09:16am 24/7/2016 സാവോപോളോ: കേന്ദ്ര പടിഞ്ഞാറന്‍ സംസ്ഥാനമായ മാറ്റോ ഗ്രോസോയില്‍ നിന്നുമാണു ഇയാളെ പിടികൂടിയതെന്നു ഫെഡറല്‍ പോലീസ് അറിയിച്ചു. ആക്രമിയുടെ കൂടുതല്‍ വിവരങ്ങള്‍ പുറത്തുവിട്ടിട്ടില്ല. ബ്രസീലില്‍ ഓഗസ്റ്റില്‍ ആക്രമണം നടത്താന്‍ പദ്ധതിയിട്ടിരുന്ന പത്തു ഭീകരരെ പിടികൂടിയ വിവരം കഴിഞ്ഞ ദിവസം ബ്രസീല്‍ നീതിന്യായ വകുപ്പു മന്ത്രി അലക്‌സാണ്ടാര്‍ മോറിസ്് വ്യക്തമാക്കിയിരുന്നു. അടുത്തിടെ വിവിധ രാജ്യങ്ങളില്‍ നടന്ന ഭീകരാക്രമണങ്ങളുടെ പശ്ചാത്തലത്തില്‍ കനത്ത സുരക്ഷയാണു റിയോ ഒളിമ്പിക്‌സിനു ഏര്‍പ്പെടുത്തിയിരിക്കുന്നത്. സുരക്ഷയ്ക്കായി സൈനികര്‍ ഉള്‍പ്പെടെ 85,000 പേരെയാണു നിയോഗിച്ചിരിക്കുന്നത്.

09:05am 24/7/2016 സിലിഗുരി: പശ്ചിമബംഗാളിലെ ഡാര്‍ജിലിംഗില്‍ മൂന്നു നില കെട്ടിടം തകര്‍ന്നു വീണ് ഏഴു പേര്‍ മരിച്ചു. എട്ടു പേര്‍ക്ക് പരിക്കേറ്റു. വെള്ളിയാഴ്ച രാത്രിയിലായിരുന്നു അപകടം. മരിച്ചവരില്‍ ആറു പേര്‍ സ്ത്രീകളാണ്. 1968 ല്‍ നിര്‍മിച്ച കെട്ടിടമായിരുന്നു ഇത്. ഇതിന്റെ അടിത്തറ നാളുകളായി ബലക്ഷയത്തിലായിരുന്നു. ശക്തമായ മഴയെ തുടര്‍ന്ന് കഴിഞ്ഞ കുറച്ചുദിവസങ്ങളായി ഏതു നിമിഷവും നിലംപൊത്താമെന്ന നിലയിലായിരുന്നു കെട്ടിടം. മരിച്ചവരുടെ ബന്ധുക്കള്‍ക്ക് സര്‍ക്കാര്‍ രണ്ടു ലക്ഷം രൂപ ധനസഹായം പ്രഖ്യാപിച്ചു. ഒരു ലക്ഷം രൂപ പരിക്കേറ്റവര്‍ക്കും നല്‍കും.

09:03am 24/7/2016 കാബൂള്‍: കഴിഞ്ഞ മാസം അഫ്ഗാനിസ്ഥാനില്‍ നിന്നു ഭീകരര്‍ തട്ടിക്കൊണ്ടുപോയ ഇന്ത്യാക്കാരിയെ മോചിപ്പിച്ചതായി വിദേശകാര്യമന്ത്രി സുഷമാ സ്വരാജ് അറിയിച്ചു. അഫ്ഗാന്‍ ഫൗണേ്ടഷന്‍ എന്ന ചാരിറ്റി സംഘടനയില്‍ ജോലി ചെയ്തിരുന്ന ജൂഡിറ്റ് ഡിസൂസയെയാണു ഭീകരര്‍ തട്ടിക്കൊണ്ടു പോയത്. ജൂണ്‍ ഒന്‍പതിനാണു കാബൂളില്‍ നിന്ന് ഭീകരര്‍ തട്ടിക്കൊണ്ട് പോയത്. താന്‍ സന്തോഷവതിയായി ഇരിക്കുന്നതായി ജൂഡിറ്റ് അറിയിച്ചതായി സുഷ്മാ സ്വരാജ് ട്വിറ്ററിലൂടെ അറിയിച്ചു. അഫ്ഗാനിസ്ഥാനില്‍ വിദേശികളെ തട്ടിക്കൊണ്ടു പോകുന്നതു സാധാരണമാണെന്നും കഴിഞ്ഞ വര്‍ഷം നിരവധി പേരെയാണു ഭീകരര്‍ തട്ടിക്കൊണ്ടു പോയതെന്നും Read more about അഫ്ഗാനിസ്ഥാനില്‍ തട്ടിക്കൊണ്ടുപോയ ഇന്ത്യാക്കാരിയെ മോചിപ്പിച്ചു[…]