02.29 PM 07/11/2016 തിരുവനന്തപുരം: കേരള ഇൻഫ്രാസ്ട്രക്ചർ ഇൻവെസ്റ്റ്മെന്റ് ഫണ്ട് ബോർഡ്(കിഫ്ബി)ന്റെ ഉപദേശക സമിതി ചെയർമാനായി മുൻ സിഎജി വിനോദ് റായിയെ നിയമിച്ചു. 4004 കോടി രൂപയുടെ പദ്ധതികൾക്ക് കിഫ്ബിയുടെ ആദ്യ ഡയറക്ടർബോർഡ് യോഗം അംഗീകാരം നൽകി. മുഖ്യമന്ത്രി പിണറായി വിജയന്റെ അധ്യക്ഷതയിലായിരുന്നു യോഗം.

02.19 PM 07/11/2016 കേരളസര്‍വ്വകലാശാല അസിസ്റ്റന്റ് ഗ്രേഡ് നിയമനത്തട്ടിപ്പുമായി ബന്ധപ്പെട്ട് കോടതിയില്‍ നല്‍കിയ രേഖകള്‍ കാണാനില്ല. രേഖകള്‍ മുക്കിയതാണെന്ന് പരാതിക്കാര്‍ ആരോപിച്ച് ചീഫ് ജസ്റ്റിസിന് പരാതി നല്‍കി. 2008ല്‍ നടന്ന തട്ടിപ്പിന്റെ തെളിവെടുപ്പിനിടെ ആണ് രേഖകള്‍ അപ്രത്യക്ഷമാകുന്നത്. 2008ലാണ് കേരള സര്‍വകലാശാല അസിസ്റ്റന്റ് തസ്തികയിലേക്ക് നടന്ന നിയമനത്തില്‍ തട്ടിപ്പ് നടന്നത്. സര്‍വകലാശാല സ്വന്തം നിലയ്ക്ക് നടത്തിയ പരീക്ഷയും ഇന്റര്‍വ്യൂവും വഴി 198 പേര്‍ക്കാണ് അന്ന് നിയമനം കിട്ടിയത്. എന്നാല്‍ ഇതിന് പിന്നില്‍ വ്യാപക അഴിമതി നടന്നുവെന്നാണ് ആരോപണമുയര്‍ന്നത്. Read more about നിയമനത്തട്ടിപ്പ് കേസിന്റെ രേഖകള്‍ കോടതിയില്‍ നിന്ന് കാണാതായി[…]

02.08 PM 07/11/2016 തിരുവനന്തപുരം: കണ്ണൂരിലെ മഞ്ജു ലോട്ടറി ഏജൻസിയുടെ ലൈസൻസ് റദ്ദാക്കുമെന്ന് ധനമന്ത്രി തോമസ് ഐസക്ക്. വ്യാജ ലോട്ടറി ഉൾപ്പെടെയുള്ള ക്രമക്കേടുകൾ കണ്ടെത്തിയതിനേത്തുടർന്നാണ് നടപടിയെന്നാണ് വിശദീകരണം.

02.10 PM 07/11/2016 തൃശൂർ: വടക്കാഞ്ചേരി പീഡനക്കേസിൽ ഇരയുടെ മൊഴി ചോർത്തിയെന്ന് കോൺഗ്രസ് നേതാവ് അനിൽ അക്കര എംഎൽഎ ആരോപിച്ചു. പോലീസ് അസോസിയേഷൻ നേതാവിനാണ് മൊഴി ചോർത്തി നൽകിയതെന്നാണ് ആരോപണം. ഇതു സംബന്ധിച്ച് അദ്ദേഹം ഡിജിപിക്ക് പരാതി നൽകി. ഞായറാഴ്ചയാണ് ഇരയുടെ മൊഴി പോലീസ് രേഖപ്പെടുത്തിയത്. എഎസ്പി പൂങ്കുഴലിയുടെ നേതൃത്വത്തിലുള്ള പ്രത്യേക അന്വേഷ സംഘമായിരുന്നു മൊഴി രേഖപ്പെടുത്തിയത്.

02.17 PM 07/11/2016 കൊച്ചി: കൊച്ചി മെട്രോയുടെ രണ്ടാം ഘട്ടം മൂന്നോ നാലോ മാസത്തിനുള്ളിൽ തുടങ്ങാൻ സാധിക്കുമെന്നാണ് കരുതുന്നതെന്ന് കെഎംആർഎംഡി ഏലിയാസ് ജോർജ്. 2000 കോടി രൂപയാണ് രണ്ടാംഘട്ട നിർമ്മാണ പ്രവർത്തനങ്ങൾക്കു ചെലവു പ്രതീക്ഷിക്കുന്നത്. 1300 കോടി രൂപ ഫ്രഞ്ച് വായ്പ പ്രതീക്ഷിക്കുന്നുണ്ടെന്നും ഏലിയാസ് ജോർജ് വ്യക്‌തമാക്കി.