04:00 pm 10/5/2017 തിരുവനന്തപുരം: ഈ മാസം 25ന് നിയമസഭാ സമ്മേളനം അവസാനിക്കും. ജൂണ്‍ എട്ട് വരെ സമ്മേളിക്കാനായിരുന്നു നേരത്തെ തീരുമാനിച്ചിരുന്നത്. എന്നാൽ ഇന്നു ചേർന്ന കാര്യോപദേശക സമിതിയാണ് നിയമസഭാ സമ്മേളനം വെട്ടിച്ചുരുക്കാൻ തീരുമാനിച്ചത്. മുസ്ലിം ലീഗ് എംഎൽഎമാർ ആവശ്യപ്പെട്ടത് അനുസരിച്ചാണ് കാര്യോപദേശക സമിതിയുടെ തീരുമാനം.

11:14 am 10/5/2017 തിരുവനന്തപുരം: സർക്കാർ ഭൂമി കൈയേറിയതിൽ കൂടുതലും ഇടുക്കി ജില്ലയിലാണെന്ന് റവന്യൂ മന്ത്രി ഇ.ചന്ദ്രശേഖരൻ നിയമസഭയിൽ അറിയിച്ചു. പി.സി.ജോർജിന്‍റെ ചോദ്യത്തിനുള്ള മറുപടിയിലാണ് മന്ത്രി ഇക്കാര്യം വിശദീകരിച്ചത്. ഇടുക്കിയിൽ മാത്രം 110 ഹെക്ടർ സർക്കാർ ഭൂമി സ്വകാര്യ വ്യക്തികൾ കൈയേറിയിട്ടുണ്ട്. സക്കറിയ വെള്ളൂക്കുന്നേൽ, സിറിൽ പി. ജേക്കബ് എന്നിവരാണ് പ്രധാന കൈയേറ്റക്കാരെന്നും മന്ത്രി രേഖാമൂലം വ്യക്തമാക്കി.