10:17 am 12/8/2016 പാരീസ്/ലിസ്ബണ്‍: തെക്കന്‍ ഫ്രാന്‍സിലും പോര്‍ച്ചുഗലിലും കാട്ടുതീ പടരുന്നു. കാട്ടുതീയെത്തുടര്‍ന്ന് 2,000ല്‍ അധികം ആളുകളെ മാറ്റിപ്പാര്‍പ്പിച്ചു. ബുധനാഴ്ച ഉച്ചകഴിഞ്ഞ് തെക്കന്‍ ഫ്രാന്‍സിലെ ബീച്ച് ടൗണായ റോഗ്നാകിലാണ് കാട്ടുതീ പിടിച്ചത്. തുടര്‍ന്ന് അപകടകരമായി പടരുകയായിരുന്നു. 1,500ല്‍ അധികം ഫയര്‍ എന്‍ജിനുകള്‍ തീ അണയ്ക്കാനുള്ള ശ്രമത്തിലാണെന്ന് ഫ്രഞ്ച് ആഭ്യന്തരമന്ത്രി ബെര്‍നാര്‍ഡ് കസെനുവെ അറിയിച്ചു. 3,000ല്‍ അധികം ഹെക്ടര്‍ വനപ്രദേശ് അഗ്നിക്കിരയായെന്നാണ് കണക്കാക്കുന്നത്. സംഭവത്തില്‍ ഇതുവരെ നാലു പേര്‍ മരിച്ചു. മൂന്നു പേര്‍ക്ക് ഗുരുതരപരിക്കേറ്റതായും ഔദ്യോഗിക വൃത്തങ്ങള്‍ അറിയിച്ചു.

10:15 am 12/8/2016 ഗാസിയാബാദ്: ബിജെപി നേതാവ് ബ്രിജ്പാല്‍ തിയോതിയയ്ക്കുനേരെ അജ്ഞാതരുടെ ആക്രമണം. തോക്കുധാരികളായ അക്രമികള്‍ ബ്രിജ്പാലിനു നേരെ 100 തവണ വെടിയുതിര്‍ത്തതായാണ് റിപ്പോര്‍ട്ട്. ഉത്തര്‍പ്രദേശിലെ ഗാസിയാബാദില്‍ ഇന്നലെ രാത്രിയിലായിരുന്നു സംഭവം. തിയോതിയയ്‌ടെ വാഹനവ്യൂഹത്തിനുനേരെ അജ്ഞാതര്‍ വെടിയുതിര്‍ക്കുകയായിരുന്നു. ആക്രമണത്തില്‍ പരിക്കേറ്റ തിയോതിയയെ ഗാസിയാബാദിലെ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമായതിനാല്‍ നോയിഡയിലെ ഫോര്‍ടിസ് ആശുപത്രിയിലേക്ക് മാറ്റി. തിയോതിയയുടെ കൂടെയുണ്ടായിരുന്ന ഏഴു പേര്‍ക്കും പരിക്കേറ്റിട്ടുണ്ട്. ഒരാളുടെ നില ഗുരുതരമാണ്.

10:11 am 12/08/2016 റിയോ ഡെ ജനീറോ: ബാഡ്മിന്‍്റണ്‍ സിംഗിള്‍സില്‍ ഇന്ത്യയുടെ ശ്രീകാന്ത് കിടമ്പിക്ക് ജയം. ഇന്ന് നടന്ന മത്സരത്തില്‍ മെക്സിക്കോയുടെ ലിനോ മുനോസിനെ നേരിട്ടുള്ള സെറ്റുകള്‍ക്കാണ് ശ്രീകാന്ത് തകര്‍ത്തത്. സ്കോര്‍ 21-11, 21-17. മത്സരം 41 മിനിറ്റ് നീണ്ടു നിന്നു. ആദ്യ സെറ്റില്‍ തുടക്കം മുതല്‍ തന്നെ ശ്രീകാന്തിന് വ്യക്തമായ ലീഡുണ്ടായിരുന്നു. 16 മിനിറ്റ് കൊണ്ട് തന്നെ ആദ്യ സെറ്റ് ശ്രീകാന്ത് സ്വന്തമാക്കി. രണ്ടാം സെറ്റില്‍ ഉണര്‍ന്നു കളിച്ച ലിനോ പല ഘട്ടത്തിലും ലീഡ് നേടിയിരുന്നു. Read more about ബാഡ്മിന്‍റണ്‍ സിംഗിള്‍സില്‍ ശ്രീകാന്തിന് ജയം[…]