02.26 Am 12/11/2016 ന്യൂഡൽഹി: ഉത്തരേന്ത്യൻ സംസ്‌ഥാനങ്ങളിൽ ഉപ്പിനു ക്ഷാമമുണ്ടെന്ന തരത്തിൽ വന്ന വാർത്തകൾ തെറ്റാണെന്ന് കേന്ദ്ര–സംസ്‌ഥാന സർക്കാരുകളും. ഉപ്പിനു ക്ഷാമമില്ലെന്നും ജനങ്ങൾക്ക് മിതമായ നിരക്കിൽ ഉപ്പ് നൽകുന്നതിനു സംസ്‌ഥാന സർക്കാരുകൾ വേണ്ട നടപടികൾ സ്വീകരിച്ചിട്ടുണ്ടെന്നും കേന്ദ്ര സർക്കാർ വക്‌താവ് അറിയിച്ചു. ഉപ്പിനു ക്ഷാമമാണെന്ന വാർത്ത പരന്നതോടെ വിലയും കുതിച്ചു. കിലോയ്ക്ക് 100 മുതൽ 400 വരെയായി പലയിടത്തും വില. ഇതോടെയാണ് അധികൃതർ വിശദീകരണവുമായി രംഗത്തെതിയത്. അവശ്യ സാധനങ്ങളുടെ പട്ടികയിലുള്ള ഉപ്പിനു വിലകൂട്ടിയിട്ടില്ലെന്ന് കേന്ദ്ര ഭക്ഷ്യ സിവിൽ Read more about ഉപ്പിനു ക്ഷാമം; അഭ്യൂഹം മാത്രമെന്ന് കേന്ദ്രവും സംസ്‌ഥാനങ്ങളും[…]

02.24 AM 12/11/2016 ന്യൂഡൽഹി: സുപ്രീം കോടതിക്ക് ജസ്റ്റീസ് മാർക്കണ്ഡേയ കട്ജുവിന്റെ രൂക്ഷ വിമർശനം. സുപ്രീം കോടതി തന്നോട് അനീതി കാട്ടിയെന്ന് കട്ജു ആരോപിച്ചു. സൗമ്യ വധക്കേസിൽ കോടതിക്ക് തന്റെ സഹായം ആവശ്യമുണ്ടെന്നു കരുതി തയാറായാണ് പോയത്. എന്നാൽ മുൻകൂട്ടി തയാറാക്കിയ നാടകമാണ് കോടതിയിൽ അരങ്ങേറിയത്. സുപ്രീം കോടതി മുൻ ജഡ്ജിയെന്ന പരിഗണന തനിക്കു ലഭിച്ചില്ലെന്നും അദ്ദേഹം ആരോപിച്ചു. തന്റെ ഫേസ്ബുക്ക് പോസ്റ്റിലാണ് അദ്ദേഹം പ്രതികരിച്ചത്.

02.23 AM 12/11/2016 മാണ്ഡി: ഹിമാചൽപ്രദേശിൽ പോലീസ് 76 ലക്ഷം രൂപ പിടികൂടി. കേന്ദ്ര സർക്കാർ അസാധുവാക്കിയ 500, 1000 രൂപ നോട്ടുകളായി കാറിൽ സൂക്ഷിച്ച പണമാണ് പോലീസ് പിടിച്ചെടുത്തത്. വാഹന പരിശോധനയ്ക്കിടെയാണ് കണക്കിൽ പെടാത്ത പണം കണ്ടെത്തിയത്. ടൊയോട്ട ഫോർച്ചൂണർ കാറിൽ സമ്മാനപ്പൊതിയിലാണ് നോട്ട് സൂക്ഷിച്ചിരുന്നത്. മണാലിയിൽനിന്നും ബിലാസ്പുരിലേക്ക് വരികയായിരുന്ന കാർ പോലീസ് തടഞ്ഞ് പരിശോധിക്കുകയായിരുന്നു. കാറിലുണ്ടായിരുന്ന രണ്ടു പേരെ പോലീസ് അറസ്റ്റ് ചെയ്തു. പണം സംസ്‌ഥാനത്തിന്റെ പുറത്തേക്ക് കടത്തുകയായിരുന്നെന്നാണ് കരുതുന്നത്.

02.22 AM 12/11/2016 ന്യൂഡൽഹി: ക്ഷാമം നേരിട്ടതായി അഭ്യൂഹം പരന്നതിനെ തുടർന്ന് ഉപ്പുവാങ്ങാൻ ജനങ്ങളുടെ നെട്ടോട്ടം. വെള്ളിയാഴ്ച രാത്രി ഉത്തർപ്രദേശിന്റെയും ഡൽഹിയിലേയും ചില ഭാഗങ്ങളിലാണ് അഭ്യൂഹം പടർന്നത്. ആളുകൾ കൂട്ടത്തോടെ ഉപ്പുവാങ്ങാൻ ഇറങ്ങിയതോടെ വില കുതിച്ചുകയറി. ചില സ്‌ഥലങ്ങളിൽ ഒരു കിലോ ഉപ്പിന് 400 രൂപവരെയായി. ഇതോടെ ലക്നോവിലെ മൊത്തക്കച്ചവട സ്‌ഥാപനങ്ങൾ അധികൃതർ അടപ്പിച്ചു. ഉപ്പിനും അവശ്യ സാധനങ്ങൾക്കും ക്ഷാമമില്ലെന്നും സർക്കാർ അറിയിച്ചു. വെള്ളിയാഴ്ച വൈകുന്നേരത്തോടെയാണ് അഭ്യൂഹം പ്രചരിക്കാൻ ആരംഭിച്ചത്. ഉപ്പുവാങ്ങാൻ ഇറങ്ങിയവരെ നിയന്ത്രിക്കാൻ പോലീസിനെ നിയോഗിക്കേണ്ടിവന്നു. Read more about ക്ഷാമമെന്ന് അഭ്യൂഹം; ഉപ്പുവാങ്ങാൻ ജനങ്ങളുടെ നെട്ടോട്ടം[…]

02.18 AM 12/11/2016 ന്യൂഡൽഹി: ഡൽഹിയിൽ ആശുപത്രി ജീവനക്കാരൻ യുവതിയെ മാനഭംഗപ്പെടുത്തിയതായി പരാതി. ഡൽഹി മംഗൾപുരിയിലാണ് സംഭവം. സഞ്ജയ് ഗാന്ധി ആശുപത്രിയിലെ സെക്യൂരിറ്റി ജീവനക്കാരൻ വീരേന്ദ്രയെ സംഭവുമായി ബന്ധപ്പെട്ട് പോലീസ് അറസ്റ്റ് ചെയ്തു. ആശുപത്രിയിൽ ചികിത്സക്കെത്തിയ യുവതിയുമായി പരിചയത്തിലായ വീരേന്ദ്ര വിവാഹ വാഗ്ദാനം നൽകി പീഡിപ്പിക്കുകയായിരുന്നു. എന്നാൽ ഇയാൾ വിവാഹിതനാണെന്ന് അറിഞ്ഞതോടെ യുവതി പോലീസിൽ പരാതി നൽകുകയായിരുന്നു.