02.07 PM 07/11/2016 ന്യൂഡൽഹി: പ്രധാനമന്ത്രി നരേന്ദ്ര മോദിക്കെതിരെ ആഞ്ഞടിച്ച് കോൺഗ്രസ് ഉപാധ്യക്ഷൻ രാഹുൽ ഗാന്ധി. ഇന്ത്യൻ ജനാധിപത്യം അതിന്റെ കറുത്ത ദിനങ്ങളിലൂടെയാണ് കടന്നു പോകുന്നതെന്നും അതിനു കാരണം മോദിയും എൻഡിഎയുമാണെന്നും രാഹുൽ കുറ്റപ്പെടുത്തി. എതിർപ്പ് അറിയിക്കുന്നവരെ അടിച്ചമർത്താനാണ് മോദി സർക്കാർ ശ്രമിക്കുന്നതെന്നു പറഞ്ഞ രാഹുൽ സംശയം പ്രകടിപ്പിക്കുന്നവരെ രാജ്യ സുരക്ഷയുടെ പേരു പറഞ്ഞ് നിശബ്ദരാക്കാനാണ് മോദിയുടെ ശ്രമമെന്നും തുറന്നടിച്ചു. ഡൽഹിയിൽ നടക്കുന്ന കോൺഗ്രസ് പ്രവർത്തക സമിതി യോഗത്തിൽ അധ്യക്ഷത വഹിച്ചു സംസാരിക്കുകയായിരുന്നു രാഹുൽ ഗാന്ധി. കേന്ദ്ര Read more about അഭിപ്രായ സ്വാതന്ത്ര്യത്തെ മോദി അടിച്ചമർത്തുന്നുവെന്ന് രാഹുൽ ഗാന്ധി[…]

02.04 PM 07/11/2016 ലക്നോ: ഉത്തർപ്രദേശിലെ അലഹബാദിൽ പെൺകുട്ടികൾക്ക് നേരെ ആസിഡ് ആക്രമണം. സഹോദരിമാരായ മൂന്നു പെൺകുട്ടികൾക്കു നേരെയാണ് ആസിഡ് ആക്രമണമുണ്ടായത്. മാർക്കറ്റിൽ പോയി മടങ്ങുന്നതിനിടയിൽ ബൈക്കിൽ എത്തിയ അക്രമികളാണ് ആക്രമണം നടത്തിയത്. മൂന്നു പേർക്കും ഗുരുതരമായി പരിക്കേറ്റിട്ടുണ്ട്. പെൺകുട്ടികളുടെ നിലവിളി കേട്ട് ഓടിയെത്തിയവരാണ് ഇവരെ ആശുപത്രിയിൽ എത്തിച്ചത്. സംഭവവുമായി ബന്ധപ്പെട്ട് അഞ്ചു പേരെ പോലീസ് അറസ്റ്റു ചെയ്തു. പെൺകുട്ടികളിൽ ഒരാളോട് പ്രതികൾളിൽ ഒരാൾക്കുള്ള പ്രണയമാണ് ആക്രമണത്തിന് കാരണമെന്ന് പോലീസ് പറഞ്ഞു.

01.55 PM 07/11/2016 മുംബൈ: മുൻ കേന്ദ്രമന്ത്രിയും ബിജെപി നേതാവുമായ ജയ് വന്തിബെൻ മേത്ത (78) അന്തരിച്ചു. മുംബൈയിലെ വസതിയിൽ ഇന്നു പുലർച്ചെ 1.30നായിരുന്നു അന്ത്യം. അടൽബിഹാരി വാജ്പേയ് സർക്കാരിലാണ് ഇവർ മന്ത്രിയായിരുന്നത്. ഇന്നു വൈകിട്ട് അഞ്ചിന് മുംബൈയിലെ ശിവജി പാർക്ക് ശ്മശാനത്തിലാണ് സംസ്കാര ചടങ്ങുകൾ. പ്രധാനമന്ത്രി നരേന്ദ്ര മോദി അടക്കമുള്ള നേതാക്കൾ ജയ് വന്തിയുടെ മരണത്തിൽ അനുശോചനമറിയിച്ചു.