12:19pm 19/04/2016 കൊച്ചി: സംസ്ഥാനത്തെ മദ്യനയം കുറ്റമറ്റരീതിയില്‍ നടപ്പാക്കാനുള്ള വഴികള്‍ പരിശോധിച്ച് നടപടിയെടുക്കണമെന്ന് കെ.പി.സി.സി പ്രസിഡന്റ് വി.എം. സുധീരന്‍. മദ്യനയത്തിന്റെ ഭാഗമായാണ് പഞ്ചനക്ഷത്ര ഹോട്ടലുകള്‍ക്ക് ബാര്‍ ലൈസന്‍സ് അനുവദിച്ചതെന്നാണ് സര്‍ക്കാര്‍ വിശദീകരണം. പുതിയ ബാറുകള്‍ അനുവദിക്കാനുണ്ടായ സാഹചര്യത്തിന്റെ എല്ലാ വശങ്ങളും പരിശോധിക്കുമെന്നും അദ്ദേഹം അഭിപ്രായപ്പെട്ടു. നിലവിലുള്ള മദ്യനയത്തില്‍ വിട്ടുവീഴ്ചയുണ്ടാകില്ല. മദ്യനയം പഴുതുകളില്ലാതെ നടപ്പാക്കുകയാണ് സര്‍ക്കാരിന്റെ ലക്ഷ്യമെന്നും സുധീരന്‍ പറഞ്ഞു. സംസ്ഥാനത്ത് ആറ് പഞ്ചനക്ഷത്ര ഹോട്ടലുകള്‍ കൂടി ബാര്‍ ലൈസന്‍സ് അനുവദിക്കാന്‍ കോടതി വിധി പ്രകാരം എക്‌സൈസ് നടപടിയെടുത്തിരുന്നു.

12:15pm 19/4/2016 കൊച്ചി: പരവൂര്‍ വെടിക്കട്ടിലെ കരാറുകാരന്‍ കൃഷ്ണന്‍കുട്ടിയും ഭാര്യയും നല്‍കിയ മുന്‍കൂര്‍ ജാമ്യാപേക്ഷ പരിഗണിക്കുന്നത് ഹൈക്കോടതി ഈ മാസം 29ലേക്ക് മാറ്റി.ജാമ്യം നല്‍കുന്നത് സംബന്ധിച്ച് സര്‍ക്കാരിന്റെ വിശദീകരണവും കോടതി തേടിയിട്ടുണ്ട്. വെടിക്കെട്ടപകടത്തിന് തങ്ങള്‍ ഉത്തരവാദികളല്ലെന്നാണ് അപേക്ഷയില്‍ കൃഷ്ണകുട്ടി പറഞ്ഞിരിക്കുന്നത്. സംഭവത്തിന്റെ പൂര്‍ണ ഉത്തരവാദിത്വം മറ്റൊരു കരാറുകാരന്‍ സുരേന്ദ്രനാണ്.സുരേന്ദ്രന്റെ അശ്രദ്ധയാണ് ദുരന്തത്തിന് കാരണമായതെന്നും അപേക്ഷയില്‍ പറയുന്നു. പരവൂര്‍ പോലീസ് രജിസ്റ്റര്‍ ചെയ്തിരിക്കുന്ന കേസില്‍ നാലും അ!ഞ്ചും പ്രതികളാണ് കൃഷ്ണന്‍ കുട്ടിയും ഭാര്യ അനാര്‍ക്കലിയും.സംഭവത്തെ തുടര്‍ന്ന് ഇരുവരും ഒളിവിലാണ്.