11:06am 03/3/2016 ഇംഫാല്‍: അസമിലെ പ്രത്യേക സൈനിക സായുധാധികാര നിയമം റദ്ദാക്കണമെന്നാവശ്യപ്പെട്ട് നിരാഹാരം തുടരുന്ന സാമൂഹ്യപ്രവര്‍ത്തക ഇറോം ശര്‍മിള ചാനു വീണ്ടും അറസ്റ്റില്‍. ഇറോം ശര്‍മിളക്കെതിരെയുള്ള കുറ്റമെന്താണെന്ന് പൊലീസ് ഇതുവരെ വ്യക്തമാക്കിയിട്ടില്ല. ആത്മഹത്യാക്കുറ്റം ആരോപിച്ച് ജുഡീഷ്യല്‍ കസ്റ്റഡിയിലായിരുന്ന ഇറോം ശര്‍മിളയെ ഫെബ്രുവരി 29നാണ് കോടതി മോചിപ്പിച്ചത്. മോചിതയായ അതേ ദിവസം തന്നെ അവര്‍ നിരാഹാരം പുനരാരംഭിക്കുകയായിരുന്നു. ഡോക്ടര്‍മാരെത്തിയപ്പോള്‍ മെഡിക്കല്‍ പരിശോധനക്ക് ഇറോം ശര്‍മിള അനുവദിച്ചിരുന്നില്ല. അസമിലെ പ്രത്യേക സൈനിക സായുധാധികാര നിയമം റദ്ദാക്കണമെന്നാവശ്യപ്പെട്ട് 16 വര്‍ഷങ്ങളായി നിരാഹാര Read more about ഇറോം ശര്‍മിള അറസ്റ്റില്‍[…]

01:23pm 02/3/2016 തിരുവനന്തപുരം: നിയമസഭ തെരഞ്ഞെടുപ്പില്‍ ഇടതുപക്ഷത്തിന് വിജയിക്കണമെങ്കില്‍ പ്രതിപക്ഷ നേതാവ് വി.എസ് അച്യുതാനന്ദന്‍ മുന്നണിയെ മുന്നില്‍ നിന്ന് നയിക്കണമെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. ഇടതുപക്ഷത്തിന്റെ ശക്തനായ നേതാവാണ് വി.എസ്. ഇക്കാര്യത്തില്‍ മറ്റ് ഇടതു കക്ഷികളുടെ താത്പര്യം സി.പി.എം മാനിക്കുമെന്നാണ് കരുതുന്നതെന്നും അദ്ദേഹം പറഞ്ഞു. മുഖ്യമന്ത്രി സ്ഥാനാര്‍ഥിയെ മുന്‍കൂട്ടി നിശ്ചയിക്കുന്ന രീതി ഇടതുപക്ഷത്തിനില്ലെന്നും അത്തരത്തിലൊരു കീഴ്വഴക്കം സംസ്ഥാനത്ത് ഇതുവരെ ഉണ്ടായിട്ടില്ലെന്നും കാനം രാജേന്ദ്രന്‍ വ്യക്തമാക്കി.

01:20pm 02/3/2016 വാഷിങ്ടണ്‍: അല്‍ഖ്വയ്ദ തലവന്‍ ഉസാമ ബിന്‍ലാദന്‍ സമ്പാദിച്ച സ്വത്തിന്റെ ഭൂരിഭാഗവും തീവ്രവാദ പ്രവര്‍ത്തനങ്ങള്‍ക്കായി നീക്കിവെക്കണമെന്ന് വില്‍പത്രം എഴുതിയിരുന്നതായി റിപ്പോര്‍ട്ട്. സമ്പാദ്യത്തില്‍ 2.9 കോടി ഡോളര്‍ വിലവരുന്ന സ്വത്തുക്കള്‍ ആഗോളതലത്തില്‍ ജിഹാദിനായി മാറ്റിവെച്ചുവെന്ന് വില്‍പത്രത്തിലുണ്ട്. 2011ല്‍ പാകിസ്താനിലെ ആബട്ടാബാദില്‍ അമേരിക്കന്‍ സേനയായ നേവി സീല്‍ ഉസാമയെ കൊലപ്പെടുത്തിയപ്പോള്‍ പിടിച്ചെടുത്ത രേഖകളിലാണ് ഈ വിവരമുള്ളത്. അമേരിക്കന്‍ സൈന്യത്തിന്റെ കൈവശമുള്ള രേഖകള്‍ ഉദ്ധരിച്ച് എ.ബി.സി ന്യൂസാണ് ഇക്കാര്യം പുറത്തുവിട്ടത്. സ്വത്ത് സുഡാനിലുണ്ടെന്നാണ് വില്‍പത്രത്തിലുള്ളത്. എന്നാല്‍, ഇത് പണമായാണോ മറ്റ് Read more about സ്വത്തിന്റെ ഒരു നല്ല ഭാഗവും തീവ്രവാദത്തിന് മാറ്റിവെച്ച് ബിന്‍ ലാദന്റെ വില്‍പത്രം[…]

09:57am 02/3/2016 മലപ്പുറം: പാണ്ടിക്കാട് കെ.എസ്.ആര്‍.ടി.സി ബസും ലോറിയും കൂട്ടിയിടിച്ച് രണ്ട് പേര്‍ മരിച്ചു. 20 പേര്‍ക്ക് പരിക്കേറ്റു. മൂന്ന് പേരുടെ നില ഗുരുതരം. ഇന്നു പുലര്‍ച്ചെ 3.30ന് സംസ്ഥാന പാതകള്‍ കൂടിചേരുന്ന പാണ്ടിക്കാട് ജംങ്ഷനിലായിരുന്നു അപകടം. കണ്ണൂര്‍ സ്വദേശി റമീസ്, വയനാട് സ്വദേശി മനോജ് എന്നിവരാണ് മരിച്ചത്. ഇരുവരും അപകടത്തില്‍പ്പെട്ട ലോറിയിലെ ഡ്രൈവറും ക്ലീനറുമാണ്. ലോറിയില്‍ ഉണ്ടായിരുന്ന മൂന്നാമത്തെ ആള്‍ക്കും പരിക്കേറ്റിട്ടുണ്ട്. പരിക്കേറ്റ അമ്മയും കുഞ്ഞും അടക്കമുള്ളവരെ പെരിന്തല്‍മണ്ണയിലെ സ്വകാര്യ ആശുപത്രിയിലേക്ക് മാറ്റി.