03:11 pm 30/12/2016 കൊല്ലം: ശ്രീനാരായണഗുരു ഒരു ജാതിയുടെയോ മതത്തിന്‍റെയോ വക്താവല്ലെന്ന് മനസ്സിലാക്കാൻ കഴിയണമെന്ന് മുഖ്യമന്ത്രി പിണറായി വിജയന്‍. 84 -ാമത് ശിവഗിരി തീർത്ഥാടന സമ്മേളനം ഉദ്ഘാടനം ചെയ്ത് സംസാരിക്കുകയാിരുന്നു മുഖ്യമന്ത്രി. ഗുരു മതാചാര്യനാണ് എന്ന ഭാഷ്യവുമായി ആരും ഇറങ്ങേണ്ടതില്ല. ഒരു ജാതിയുടെയോ മതത്തിന്‍റെയോ ചട്ടക്കൂടിൽ ഗുരുവിനെ ഒതുക്കുന്നത് ഗുരുനിന്ദയാണെന്നും ഗുരുസന്ദേശം ഉൾക്കൊള്ളാതെയുള്ള തീർഥാടനം പൊള്ളയായ ആചാരം മാത്രമെന്നും പിണറായി പറഞ്ഞു .

11:19 am 30/12/2016 തിരുവനന്തപുരം: ജനുവരിയിലെ ശമ്പള, പെന്‍ഷന്‍ വിതരണം പ്രതിസന്ധിയിലാകാന്‍ സാധ്യത. ഡിസംബറില്‍ ശമ്പളവിതരണം വലിയ കുഴപ്പമില്ലാതെ കഴിഞ്ഞുകിട്ടുകയായിരുന്നു. എന്നാല്‍, ജനുവരിയിലെ ശമ്പളാവശ്യത്തിനുള്ള നോട്ട് ലഭ്യമാക്കുന്നതില്‍ റിസര്‍വ് ബാങ്ക് ഒരു ഉറപ്പും ഇതുവരെ സംസ്ഥാനത്തിന് നല്‍കിയിട്ടില്ല. ജീവനക്കാരും പെന്‍ഷന്‍കാരുമടക്കം 10 ലക്ഷം പേര്‍ക്കായി 1200 കോടി രൂപ ബാങ്ക് വഴിയും 1200 കോടി ട്രഷറി വഴിയുമാണ് ശമ്പള ഇനത്തില്‍ വിതരണം ചെയ്യേണ്ടത്. ഇതുസംബന്ധിച്ച് ധനകാര്യ സെക്രട്ടറി റിസര്‍വ് ബാങ്ക് പ്രതിനിധിയുമായും കനറാ, എസ്.ബി.ടി, എസ്.ബി.ഐ തുടങ്ങിയ Read more about ജനുവരിയിലെ ശമ്പള, പെന്‍ഷന്‍ വിതരണം പ്രതിസന്ധിയിലാകാന്‍ സാധ്യത.[…]

11:12 am 30/12/2016 84 -ാമത് ശിവഗിരി തീർത്ഥാടനത്തിന് ഇന്ന് തുടക്കമാകും. മൂന്നു ദിവസം നീണ്ടുനിൽക്കുന്ന തീർത്ഥാടന സമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. പ്രതിപക്ഷ നേതാവ് രമേശ് ചെന്നിത്തല, ഒ.രാജഗോപാൽ, സി.കെ.ജാനു എന്നിവർ പങ്കെടുക്കും. ഉച്ചക്കു നടക്കുന്ന വിദ്യാഭ്യാസ സമ്മേളനം കേന്ദ്രമന്ത്രി ഡോ.ധർമ്മേന്ദ്ര പ്രഥാൻ ഉദ്ഘാടനം ചെയ്യും. തീർത്ഥാടനത്തിന്റെ ഭാഗമായി ശ്രീനാരായണ ഗുരുവിൻറെ ജൻമ സ്ഥലമായ ചെമ്പഴന്തി ഗുരുകുലത്തിലും വിപുലമായ ഒരുക്കങ്ങളാണ് നടത്തിയിട്ടുള്ളത്.

11:11 am 30/12/2016 തിരുവനന്തപുരം: സാഹിത്യകാരൻ എം.ടി വാസുദേവൻ നായരെ ബി.ജെ.പി അപമാനിച്ചിട്ടില്ലെന്ന് സംസ്ഥാന പ്രസിഡന്‍റ് കുമ്മനം രാജശേഖരന്‍. എം.ടിയും ബി.ജെ.പിയും അവരവരുടെ അഭിപ്രായങ്ങളാണ് പറഞ്ഞതെന്നും കുമ്മനം കൂട്ടിച്ചേർത്തു. നോട്ട് അസാധുവാക്കലിനെ ന്യായീകരിച്ച നടൻ മോഹൻലാലിനെ വിമർശിച്ച് ധനമന്ത്രി തോമസ് ഐസക്ക് രംഗത്തെത്തിയത് ആരും മറക്കരുത്. സി.പി.എം വിമര്‍ശിച്ചാല്‍ കുഴപ്പമില്ല. എന്നാല്‍, ബി.ജെ.പി വിമര്‍ശിച്ചാല്‍ മാത്രം പ്രശ്‌നമുണ്ടാക്കുന്നത് ശരിയല്ല. അഭിപ്രായ സ്വാതന്ത്ര്യം എല്ലാവര്‍ക്കുമുണ്ടെന്നും കുമ്മനം മാധ്യമങ്ങളോട് പറഞ്ഞു.

11:01 am 30/12/2016 കൊല്ലം: ചാത്തന്നൂരിൽ ലോറിയും ഒാമ്നി വാനും കൂട്ടിയിടിച്ച് രണ്ടു പേർ മരിച്ചു. ആലപ്പുഴ കൈനകരി സ്വദേശികളായ ഐഷ ഗോപിനാഥ്, ജയ്മോൻ എന്നിവരാണ് മരിച്ചത്. ശിവഗിരി തീർഥാടകരുടെ വാഹനമാണ് ചാത്തന്നൂരിൽ അപകടത്തിൽപ്പെട്ടത്.

02:49 pm 29/12/2016 തിരുവനന്തപുരം: നോട്ട് ക്ഷാമമായിരുന്നു കേരളത്തിലെ ഏറ്റവും വലിയ പ്രശ്നമെങ്കിൽ ഐ.എസ്.എൽ ഫൈനൽ കാണാൻ ഇത്രയധികം തിരക്ക് കൊച്ചിയിൽ ഉണ്ടാകില്ലായിരുന്നുവെന്ന് ബി.ജെ.പി സംസ്ഥാന അധ്യക്ഷൻ കുമ്മനം രാജശേഖരൻ. നിലവിൽ കേരളത്തിലെ ഏറ്റവും വലിയ പ്രശ്നം നോട്ടു ക്ഷാമമാണോയെന്ന് സംസ്ഥാന സർക്കാരിനെതിരെ നടത്തുന്ന ഉപവാസ സമരത്തിന് ആരംഭം കുറിച്ചു നടത്തിയ സമ്മേളനത്തിൽ വെച്ചാണ് കുമ്മനത്തിന്‍റെ അഭിപ്രായപ്രകടനം. മുടങ്ങിയ റേഷൻ പുനഃസ്ഥാപിക്കുക, പി.എസ്‌.സി റാങ്ക് ലിസ്റ്റ് കാലാവധി നീട്ടുക, എം.എം.മണിയുടെ രാജി തുടങ്ങി വിവിധ ആവശ്യങ്ങൾ ഉന്നയിച്ചാണ് Read more about ഐ.എസ്.എൽ ഫൈനൽ കാണാൻ ഇത്രയധികം തിരക്ക് കൊച്ചിയിൽ ഉണ്ടാകില്ലായിരുന്നുവെന്ന് കുമ്മനം രാജശേഖരൻ.[…]

12:26 pm 28/12/2016 തിരുവനന്തപുരം: നോട്ട് പിൻവലിക്കലിനെ തുടർന്ന് സംസ്ഥാനത്ത് സാമ്പത്തിക പ്രതിസന്ധി അതിരൂക്ഷമെന്ന് ധനമന്ത്രി തോമസ് ഐസക്. അടുത്ത മാസം ശമ്പളം കൊടുക്കാൻ പണമില്ല. സംസ്ഥാനം ആവശ്യപ്പെട്ട പണം നൽകുന്ന കാര്യത്തിൽ റിസർവ് ബാങ്ക് നിലപാട് അറിയിച്ചിട്ടില്ല. ആവശ്യപ്പെട്ടതിൽ 40 ശതമാനം പണമാണ് ആർ.ബി.ഐ നൽകിയത്. ഇത് ആശങ്ക ഉണ്ടാക്കുന്നു

12:12 pm. 29/12/2016 ഏറ്റവും അധികം വരുമാനം ഉണ്ടായിരുന്ന ബിവറേജസ് കോര്‍പറേഷന്റെ വില്‍പന കണക്കില്‍ പോലും രേഖപ്പെടുത്തിയത് നെഗറ്റീവ് വളര്‍ച്ചയാണ്. പ്രതിസന്ധി രൂക്ഷമായ ഡിസംബറില്‍ സംസ്ഥാനം ആവശ്യപ്പെട്ടതിന്റെ 60 ശതമാനം പോലും കറന്‍സി ലഭ്യമാക്കാന്‍ റിസര്‍വ്വ് ബാങ്കിന് കഴിഞ്ഞിട്ടുമില്ല കൈ നഷ്‌ടം വന്നാലും അന്നന്നത്തെ ചെലവു തീര്‍ത്ത് കഷ്‌ടിച്ച് കഴിഞ്ഞു പോകണമെന്ന അടിസ്ഥാന വിഭാഗത്തിന്റെ ചിന്ത സംസ്ഥാനത്തിന്റെ സമ്പദ് വ്യവസ്ഥക്ക്തന്നെ തിരിച്ചടിയായിട്ടുണ്ടെന്നാണ് കണക്കുകള്‍ സൂചിപ്പിക്കുന്നത്. കയ്യില്‍ കാശില്ലാത്തതിനാല്‍ കൊടുക്കല്‍ വാങ്ങലുകള്‍ നടക്കുന്നില്ല. വില്‍പന നികുതി ഇനത്തില്‍ മാത്രം Read more about നോട്ട് നിരോധനം നിലവില്‍വന്ന് 50 ദിവസം പിന്നിടുമ്പോള്‍ സംസ്ഥാനത്തെ വലയ്‌ക്കുന്നത് വന്‍ വരുമാന നഷ്‌ടവും കറന്‍സി പ്രതിസന്ധിയും.[…]

09:15 pm 28/12/2016 കൊല്ലം: കൊല്ലം ഡി.സി.സി ഓഫീസ് പരിസരത്തുവച്ച് രാജ്മോഹൻ ഉണ്ണിത്താനെ കയ്യേറ്റം ചെയ്ത സംഭവത്തിൽ ആറു കോൺഗ്രസ് പ്രവർത്തകർക്ക് സസ്പെൻഷൻ. കൊല്ലം ഡി.സി.സി പ്രസിഡന്റ് ബിന്ദു കൃഷ്ണയാണ് സസ്പെൻഷൻ തീരുമാനമെടുത്തത്. ബിനു മംഗലത്ത്, എം.എസ്.അജിത്ത് കുമാർ, വിഷ്ണു വിജയൻ, ആർ.എസ്.അഭിൻ, ശങ്കരനാരായണ പിള്ള, അതുൽ എസ്.പി. എന്നിവരാണ് സസ്പെൻ‍ഷനിലായ കോൺഗ്രസുകാർ. ആക്രമണത്തെക്കുറിച്ച് അന്വേഷിക്കാൻ രണ്ടു ഡി.സി.സി ഭാരവാഹികൾ അംഗങ്ങളായ കമ്മിറ്റിയെ ചുമതലപ്പെടുത്തി. കെ.പി.സി.സി പ്രസിഡന്റ് വി.എം.സുധീരന്റെ നിർദേശാനുസരണമാണ് നടപടി. അന്വേഷണം നടത്തി കുറ്റക്കാർക്കെതിരെ നടപടി Read more about രാജ്മോഹൻ ഉണ്ണിത്താനെ കയ്യേറ്റം ചെയ്ത സംഭവത്തിൽ ആറു കോൺഗ്രസ് പ്രവർത്തകർക്ക് സസ്പെൻഷൻ.[…]

03:48 pm 28/12/2016 തിരുവനന്തപുരം: പി.എസ്.സി. അംഗങ്ങളുടെ നിലവിലുള്ള നാല് ഒഴിവുകളിലേക്ക് ചുവടെ പറയുന്നവരെ നിയമിക്കുന്നതിന് ഗവര്‍ണര്‍ക്കു ശുപാര്‍ശ ചെയ്യാൻ മന്ത്രിസഭാ യോഗം അംഗീകാരം നല്‍കി. സുരേഷന്‍. സി, എക്സിക്യൂട്ടീവ് എഞ്ചിനീയര്‍, പി.ഡബ്ല്യൂ.ഡി. ബില്‍ഡിംഗ്സ് ഡിവിഷന്‍, കാസര്‍കോട്, ഡോ. എം.ആര്‍. ബൈജു, പ്രൊഫസര്‍, ഡിപ്പാര്‍ട്ട്മെന്‍റ് ഓഫ് ഇലക്ട്രോണിക്സ് ആൻഡ് കമ്യൂണിക്കേഷന്‍, ഗവ: എഞ്ചിനീയറിംഗ് കോളജ്, തിരുവനന്തപുരം, ഡോ. ജിനു സക്കറിയ ഉമ്മന്‍, മനകുപ്പിയില്‍ ഹൗസ്, ഇടനാട് പി.ഒ, ചെങ്ങന്നൂര്‍, അഡ്വ. രഘുനാഥന്‍ എം.കെ, മാരാത്ത് ഹൗസ്, കോടന്നൂര്‍ Read more about ആരോഗ്യ വകുപ്പിനു കീഴിലുള്ള വിവിധ ആശുപത്രികളില്‍ അസിസ്റ്റന്‍റ് ദന്തല്‍ സര്‍ജന്‍മാരുടെ 47 പുതിയ തസ്തികകള്‍ സൃഷ്ടിക്കും.[…]