01.11 AM 03-09-2016 സ്‌കൂള്‍ കുട്ടികളെ നഗ്നത പ്രദര്‍ശിപ്പിക്കുകയും ലൈംഗിക ചുവയുള്ള ആംഗ്യങ്ങള്‍ കാണിക്കുകയും ചെയ്ത കേസില്‍ നടന്‍ ശ്രീജിത്ത് രവിക്ക് കോടതി ഉപാധികളോടെ ജാമ്യം അനുവദിച്ചു. ഒരു ലക്ഷം രൂപ കെട്ടിവയ്ക്കണമെന്നും പാസ്‌പോര്‍ട്ട് കോടതിയില്‍ സമര്‍പ്പിക്കണമെന്നും എല്ലാ വ്യാഴാഴ്ചകളിലും അന്വേഷണ ഉദ്യോഗസ്ഥന് മുന്നില്‍ ഹാജരാകണമെന്നുമുള്ള ഉപാധികളിലാണ് താരത്തിന് ജാമ്യം ലഭിച്ചത്. കുട്ടികള്‍ക്കെതിരായ ലൈംഗിക അതിക്രമം തടയുന്നതിനുള്ള നിയമം ചുമത്തിയാണ് പോലീസ് ശ്രീജിത്തിനെതിരേ കേസ് രജിസ്റ്റര്‍ ചെയ്തിരിക്കുന്നത്. താനല്ല കാര്‍ ഓടിച്ചിരുന്നതെന്ന ശ്രീജിത്തിന്റെ വാദം സത്യമല്ലെന്ന് പോലീസ് Read more about നഗ്നത പ്രദര്‍ശിപ്പിച്ച കേസില്‍ നടന്‍ ശ്രീജിത്ത് രവിക്ക് ജാമ്യം[…]

01.07 AM 03-09-2016 ഇരട്ടിയില്‍ കാട് വെട്ടിതെളിക്കുന്നതിനിടെ ബോംബ് പൊട്ടി ഒരാള്‍ക്ക് ഗുരുതര പരിക്ക്. പാലപ്പുഴ സ്വദേശി അബ്ദുള്‍ റസാഖിനാണ് പരിക്കേറ്റത്. ഇയാളെ ആശുപത്രിയില്‍ പ്രവേശിപ്പിച്ചു. ഹര്‍ത്താല്‍ ദിനത്തില്‍ പരിസരം വൃത്തിയാക്കുന്നതിനിടെ കാട് തെളിക്കുമ്പോഴാണ് ആരോ ഉപേക്ഷിച്ച ബോംബ് പൊട്ടിതെറിച്ചത്. സ്ഥലത്ത് ബോംബ് സ്‌ക്വാഡും പോലീസും പരിശോധന നടത്തുന്നുണ്ട്. കൂടുതല്‍ ബോംബുകള്‍ ഉണ്‌ടോ എന്നാണ് പരിശോധന.

12.52 AM 03-09-2016 ഹയര്‍സെക്കന്‍ഡറി സ്‌കൂളുകളില്‍ ഓണാഘോഷത്തിന് നിയന്ത്രണമേര്‍പ്പെടുത്തിക്കൊണ്ടുള്ള ഉത്തരവ് സര്‍ക്കാര്‍ പിന്‍വലിച്ചു. വിദ്യാഭ്യാസമന്ത്രിയുടെ നിര്‍ദേശ്രപകാരമാണ് സര്‍ക്കുലര്‍ പിന്‍വലിച്ചത്. ഹയര്‍ സെക്കന്‍ഡറി അക്കാദമിക് ജോയിന്റ് ഡയറക്ടറാണ് ഓണാഘോഷത്തിനു മാനദണ്ഡങ്ങള്‍ നിശ്ചയിച്ച് സര്‍ക്കുലര്‍ പുറത്തിറക്കിയത്. ഇതാണ് വ്യാപക ്രപതിഷേധത്തെ തുടര്‍ന്ന് പിന്‍വലിച്ചിരിക്കുന്നത്. ജോലിസമയത്ത് സര്‍ക്കാര്‍ ഓഫീസുകളില്‍ ഓണാഘോഷം നിരോധിച്ചതിനു പിന്നാലെയാണ് ഹയര്‍സെക്കന്‍ഡറി സ്‌കൂളുകളിലും ആഘോഷത്തിനു നിയന്ത്രണമേര്‍പ്പെടുത്തിയത്. ഒരു പ്രവൃത്തി ദിനം മുഴുവന്‍ ആഘോഷ പരിപാടികള്‍ക്കായി മാറ്റിവയ്ക്കാന്‍ പാടില്ലെന്നും സ്‌കൂള്‍ പരീക്ഷകള്‍, മറ്റു പഠനപഠനേതര പ്രവര്‍ത്തനങ്ങള്‍ എന്നിവയെ ബാധിക്കാത്ത തരത്തിലായിരിക്കണം Read more about സ്‌കൂളുകളില്‍ ഓണാഘോഷത്തിന് നിയന്ത്രണമേര്‍പ്പെടുത്തിക്കൊണ്ടുള്ള ഉത്തരവ് പിന്‍വലിച്ചു[…]