തമിഴ് സൂപ്പര്‍താരം ധനുഷ് ഹോളിവുഡിലേക്ക്. ഇറാന്‍ ഫഞ്ച് സംവിധാകനായ മര്‍ജാനെ സത്രാപി സംവിധാനം ചെയ്യുന്ന ‘ദ എക്‌സ്ട്രാ ഓര്‍ഡിനറി ജേര്‍ണി ഓഫ് ദ് ഫക്കീര്‍ ഹു ഗോട്ട് ട്രാപ്പ്ഡ്’ ഇന്‍ ആന്‍ ഇകിയ കബേര്‍ഡ് എന്നു പേരിട്ടിരിക്കുന്ന ചിത്രത്തിലാണ് ധനുഷ് അഭിനയിക്കുന്നത്. കില്‍ ബില്‍ ഫെയിം ഉമ തുര്‍മന്‍, അലക്‌സാന്‍ഡ്ര ദദാരിയോ എന്നിവരാണ് ചിത്രത്തിലെ മറ്റുപ്രധാനകഥാപാത്രങ്ങള്‍. ഫ്രാന്‍സ്, ഇറ്റലി എന്നിവിടങ്ങളാകും ലൊക്കേഷന്‍.

16 വര്‍ഷത്തെ ഇടവേളക്ക് ശേഷം ഇന്ദുചൂഢന്‍ വിണ്ടുമെത്തിയപ്പോള്‍ ആ വരവിനെ ആഘോഷമാക്കി ആരാധകര്‍. മോഹന്‍ലാല്‍ ആരാധകരുടെ ആവശ്യപ്രകാരം മോഹന്‍ലാല്‍ നായകനായ നരസിംഹം ഇന്നലെ തിയേറ്ററുകളില്‍ വീണ്ടും പ്രദര്‍ശനത്തിന് എത്തിയപ്പോള്‍ ഗംഭീര വരവേല്‍പ്പാണ് തിയേറ്ററുകളില്‍ ലഭിച്ചത്. ആരാധകരുടെ നേതൃത്വത്തില്‍ ആറ് ജില്ലകളിലെ ഓരോ തിയേറ്ററുകളിലാണ് റിപ്പബ്ലിക് ദിനത്തില്‍ നരസിംഹം വീണ്ടും പ്രദര്‍ശനത്തിന് എത്തിയത്. എറണാകുളം സവിത, ആലപ്പുഴ സാസ് ശാന്തി, തൃശൂര്‍ രാംദാസ്, കോട്ടയം അനുപമ, കണ്ണൂര്‍ എന്‍.എസ്, പത്തനംതിട്ട എന്നിവിടങ്ങളിലായിരുന്നു പ്രദര്‍ശനം നടന്നത്.