07:22 am 19/6/2017 നൂക്: ഭൂചലനത്തെ തുടർന്ന് അറ്റ്ലാന്‍റിക് സമുദ്രത്തിനും ആർടിക് സമുദ്രത്തിനും ഇടയിൽ സ്ഥിതി ചെയ്യുന്ന ഗ്രീൻലാൻഡ് ദ്വീപിൽ സുനാമി തിരകൾ ആഞ്ഞടിച്ചു. നാലു പേരെ കാണാതായതായും 11 വീടുകൾ തകർന്നതായും റിപ്പോർട്ടുണ്ട്. ജലനിരപ്പ് ഉയർന്നതിനെ തുടർന്ന് നിരവധി വീടുകളിൽനിന്ന് ജനങ്ങളെ ഒഴിപ്പിച്ചു. റിക്ടർ സ്കെയിലിൽ 4.1 തീവ്രത രേഖപ്പെടുത്തിയ ഭൂചലനമാണ് ഉണ്ടായത്. വടക്കുപടിഞ്ഞാറൻ ഗ്രാമമായ ന്യുഗാഷിയയിൽനിന്നും 28 കിലോ മീറ്റർ മാറിയാണ് ഭൂചലനം അനുഭവപ്പെട്ടതെന്നും അധികൃതർ അറിയിച്ചു.

07:19 am 19/6/2017 ബമാക്കോ: പടിഞ്ഞാറൻ ആഫ്രിക്കൻ രാജ്യമായ മാലിയിലെ റിസോർട്ടിലുണ്ടായ വെടിവയ്പിൽ രണ്ടു പേർ മരിച്ചു. തലസ്ഥാനമായ ബമാക്കോയിൽ പാശ്ചാത്യ വിനോദ സഞ്ചാരികൾ കൂടുതലായെത്തുന്ന ലി ക്യാംപമെന്‍റ് റിസോർട്ടിലാണ് വെടിവയ്പുണ്ടായത്. ഭീകരർ ബന്ദികളാക്കിയ 32 പേരെ സുരക്ഷാസേന രക്ഷപ്പെടുത്തി. ഭീകരാക്രമണമാണ് ഉണ്ടായിരിക്കുന്നതെന്ന് ആഭ്യന്തരമന്ത്രി അറിയിച്ചു. മരിച്ചവരിൽ ഒരാൾ ഫ്രഞ്ച് സ്വദേശിയാണ്. മറ്റൊരാളുടെ വിവരം ലഭ്യമായിട്ടില്ല. സ്ഥലത്ത് സുരക്ഷാസേനയും ഭീകരരും തമ്മിൽ ഏറ്റുമുട്ടൽ തുടരുകയാണ്. ആക്രമണത്തിന്‍റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല.

07:18 am 19/6/2017 – അപ്പച്ചന്‍ കണ്ണന്‍ചിറ ബ്രോംലി: ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ കീഴിലുള്ള ലണ്ടനിലെ പ്രമുഖ കുര്‍ബ്ബാന കേന്ദ്രങ്ങളിലൊന്നായ ബ്രോംലി സെന്ററിലെ പാരീഷംഗങ്ങള്‍ സംഘടിപ്പിച്ച റോംഅസ്സീസ്സി തീര്‍ത്ഥാടനം തങ്ങളുടെ വിശ്വാസത്തിലും, ആല്മീയതയിലും ഊര്‍ജ്ജവും,പോഷണവും പകരുന്നവയും അനുഗ്രഹദായകവുമായി. റോം,കൊളോസ്സിയം, കാറ്റകൊംബ്, സ്കാല സാന്റ, അസ്സീസ്സി തുടങ്ങിയ പ്രമുഖ തീര്‍ത്ഥാടക കേന്ദ്രങ്ങള്‍ സന്ദര്‍ശിച്ച ബ്രോംലി കുടുംബാംഗങ്ങള്‍ക്ക് ഓരോരോ തീര്‍ത്ഥാടക കേന്ദ്രങ്ങളിലും ദിവ്യബലികളിലും പ്രാര്‍ത്ഥനകളിലും പങ്കു ചേരുവാനുള്ള അവസരങ്ങളും ലഭിച്ചിരുന്നു. കത്തോലിക്കാ സഭയുടെ പരമാദ്ധ്യക്ഷന്‍ പരിശുദ്ധ ഫ്രാന്‍സീസ് Read more about ബ്രോംലി പാരീഷംഗങ്ങളുടെ റോം അസ്സീസ്സി തീര്‍ത്ഥാടനം അനുഗ്രഹദായകമായി[…]