12:07am 03/3/2016 തിരുവനന്തപുരം: കുറച്ച് ദിവസങ്ങളായി തുടരുന്ന അനിശ്ചിതത്വത്തിനൊടുവില്‍ കേരള കോണ്‍ഗ്രസ് എമ്മില്‍ പിളര്‍പ്പ് ഉറപ്പായി. ജോസഫ് ഗ്രൂപ്പിലെ ഫ്രാന്‍സിസ് ജോര്‍ജ് നേതൃത്വം നല്‍കുന്ന വിമതവിഭാഗം ഇടത് മുന്നണിയുമായി സഹകരിക്കുന്നത് സംബന്ധിച്ച് ധാരണയായെന്നാണ് റിപ്പോര്‍ട്ടുകള്‍. ഇത് സംബന്ധിച്ച് ഔദ്യോഗിക പ്രഖ്യാപനം നടത്താനായി ഫ്രാന്‍സിസ് ജോര്‍ജ് ഇന്ന് മാധ്യമങ്ങളെ കാണുമെന്നാണ് സൂചന. പിളര്‍പ്പ് ഒഴിവാക്കാനുള്ള പി.ജെ. ജോസഫിന്റെ അവസാനശ്രമവും പാളിയതിനെ തുടര്‍ന്നാണ് നടപടി. ജോസഫ് വിഭാഗം നേതാക്കളായ ആന്റണി രാജുവും ഡോ. കെ.സി ജോസഫും പി.സി ജോസഫും ഫ്രാന്‍സിസ് Read more about കേരള കോണ്‍ഗ്രസ് ചിലര്‍ ഇടത്തോട്ട് പ്രഖ്യാപനം ഇന്നുണ്ടായേക്കും[…]

11:55am 03/3/2016 ന്യൂഡല്‍ഹി: പാന്‍മസാല ഉപയോഗം പ്രോത്സാഹിപ്പിക്കുന്ന പരസ്യത്തില്‍ അഭിനയിക്കുന്നതില്‍നിന്ന് ഭര്‍ത്താക്കന്മാരെ പിന്തിരിപ്പിക്കണമെന്നാവശ്യപ്പെട്ട് ബോളിവുഡ് നടന്മാരുടെ ഭാര്യമാര്‍ക്ക് ഡല്‍ഹി സര്‍ക്കാറിന്റെ കത്ത്. ഷാറൂഖ് ഖാന്റെ ഭാര്യ ഗൗരി ഖാന്‍, അജയ് ദേവ്ഗണിന്റെ ഭാര്യ കാജോള്‍, അര്‍ബാസ് ഖാന്റെ ഭാര്യ മലെയ്ക അറോറ, ഗോവിന്ദയുടെ ഭാര്യ സുനിത അഹൂജ എന്നിവര്‍ക്കാണ് കത്തയച്ചത്. അടക്കയുടെ അംശം അടങ്ങിയ ഉല്‍പന്നങ്ങള്‍ കാന്‍സറിന് കാരണമാവുമെന്നത് ചൂണ്ടിക്കാട്ടിയാണ് കത്ത്.

11:50am 03/3/2016 ശ്രീനഗര്‍: കശ്മീരിലെ പുല്‍വാമ ജില്ലയില്‍ ത്രാല്‍ നഗരത്തിനടുത്ത ഗ്രാമത്തില്‍ സുരക്ഷാസേനയുമായുള്ള ഏറ്റുമുട്ടലില്‍ മൂന്ന് പേര്‍ കൊല്ലപ്പെട്ടു. തീവ്രവാദികള്‍ ഒളിച്ചിരിക്കുന്നുവെന്ന വിവരത്തെ തുടര്‍ന്ന് ബുധനാഴ്ച വൈകുന്നേരം മുതല്‍ സ്ഥലം സൈന്യം വളഞ്ഞിരുന്നു. ഇവര്‍ ഒളിച്ചിരിക്കുന്ന വീട് വളഞ്ഞ സൈന്യം വെടിയുതിര്‍ക്കുകയായിരുന്നു. ഏറ്റുമുട്ടല്‍ നടന്ന സ്ഥലത്തു നിന്ന് എകെ 47 തോക്കുകള്‍ കണ്ടെടുത്തതായും തിരച്ചില്‍ തുടരുകയാണെന്നും സൈന്യം അറിയിച്ചു. എന്നാല്‍ ഏറ്റുമുട്ടല്‍ വാര്‍ത്ത പുറത്തറിഞ്ഞതോടെ സൈന്യത്തിനെതിരെ പ്രതിഷേധവുമായി പ്രദേശവാസികള്‍ രംഗത്തെത്തി. സൈന്യത്തിനു നേരെ ഇവര്‍ കല്ലേറ് നടത്തി.