09:40 am 24/2/2017 കോയമ്പത്തൂര്‍: പ്രധാനമന്ത്രി നരേന്ദ്രമോദി വെള്ളിയാഴ്ച കോയമ്പത്തൂരിലത്തെും. നഗരത്തില്‍ കനത്ത സുരക്ഷയാണ് ഏര്‍പ്പെടുത്തിയിരിക്കുന്നത്. കോയമ്പത്തൂര്‍ വെള്ളീങ്കിരി മലയടിവാരത്തിലെ ഈഷ യോഗകേന്ദ്രത്തിലെ 112 അടി ഉയരമുള്ള ‘ആദി യോഗി’യുടെ ശില അനാച്ഛാദനം ചെയ്യാനാണ് മോദി എത്തുന്നത്. വൈകീട്ട് ആറോടെയാണ് പ്രധാനമന്ത്രി ചടങ്ങില്‍ പങ്കെടുക്കുക.ഏഴുമണിക്ക് കോയമ്പത്തൂര്‍ വിമാനത്താവളത്തില്‍നിന്ന് ഡല്‍ഹിക്ക് തിരിക്കും. മുഖ്യമന്ത്രിമാരായ ശിവരാജ്സിങ് ചൗഹാന്‍ (മധ്യപ്രദേശ്), ദേവേന്ദ്രഫഡ്നാവിസ് (മഹാരാഷ്ട്ര), വസുന്ധരരാജ (രാജസ്ഥാന്‍) എന്നിവരും കേരള ഗവര്‍ണര്‍ പി. സദാശിവം, പുതുശ്ശേരി ഗവര്‍ണര്‍ കിരണ്‍ബേദി എന്നിവരും പങ്കെടുക്കും. ഫെബ്രുവരി Read more about നരേന്ദ്രമോദി വെള്ളിയാഴ്ച കോയമ്പത്തൂരിലത്തെും.[…]

09:30 am 24/2/2017 നടിയെ ആക്രമിച്ച കേസിലെ പ്രതി പള്‍സര്‍ സുനിയുമായി കൊച്ചി നഗരത്തില്‍ പൊലീസ് തെളിവെടുപ്പ് നടത്തി. നടിയുമൊത്ത് സ‌ഞ്ചരിച്ച വഴികളിലൂടെയും മൊബൈല്‍ ഫോണ്‍ ഉപേക്ഷിച്ചെന്ന് സുനി പറഞ്ഞ സ്ഥലത്തും പൊലീസ് പരിശോധന നടത്തി. ഇന്നലെ രാത്രി രണ്ട് മണിയോടെയാണ് ആലുവ പൊലീസ് ക്ലബ്ബില്‍ നിന്ന് സുനിയെ പുറത്തിറക്കിയത്. നടിയെയും കൊണ്ട് വാഹനത്തില്‍ സഞ്ചരിച്ചെന്ന് പറഞ്ഞ സ്ഥലത്തെല്ലാം പൊലീസ് സംഘം ഇയാളെയും കൊണ്ട് പോയി. മറ്റ് പ്രതികളെ ഒഴിവാക്കി സുനിയെ മാത്രമായിരുന്നു കൊണ്ടുപോയത്. ഇയാളെ വാഹനത്തില്‍ Read more about പള്‍സര്‍ സുനിയുമായി കൊച്ചി നഗരത്തില്‍ തെളിവെടുപ്പ് നടത്തി[…]

09:28 am 24/2/2017 വിജയവാഡ: ആന്ധ്രാപ്രദേശിലെ വിജയവാഡയിൽ വൻ കഞ്ചാവ് വേട്ട. രഹസ്യ വിവരത്തെ തുടർന്ന് അനകാപള്ളിയിൽ പോലീസ് നടത്തിയ പരിശോധനയിൽ 2744 കിലോഗ്രാം കഞ്ചാവാണ് പിടിച്ചെടുത്തത്. രണ്ട് കണ്ടെയ്നറുകളിലായാണ് കഞ്ചാവ് കടത്താൻ ശ്രമിച്ചത്. ഇതിന് അന്താരാഷ്ട്ര വിപണിയിൽ 1.3 കോടി രൂപ വിലമതിക്കും. വിജയവാഡയിൽനിന്ന് ബംഗളുരുവിലേക്കു പോകുകയായിരുന്നു കണ്ടെയ്നർ. ട്രക്കിന്‍റെ ഡ്രൈവർമാരെയും ജീവനക്കാരെയും പോലീസ് അറസ്റ്റ് ചെയ്തു.

09:23 am 24/2/2017 കിൻഷാസ: ഡെമോക്രാറ്റിക് റിപ്പബ്ലിക്ക് ഓഫ് കോംഗോയിൽ സൈനികരും വിമതരും തമ്മിലുണ്ടായ ഏറ്റുമുട്ടലിൽ 16 പേർ കൊല്ലപ്പെട്ടതായി സൈനിക വക്താവ് പറഞ്ഞു. നോർത്ത് കിവു പ്രവിശ്യയിൽ കഴിഞ്ഞ മൂന്നു ദിവസമായി ഏറ്റുമുട്ടൽ തുടരുകയാണ്. കൊല്ലപ്പെട്ടവർ സൈനികരാണോ വിമതരാണോയെന്ന് വ്യക്തമായിട്ടില്ലെന്നും സൈനിക വക്താവ് പറഞ്ഞു. ഏറ്റുമുട്ടലിൽ വിമതവിഭാഗത്തിലെ അഞ്ച് പോരാളികളെ സൈന്യം കീഴ്പ്പെടുത്തിയതായും 58 വിമതർ സ്വയം കീഴടങ്ങിയതായും സൈനിക വക്താവ് അറിയിച്ചു.