07:38 am 16/6/2017 കാബൂൾ: അഫ്​ഗാനിസ്​ഥാൻ തലസ്​ഥാനമായ കാബൂളിലെ ശിയാ പള്ളിയിലുണ്ടായ ചാവേർ സ്ഫോടനത്തിൽ നാല് പേർ കൊല്ലപ്പെട്ടു. നിരവധി പേർക്ക് പരിക്കേറ്റു. ശിയ പള്ളിയായ അൽ സഹ്റയിലാണ് ആക്രമണമുണ്ടായത്. പള്ളിയിലേക്ക്​ കടക്കാൻ ശ്രമിച്ച ചാവേറിനെ പൊലീസ്​ തടഞ്ഞപ്പോൾ വെടിയുതിർത്ത അക്രമി ഉടൻ പള്ളിയോട് ചേർന്ന പാചകമുറിയിൽ വെച്ച് പൊട്ടിത്തെറിക്കുകയായിരുന്നു. അക്രമണത്തി​​െൻറ ഉത്തരവാദിത്വം ​െഎ.എസ്​ ഏറ്റെടുത്തു. ശിയാ പള്ളിയായ അൽ സഹ്റയെ ലക്ഷ്യം വെച്ച് മുമ്പും ആക്രമണങ്ങൾ ഉണ്ടായിട്ടുണ്ട്. കഴിഞ്ഞ നവംബറിലുണ്ടായ ആക്രമണത്തിൽ 30 പേർ കൊല്ലപ്പെട്ടിരുന്നു.

07:36 am 16/6/2017 ജയ്പുർ: രാജസ്ഥാനിലെ ജയ്സാൽമേറിൽ രണ്ട് ഐഎസ്ഐ ചാരന്മാരെ പിടികൂടി. ഇന്ത്യ-പാക് അതിർത്തിയിലുള്ള ഗ്രാമവാസികളെയാണ് ഇന്‍റലിജൻസ് ഏജൻസികൾ നല്കിയ വിവരത്തെത്തുടർന്ന് അറസ്റ്റ് ചെയ്തത്. റാംജണ്‍ ഖാൻ (30), നബിബാക്ഷ് ഖാൻ (45) എന്നിവരാണ് പിടിയിലായത്. ഇവരെ കൂടുതൽ ചോദ്യം ചെയ്യുന്നതിനായി രഹസ്യ കേന്ദ്രത്തിലേക്കു മാറ്റിയിരിക്കുകയാണ്.

07:23 am 16/6/2017 ന്യൂഡല്‍ഹി: പെട്രോള്‍ ലിറ്ററിന് 1.12 രൂപയും ഡീസല്‍ ലിറ്ററിന് 1.24 രൂപയും കുറച്ചു. രണ്ടാഴ്ചയിലൊരിക്കല്‍ പെട്രോള്‍, ഡീസല്‍ വില പരിഷ്‌കരിക്കുന്ന സംവിധാനത്തിന്റെ ഭാഗമായുള്ള അവസാന വിലനിര്‍ണയമാണിത്. വെള്ളിയാഴ്ച മുതല്‍ ഇന്ധനവില പ്രതിദിനം നിശ്ചയിക്കുന്ന സമ്പ്രദായത്തിലേക്കാണ് രാജ്യം മാറുന്നത്. പുതുക്കിയ വിലയനുസരിച്ച് ഡല്‍ഹിയില്‍ പെട്രോള്‍ ലിറ്ററിന് 65.48 രൂപയായിരിക്കും. നേരത്തേ ഇത് 66.91 രൂപയായിരുന്നു. ഡീസല്‍ ലിറ്ററിന് 55.94ല്‍നിന്ന് 54.49 ആയും കുറഞ്ഞു. ജൂണ്‍ ഒന്നിന് പെട്രോള്‍ ലിറ്ററിന് 1.23 രൂപയും ഡീസലിന് 0.89 Read more about പെട്രോള്‍ ലിറ്ററിന് 1.12 രൂപയും ഡീസലിന് 1.24 രൂപയും കുറച്ചു[…]