02:51pm 8/8/2016 കണ്ണൂര്‍: മുഴപ്പിലങ്ങാട് ടോള്‍ ബുത്തിലേക്ക് നിയന്ത്രണം നഷ്ടപ്പെട്ട കണ്‌ടെയ്‌നര്‍ ലോറി ഇടിച്ചുകയറി മൂന്ന് പേര്‍ക്ക് പരിക്കേറ്റു. ടോള്‍ ബൂത്തിന്റെ കെട്ടിടത്തിലേക്കാണ് ലോറി ഇടിച്ചുകയറിയത്. പരിക്കേറ്റ രണ്ടു പേരെ ആശുപത്രിയില്‍ പ്രവേശിപ്പിച്ചു. ഒരാള്‍ കെട്ടിടത്തില്‍ കുടുങ്ങിയ നിലയിലാണ്. ഇയാളെ പുറത്തെടുക്കാനുള്ള ശ്രമങ്ങള്‍ പോലീസും അഗ്നിശമന സേനയും തുടരുകയാണ്. ഉച്ചയ്ക്ക് ഒന്നോടെയാണ് അപകടമുണ്ടായത്. കൂടുതല്‍ പേര്‍ കെട്ടിടത്തില്‍ കുടുങ്ങിയിട്ടുണ്‌ടോ എന്നും പരിശോധിക്കുന്നുണ്ട്. ആശുപത്രിയില്‍ പ്രവേശിപ്പിച്ചിരിക്കുന്നവരുടെ നില ഗുരുതരമാണ്.

12:12PM 8/8/2016 തിരുവനന്തപുരം: പ്രശ്‌നാധിഷ്ഠിത നിലപാട് എടുക്കുമെന്ന കെ.എം.മാണിയുടെ നിലപാട് നല്ലതാണെന്ന് മുതിര്‍ന്ന ബിജെപി നേതാവും എംഎല്‍എയുമായ ഒ.രാജഗോപാല്‍. പ്രശ്‌നാധിഷ്ഠിത നിലപാട് തന്നെയാണ് ബിജെപിയുടേയും. ഒരു പാര്‍ട്ടിയോടും ബിജെപിക്ക് തൊട്ടു കൂടായ്മയില്ലെന്നും ഒ.രാജഗോപാല്‍ പറഞ്ഞു.

12:00PM 8/8/2016 കണ്ണൂര്‍: കണ്ണൂര്‍ അന്താരാഷ്ട്ര വിമാനത്താവളത്തിന്‍െറ റണ്‍വേയുടെ ദൈര്‍ഘ്യം 4000 മീറ്ററാക്കാനാവശ്യമായ ഭൂമി ഉടന്‍ ഏറ്റെടുക്കുന്നതിന് മുഖ്യമന്ത്രി പിണറായി വിജയന്‍െറ അധ്യക്ഷതയില്‍ വിമാനത്താവള പദ്ധതി പ്രദേശത്ത് ചേര്‍ന്ന യോഗം തീരുമാനിച്ചു. ഭൂമി ഏറ്റെടുക്കാനാവശ്യമായ നടപടികള്‍ക്ക് ജില്ലാ കലക്ടര്‍ക്ക് മുഖ്യമന്ത്രി നിര്‍ദേശം നല്‍കി. മുഖ്യമന്ത്രിയായി ചുമതലയേറ്റതിനു ശേഷം പിണറായി വിജയന്‍ ആദ്യമായി വിമാനത്താവള പദ്ധതി പ്രദേശത്ത് എത്തിയപ്പോഴാണ് സുപ്രധാന തീരുമാനമുണ്ടായത്. ഞായറാഴ്ച മൂന്നു മണിയോടെ വിമാനത്താവള പദ്ധതി പ്രദേശത്ത് എത്തിയ മുഖ്യമന്ത്രിയെ കിയാല്‍ എം.ഡി വി. തുളസീദാസിന്‍െറ Read more about കണ്ണൂര്‍ വിമാനത്താവളം: റണ്‍വേ 4000 മീറ്ററാക്കും[…]