12:02 am 3/10/2016 ശ്രീനഗർ: ജമ്മു കശ്മീരിലെ ബാരാമുള്ളയിൽ സൈനിക ക്യാമ്പിന് സമീപം വെടിവെപ്പ്. ഭീകരർ നടത്തിയ വെടിവെപ്പിൽ രണ്ട് സൈനികർക്ക് പരിക്കേറ്റു. 46 രാഷ്ട്രീയ റൈഫിള്‍സിന്റെ ക്യാമ്പിന് നേരെയാണ് ആക്രമണമുണ്ടായത്. ക്യാമ്പിന് സമീപമുള്ള പാര്‍ക്കിലൂടെ ക്യാമ്പിലേക്ക് നുഴഞ്ഞു കയറാന്‍ ശ്രമിക്കുകയായിരുന്നു ഭീകരര്‍. സൈനിക കേന്ദ്രത്തിനുള്ളില്‍ ആരും കയറിയിട്ടില്ലെന്നാണ് റിപ്പോര്‍ട്ട്. ഏറ്റുമുട്ടല്‍ തുടരുകയാണ്. ഞായറാഴ്ച രാത്രി 10.30 ഓടെയാണ് വെടിവെപ്പ് തുടങ്ങിയത്. ക്യാമ്പിന് നേര്‍ക്ക് ഗ്രനേഡ് എറിഞ്ഞ ശേഷമാണ് ഭീകരര്‍ ക്യാമ്പിലേക്ക് പ്രവേശിക്കാന്‍ ശ്രമിച്ചത്.

09:15 pm 2/10/2016 തിരുവനന്തപുരം: സ്വാശ്രയ സമരവുമായി ബന്ധപ്പെട്ട് സര്‍ക്കാറിനെതിരെ താന്‍ പറഞ്ഞതായി മാധ്യമങ്ങളില്‍ വരുന്ന വാര്‍ത്ത തികച്ചും അടിസ്ഥാന രഹിതമാണെന്ന് വി.എസ് അച്യുതാനന്ദന്‍. എസ്.ബി.ടി-എസ്.ബി.ഐ ലയനത്തെക്കുറിച്ചാണ് പ്രതികരിച്ചതെന്നും മാധ്യമങ്ങള്‍ തെറ്റായി വാര്‍ത്ത നല്‍കുകയായിരുന്നെന്നും വി.എസ് പ്രസ്താവനയിലൂടെ അറിയിച്ചു. എസ്.ബി.ടിയെ എസ്.ബി.ഐയില്‍ ലയിപ്പിക്കുന്നതിനെതിരെ സെക്രട്ടേറിയറ്റിനു സമീപം നടന്ന സമരം ഉദ്ഘാടനം ചെയ്തു പുറത്തേക്കു വരുമ്പോഴാണ് മാധ്യമപ്രവര്‍ത്തകര്‍ സമരത്തെക്കുറിച്ചുള്ള പ്രതികരണം ആരാഞ്ഞത്. സമരം ന്യായമാണെന്നും അടിയന്തരമായി പരിഹരിക്കണമെന്നുമാണ് ഇതിനു മറുപടി പറഞ്ഞത്. ഈ പ്രതികരണം യു.ഡി.എഫ് എം.എൽ.എമാര്‍ നടത്തുന്ന Read more about സ്വാശ്രയ സമരവുമായി ബന്ധപ്പെട്ട് സര്‍ക്കാറിനെതിരെ താന്‍ പറഞ്ഞതായി മാധ്യമങ്ങളില്‍ വരുന്ന വാര്‍ത്ത തികച്ചും അടിസ്ഥാന രഹിതമാണെന്ന് വി.എസ്[…]

08:00 pm 2/10/2016 കണ്ണൂർ: ചൊക്ലിക്കടുത്ത മേക്കുന്ന് കനകമലയിൽ നിന്ന്​ എന്‍.ഐ.എ സംഘം അഞ്ച് പേരെ കസ്റ്റഡിയിലെടുത്തു. ഭീകരസംഘടനയുമായി ബന്ധമുണ്ടെന്നു സംശയിക്കുന്നവരെയാണ്​ കസ്​റ്റഡിയിലെടുത്ത്​. അണിയറ കീഴ്മാടം മദീന മന്‍സിലില്‍ മൻഷിദ്​ എന്നയാളെയും മറ്റ് നാലുപേരെയുമാണ് പിടികൂടിയത്. ദേശീയ അന്വേഷണ ഏജൻസി (എന്‍.ഐ.എ) ഐ.ജി അനുരാഗ് തംഗിെൻറയും മൂന്ന് ഡി.വൈ.എസ്.പിമാരുടെയും നേതൃത്വത്തിലുള്ള സംഘമാണ് ഇവരെ പിടികൂടിയത്. രാജ്യാന്തര ബന്ധമുണ്ടെന്ന് സംയിക്കുന്ന ചിലരുടെ ഫോണ്‍ കോളുകള്‍ എന്‍.ഐ.എ നിരീക്ഷിച്ചിരുന്നു. ഇതില്‍ നിന്നും മേക്കുന്ന് കനകമലയില്‍ രഹസ്യയോഗം ചേരുന്നുണ്ടെന്ന് വിവരം ലഭിച്ചു. Read more about കനകമലയിൽ നിന്ന്​ എന്‍.ഐ.എ സംഘം അഞ്ച് പേരെ കസ്റ്റഡിയിലെടുത്തു.[…]