ്ഞ്​ സംഭവസ്ഥലത്തുവെച്ച്​ തന്നെ മരിച്ചു. മുംബൈയിലെ ബൈകുളയിൽ വിഘ്​നാഹർതാ ബിൽഡിങ്ങിൽ തിങ്കളാഴ്​ച 12.30 ഒാടെയായിരുന്നു സംഭവം. പെൺകുട്ടിയുടെ മാതാവും അയൽക്കാരിയും തമ്മിൽ വഴക്കുണ്ടായി. കുപിതയായ അയൽക്കാരി അടുത്തു നിന്നിരുന്ന കുഞ്ഞിനെ ബാൽക്കണിയിൽ നിന്നും താഴേക്ക്​ വലിച്ചെറിയുകയായിരുന്നു. കുഞ്ഞിനെ കെ.ഇ.എം ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ സ്​ത്രീക്കെതിരെ കേസ്​ രജിസ്​റ്റർ ചെയ്​തെങ്കിലും അറസ്​റ്റ്​ രേഖപ്പെടുതിയിട്ടില്ല.

11:06 am 20/12/2016 സമുദ്രാതിര്‍ത്തി ലംഘിച്ച പാക്കിസ്ഥാനില്‍ നിന്നുള്ള 26 മീന്‍ പിടുത്തക്കാരെ ഇന്ത്യന്‍ തീരസംരക്ഷണ സേന അറസ്റ്റ് ചെയ്തു. ഗുജറാത്ത് തീരത്ത് കച്ചിനടുത്തായാണ് മീന്‍പിടുത്തക്കാരെയും അവരുടെ അഞ്ച് ബോട്ടുകളും കോസ്റ്റ് ഗാര്‍ഡ് പിടികൂടിയത്. കൂടുതല്‍ പരിശോധനയ്ക്കായി ഇവരെ ജക്കാവു തുറമുഖത്തേക്ക് എത്തിച്ചു. സമുദ്രാതിര്‍ത്തി ലംഘിച്ചുവെന്ന് ആരോപിച്ച്‌ ഇന്ത്യയില്‍നിന്നുള്ള 43 മീന്‍പിടുത്തക്കാരെ കഴിഞ്ഞ മാസം പാക്കിസ്ഥാന്‍ അറസ്റ്റ് ചെയ്തിരുന്നു.

11:03 am 20/12/2016 ചെന്നൈ: തമിഴ്നാട്ടിലെ ശരീയത്ത് കോടതികള്‍ മദ്രാസ് ഹൈക്കോടതി നിരോധിച്ചു. ആരാധനാലയങ്ങള്‍ക്ക് കോടതികളായി പ്രവര്‍ത്തിക്കാന്‍ കഴിയില്ലെന്ന് കോടതി വിധിന്യായത്തില്‍ വ്യക്തമാക്കി. ചെന്നൈ അണ്ണാശാലെയിലുളള മക്ക മസ്ജിദ് കൗണ്‍സിലിനെതിരായ കേസിലാണ് വിധി . സ്വത്ത് തര്‍ക്കം, വിവാഹ ബന്ധം എന്നീ വിഷങ്ങളില്‍ ശരീഅത്ത് കോടതികളുടെ ഇടപെടലുകള്‍ നിയമവിരുദ്ധമാണെന്ന് കോടതി ചൂണ്ടിക്കാട്ടി. ഇക്കാര്യത്തില്‍ ഒരു തല്‍സ്ഥിതി റിപ്പോര്‍ട്ട് നാല് ആഴ്ചയ്ക്കകം സമര്‍പ്പിക്കണമെന്നും കോടതി ഉത്തരവിട്ടു. ചീഫ് ജസ്റ്റിസ് സഞ്ജയ് കിഷന്‍ കൗള്‍, ജസ്റ്റിസ് എം. സുന്ദര്‍ എന്നിവരടങ്ങിയ Read more about തമിഴ്നാട്ടിലെ ശരീയത്ത് കോടതികള്‍ മദ്രാസ് ഹൈക്കോടതി നിരോധിച്ചു.[…]